مغتالوا الفرحة .. الرازق في السماء والحاسد في الإرض .. معاً نلتقي لنرتقي .

[nhr]

السلام عليكم ورحمة الله

تحية طيبة


الأخ تؤبر تسبدي والاخوة والاخوات المقبولين بارك الله لكم ووفقكم وعقبال الباقين

لا احد اغتال فرحتكم ولاشي

ولاحسد ولاهم يحزنون

اللي اعترضوا من غير المقبولين اعترضوا على ظلم وقع عليهم

إما بأخذ رسوم تسجيل ورسوم دورة e مادخلوها بس لزوم القبول يعني حوالي 1800 او 2400 ريال راحت بالفاضي

لكليات القصيم : 500 تسجيل + 1300 دورة

وفيه احد دفع 500 + 1960 وانا منهم

فيه احد درس 7 أسابيع وفيه احد حضر اسبوع واحد وبعضهم ماحضر نهائي

هذولا انا شفتهم دخلوا اختبار الماستر وهم ماقدموا حتى اوراقهم ولامعهم ارقام ترشيح ولاشي بس رسوم !!

ايش معنى هذا ؟؟ معناه انه احد اقنعهم وسهلهم الامور يدخلون ويدفعون وهو عارف ان قبولهم شبه مستحيل

وفيه خريجي الامام او غير التربويين والجامعة مختلفة على قبولهم ومع ذلك أملوهم بالقبول عشان الفلوس !!

ويفترض في معاقل العلم المصداقية والنزاهة ماهو الكسب المادي بالخداع




وانت جاي تستنكر غضبهم وألمهم

مابين أمل في الدراسة ومابين ضياع حقوق واستغفال

قبل لانلوم ونعاتب ياليت نضع انفسنا مكان من نعاتبه

ونجد له العذر

حتى وان بالغ في زعله



وياليت تدعون لهم بالسكينة وان الله يرجع لهم حقهم ولو ادبيا ويهديهم


اختكم / نهـــــر