الكيمياء .. وقصتي .. >> اختي رقيقه المشاعر .. والكل ..

[SeNyoOrEtta]

بسم الله الرحمن الرحيم

السلامـ عليكم ..

كيفكم ان شاء الله تماام ..

لكل من كان يبغا يراجع ورقه ..

ولاختي رقيقه المشاعر اللي طرحت موضوعها ..

اختيـ .. انا بقولك شئ ..
انا رسبت في الكيمياء ومني عارفة ليش وكيف ..
وما صدقت يجي الفجر ورحت لهم من الساعهـ 7 ونص وانا في الجامعة ..
قعدت استنيت الدكتوورهـ .. وما جاات ..
رجعت البيت .. وروحت اليوم الثاني شوي متأخر زي ما قالت السكرتيرهـ ..
شرحتلها الموضوع وقالت احنا كمان زودناكم .. غير علاماتكم ...
طالبت اشوف ورقتي قالت ولا يهمكم .. ولو تبغوو شوفو علاماتكم في الدوريات وبتلقوها مو نفسها ..
ورسلتني على دكتورهـ ثانية .. وقعدت استناها ما جات ..
ورجعت البيت ورحت اليوم الثالث ..

وما جات رجعت عندها الدكتوره

اتصلت عليها .. وقالتلها انها بتجي .. ورسلتني على وحدة ثالثة ..
ورحت اخذت الرقم الجامعي واسمي وعلامتي .. وانا قلت جاا الفرج ..

وهي تكلمها بالتلفوون .. وتعطيها ارقامنا .. << لسته بنات

خرجت .. وبعد عشر دقايق والله عشرة دقااااااااايق رجعتلها عشان اقول لصحبتي اللي تكتب اسمها ..
اني رايحة .. سالتني انتي فلانه .. قلتلها ايووة .. قالت كم جبتي في الاول والثاني ..
قلتلها .. وقالت علامتك اصلا واطية .. قلتلها مو مرا وانا بتاكد من علاماتي واشوف الزيادات ..
الخارقهـ اللي زودتها واللي الله اعلم على اي اساس زودتوو ..
قالت احنا تاكدنا من ورقتك الان وما فيها شئ .. واصلا انتي علاماتك واطيه في الدوريات ..

<< اكتشاااف عظيم .. مين قلك ؟؟

طيب كم انا جايبة اصلا .. وكم زودوني ..

حسبي الله ونعم الوكيل .. رسووب مرا وحدة وربي حراام عليهم ..

ومنعوني اني اشوف ورقتي ..

وين قرااار يحق للطالب انه يشووف ورقته .. ؟؟؟

وانا بجلس اروح لهم .. ومني ساكتة ..
حتى لو ربي كتب لي اني ارسب ..
انا راضيه باللي ربي كتبه لي .. بس برووح عشاان اشوف ورقتي زي ماهم يتفلسفواا ويقولو للجرايد انو في نظام خاص للطالب انه يشوف ورقته

وكمان اللي يدخلو وسط السالفة يتفلسفوا ويقولو اصلا مستوى الطالب يوضح ..

من علاماات الدوري .. ليش .. وانتو مو غلطوا في الدوري الاول

وهو اللي نزل علاماتنا ..

وياربي من اللقافهـ ..

وبعدين لمن تكون العلامات كلها عاليه ويجيكي f

كيف بالله تجيـ ..

اللهم اني لا اسالك رد القضاء ولكني اسالك اللطف فيه

والسلام ختاام

[υикиσωи]

حسبي الله على الظالم ...

ربي معاكي يا قمر ... ولووو ما اخدتيها في الدونيا ..
في الاخرة حتطلع من عيونهم ان شالله ... لما يشوفو الدرجة دي توديهم في أسفل جهنم ..

كلو ولا حقوق الناااس ..


انتي عليكي بالدعاء ثم الدعاااء ... في السجود وفي كل وقت ..

(إن مع العسر يسرا ) ..
( وقال ربكم أدعوني أستجب لكم ) ..

ان شالله ربك قادر ياخد حقك ..
وحاولي مرارا وتكرارا ...

[طعم الثلج]

من جد انا كمان علاماتي في الكيميا مرة وااااطية
وكانت عندي معاناة وهو الي سبب للمعدلي حق انو نقصني كتييييييييييير

مرة زعلانة ع معدلي ومرة حاقدة ع الكيميا ..

