نتائج مادة bus401

[JIjJjJI]

أنا حسب ماسمعت .

أنه كان حاط أوراق الإجابة بشنطة السيارة .

المهم مالكم بها طويلة .

يقولون الخميس اللي بعد الإختبار .

راح باع سيارته بمعارض السيارات . ونسى فيها أوراق الإجابة .
واللي شرى السيارة ، أثريه طلع مسافر لنجران .

ويوم اتصل فيه الدكتور وبلغه إن أوراق الإختبار معاه ، قال له اللي شراها .

إن السيارة يوم شراها وطلعها من المعارض راح وداها مغسلة السيارات . ويوم شافها ماعرف وش هي له .

راح وتركها عند المغسلة .

ومالكم بها طويلة

الدكتور قال له تكفى تكفى تكفى جبها .

ويوم شاف إصرار الدكتور على ذي الوريقات . قال في خاطرة ، أكيد فيها بلا .

وراح وجابها ، ويوم شافها إن أوراق الجامعة وانها إجابات اسئلة .

عرف واحد من جماعته مختبر عند الدكتور نفس المادة .

وراح ا تصل عليه ، وقال له ، ياحسين وريقتك عندي حقت المشاريع الصغيرة .

أيالملعون تبي تفتح محل . ولا تعلمنا <<<<<<< شكله حضرمي

المهم حسين يوم عرف سالفة أوراق الإختبار قال له لا ترجعها للدكتور لين أشوف الأخطاء في ورقتي واعدلها .
ومن هذاك اليوم لين الحين وحسين فاتح الكتاب ولا هو عارف الإجابات عشان يعدل الأخطاء بورقته .










يالربع تراني أمزح