مواد السنه التحضريه لكل البنات الي زي ماهم عارفين شي

[m!ss saly]

[quote=بلشة;951370]اسمعي منيح :
مهارات الاتصال هي المادة الوحيدة الي راح تدرسيها بالعربي واسهل مادة راح تقابلك
شدي حيلك كل الباقي بالانجليزي
والانجليزي يدرسونو الخطتين زي بعض يعني كلهم مستوى اول في الترم الاول وكلهم مستوى تاني في الترم التاني اذا ما تغير النظام

بالنسبة للكيمياء والفيزياء والرياضيات والاحياء نفس الي درستيه في الثانوي واكترو من ثالث بس بالانجليزي
الاحصاء زي الرياضيات بس يبغالو مذاكرة اول باول وتركيز لانو كمان بالانجليزي
الحاسب حلو وبسيط لان ثلاث ارباع درجاتو على العملي وطبعا بالانجليزي

وان شاء الله اكون افدتك وتنجحي وانجح انا كمان .....آمـــــــــــــــــــــــين

يسلمو اخت بلشه يارب يوقفنا اأإأحان واأإأإنتي وكل البنات ونكمل قبولنا في الجامعه بس ابغا اسالك انو في الجامعه بالنسبه للبس والجوالات كيف الوضع وكمان النظام محاضرات ولا نظام متواصل زي المدرسه لاني بصراإأحه سمعاو نظام متواصل ومعليش رجيتك اأإأسئله

[بلشة]

ماثقلتي عادي اسالي ....


بالنسبة للجوالات واللبس راح افصلك هي تفصيل :

التنانير : تكون طويلة بس اكيد راح تشوفي بنات لابسين الى نص الساق او اقصر ماعليك منهم لان في اي لحظة يمكن ينمسكوا ...
البلايز : ماتكون علاقي او مكشوفة الظهر او شفافة يعني مناسبة للجامعة .
البنطلونات : اذا كنت تبغي تلبسي بنطلون لازم تلبسي بالطو ابيض لنصف الساق.

طبعا الجوالات من دون كميرا اهم شيء

نظام يقولو محاضرات مع اني اجلس من الساعة ثمنية الى اربعة العصر وفي بريكات
يعني اعتبريه متواصل زي المدرسة بس هذه السنة يعني استحملي
اوقات الدكتورة تكنسل محاضرات فيصير في فراغ...

اذا في اي سؤال عادي اسالي ...