بصراحة جاني احباط من الجامعة وبقوة...

[ro0os]

انا معلمة حاسب آلي لي 5 سنوات خبره ولله الحمد.. مستوى تحصيلي رائع في الكلية وكذلك ابدعت في التدريس. كنت اتمنى اكمل مشوار الماجستير ولم تسمح لي الفرصة لظروف عائلية. اراد الله ان ينقل زوجي لمدينة جدة. والتي سعدت كثيرا من خبر نقله لها لأنه في مخيلتي سيتحقق حلمي الذي طالما حلمت به. وقدمت على ماجستير تقنيات وهو قريب من تخصصي ومفيد لعملي في منطقة القصيم. وهو مناسب لي وانا حاليا أخذ اجازات استثنائي على الفاضي.. وصدمت عدة صدمات.. عند التسجيل لم يذكروا ان احضر دورة انجليزي بالإضافة لدورات وخبرات حصلت عليها مسبقا بالإضافه الى سنين خبره . وعندي حضوري للجامعة لتسليم الأوراق اتوقع 4 او 5 مرات أخذ رقم يصل لفوق المئة ويعود مره اخرى وانتظر بالساعات ليرجعوني لنقص شيء ما ..ليه ما تكتبون كل شي بالتفصيل الممل .لأن في ناس من خارج المنطقة وفي ناس أول مره تقدم.. الحمدلله سلمت الأوراق.. وكل ما ادخل النت أشوف وش صار يطلع لي لم تصل المستندات.. لا حول ولا قوة الا بالله.
رجعنا للجامعة .. سألت ليه وش السالفه. قالوا لي خطأ في الموقع عشان الضغط. أوكي الحمد لله ما قلنا شي.
طلع يوم اختبار القبول ولحسن الحظ دريت قبل يوم واحد فقط فيه وبالصدفة..
ورحت الإمتحان الا وأمة محمد مقدمة على الماجستير.. شفت الأسئله وش جابها لتقنيات تعليم.اوكي في جزء حاسب وجزء لأساليب تعليم نبلعها. بس لعلم النفس؟والإحصاء؟؟؟؟الله أكبر
وين حنا انا ما عمري درست علم نفس ولا مر علي . متخرجة من علمي.اللهم علم نفس تربوي فقط..
ولا جاء منه شي.. الشكوة لله
قلنا يا عالم يا هوه متى النتايج وشلون نعرف عنها . قالوا ندق عليكم بالجوال .. ننتظر والله ما عبرنا احد.. اوكي
رحت للجامعة الا العالم مقابلينهم ومخلصين طيب تعالوا انا وش قصتي مو من حقي اعرف ليه ما صرت معهم كم أخذت درجة بالإمتحان.. كل ما اروح لقسم يرسلوني لثاني واخرتها صرفوني .. كل حاجه موجودة بالنت ؟؟ وين حنا ..

الأدهى والأمر حاطين من ضمن الشروط انه لازم يكون لي اقل شي 5 سنوات من تخرجت من الكليه والسنه الجاية بيكون لي 6 سنوات. يعني ما راح اكمل دراسة والله حراااااااااااااااااااااااام.. المفروض الناس الي يبغون ينفعون البلد والي مهتوين دراسة ورايحين يدورون عليها يراعونهم مو يحطمونهم.. قسم بالله قهر..
ما اقول الا حسبي الله ونعم الوكيل .. انا وامثالي مسؤلين عنهم يوم القيامه وين المسؤلين..