رد بسيط غيرة عليك

[soma al7elwa]

تقريبا انا مواقفة معاك

والله والله والله كل صحباتي اللي ما جابو درجات كويسة ما كانوا يبزاكروا اول بأول

الجامعه مو مدرسة

ما ينفع اجلس طول الترم واجي قبل الاختبارات باسبوع اتزكر ازاكر

كانت معايا بنت في الكلاس الله يسعدها يارب

كان مجرد منظرها يشجعني ازاكر

لما كانوا البنات يسبسبوا في الجامعه كانت تقول

"ايش وراكم؟؟؟

زاكروا

متزوجة؟؟ عندك اولاد؟ ولا عندك وظيفة تانية لازم تلحقي عليها؟؟

ايش وراكم؟؟

زاكروا

قللوا ساعه من النوم

وساعه من النت

وساعه من التلفزيون ويصير عندك وقت تزاكري عليه "

الله يسعدها ويوفقها يارب اتقبلتى طب ما شا الله تبارك الله

بالنسبة لأنو المنهج طويل ومافي منو فايدة

ايش كنتو حتسووا لو كنتو دخلتو طب على طول؟

ياترى وقتها كنتو حتزعلوا من المناهج؟

وبالعكس دي كانت فرصة اننا نشوف ايش في من اقسام في الجامعة

نرجع نفكر تاني وتالت وعاشر

انا ماكان فبالي وانا متخرجة من الثانوي ولا واحد من مليون اني راح ابغى صيدلة

وكتيييير طلاب وطالبات زيي نفس الشي

واستخرتوا قبل ما تدخلوا الجامعه؟؟

استخرتوا قبل ما تحطوا رغباتكم؟؟

ازا استخرتوا اكيييييد اللي صار خير ليكم

اما ازا لا

فللأسف ضيعتوا على نفسكم خير كتييييييييييييير

ما بقول انو ما صارت اخطاء

صارت اخطاء كتييييييييير

اهمها انو ما كان في خطة دراسية مسبقة

لكن مع كدا الواحد ما يكزب

الظلم ظلمات يوم القيامة

احنا اهملنا عشان كدا جبنا درجات وحشة

الغلط مو 100% من الجامعه

احنا برضو نتحمل جزء كبير منو

بالنسبة ليا انا شخصيا كل درجة نقصتها كان في وراها تقصير مني انا

وصدقوني اللي ربنا كاتبو هو اللي راح يصير

واللي ربنا كاتبو هو اللي فيه الخير

واستخيروا استخيروا استخيروا قبل ما تسووا اي شي

الله يوفقنا كلنا يارب