لكن ايش اسوي .. ربي راح يعوضني والله ع الظالم

حاسة فيكي ياقلبو ..من جد حاسة فيكي وعليكي بالدعاااااااااااااء

ربنا معاكي

[ايموني]

الله يعيينك ان شاء الله يااختي والله معاكي مأقول الا انك تدعي احسلك ولعله خير ولاانهم يحطوكي في راسهم ويرسبوكي تاني والله ناس ترى مافي في قلوبهم رحمه

[نصراويه]

لاتخلي تعبك يروح على الفاضي...انشبيلهم في حلقهم لما يعطوكي ورقتك ....ولا تخافي وادخلي بقلب جامد وريهم العيون الحمرا....

[مريهان]

الله معاكي انا كمان علامتي وطايه في الكيمياء حسبي الله عليهم انا اخرج من الامتحان وانا فرحانه ومتاكده من الاجابات بعدين اشوف علاماتي زي الزفت مدري هم ايش يسوو في الورق ياكلوه ويحطوو علامات من عندهم

[رقيقة المشاعر]

أختي SeNyoOrEtta الله يســـاعدكـ ويوفقكـ

كلنـــا حاسين بـــالظلـــم بس وين إلي يحس فينـــا..؟؟

بصـــراحة من بعد مـــاشفت معـــانـــآتك..

أنـــا قررت إني أوكل أمــري إلى الله...وهو إلي حينصر المظلـــومـ

بصراحــة من جد أثرتــــي فينـــي...

وكيف الحين بتروحي للجامعـــة ثاني وإلا خلاص إقتنعتي..؟؟

يـــــــآآآآآآآآآرب يسر لنـــا كل معســــر..وإنصرنـــا على القوم الظــــالمين..

تقبلي ودي

[SeNyoOrEtta]

المشاركة الأصلية كتبت بواسطة υикиσωи حسبي الله على الظالم ... ربي معاكي يا قمر ... ولووو ما اخدتيها في الدونيا .. في الاخرة حتطلع من عيونهم ان شالله ... لما يشوفو الدرجة دي توديهم في أسفل جهنم .. كلو ولا حقوق الناااس .. انتي عليكي بالدعاء ثم الدعاااء ... في السجود وفي كل وقت .. (إن مع العسر يسرا ) .. ( وقال ربكم أدعوني أستجب لكم ) .. ان شالله ربك قادر ياخد حقك .. وحاولي مرارا وتكرارا ...

منجد حسبي الله ..

يارب .. منجد ربي هو اللي بياخذ حقوقنا سواء دنيا او اخرهـ ..

مشكورهـ حبيبتيـ .. والله يصبرنا كلنااا يارب ..

يسلموو على مروركـ ..

[SeNyoOrEtta]

المشاركة الأصلية كتبت بواسطة طعم الثلج من جد انا كمان علاماتي في الكيميا مرة وااااطية وكانت عندي معاناة وهو الي سبب للمعدلي حق انو نقصني كتييييييييييير مرة زعلانة ع معدلي ومرة حاقدة ع الكيميا .. لكن ايش اسوي .. ربي راح يعوضني والله ع الظالم حاسة فيكي ياقلبو ..من جد حاسة فيكي وعليكي بالدعاااااااااااااء ربنا معاكي

اهلين حبيبتي .. الاغلب علامتهم واطيهـ ..

لا وتقولك الرسوب 7% علشان الاغلب في الستيناات ..

منجد اصلا مادة وحدة تأثرر .. بقووة ..

ربي هوا الوحيد اللي عالم باللي فيناا .. وهو الوحيد اللي قادر انو ياخذ حقنا منهم ..

الله يسعدك .. والله العالم الاحسااس ذا كيف يقهرررررررررررر ..

الحمد لله على كلـ حآآلـ .. قدر الله وما شاء فعل ..

يسلموو قلبوو منووورهـ

[SeNyoOrEtta]

المشاركة الأصلية كتبت بواسطة ايموني الله يعيينك ان شاء الله يااختي والله معاكي مأقول الا انك تدعي احسلك ولعله خير ولاانهم يحطوكي في راسهم ويرسبوكي تاني والله ناس ترى مافي في قلوبهم رحمه

اهلين اختي .. والله ما يهموني هو اش بقي غير الرسووبـ ..

ما توقعت توصل فيهم كذاا ..

يعني ما اظن في اسوأ من كذا ؟؟ ..

واذا على الرحمهـ اظن معدومه .. لان الاسلوب قبلها ..

مشكووره حبيبتي .. وربي معانا يارب ..