موضوغ غريب جداً ، الطلاب يرفضون دفع الرسوم .

[BLACK HUMMER]

السلام عليكم ورحمة الله وبركاته
كلامك جدا جميل اخوي و وجهة نظرك أحترمها وحبيت اقولك وجهة نظري بها الموضوع ...
اولا انا في المستزى السادس والحمدلله حتى الان ما واجهتني مشاكل في اي مادة وحتى لو فيه مشاكل فهي مشاكل عاديه
ثاني شي انت كلامك قد يكون منطقي بالنسبه لك بس لغيرك لا مو منطقي ... الناس ظروفها ماهي وحده وانا هنا اتكلم على الظروف مو على القدرات الذهنية .. واذا انسان ما اسعفته ظروفه في وقتها يكمل دراسته الجامعية مجاااااانا وياخذ مكافئة فوقها مو معناته تلغي طموحي او اموت بالحيا .. ياخي اطلبو العلم من المهد للحد .. انا واحد من الناس اقولها لك وبكل أمانه ماني محتاج الشهادة الجامعية ولا فكرت فيها كتحسين دخل او تحسين مادي ولله الحمد وانا داخلها ابي برستيج وشهادة مو اكثر ومهب لي لاولادي بعد .. وبالرغم من هذا ما احكم على كلام الناس بمبدا القرود والموزه !!!
اذا انا وانت وغيرنا مرتاح وما عنده مشكله بالشهادة فغيرنا لا والشهادة هذي بالنسبه له نقله في حياته والله وحده يعلم بضروف الناس .. وصدقني ياخوي الي دافع لجامعات في مصر عشرة الاف في الترم مو هو الي اعترض او يتكلم .. الي اعترض وتكلم الي الثلاثة الاف هذي الي انت مو شايفه شي يقطعهت من رزقه ورزق عياله .. وبعدين انت لا تحسبها ثلاثة الاف وبس !!!! 90% من المنتسبين من برا جدة واحسب اقامتة ومصاريفة وسفرة والخ الخ الخ ..
انا واحد من الناس بس كقسط للجامعة وتكاليف سكن وسفر ومدرس للترم تتجاوز الـ 15 ألف لكل ترم .. انا و انت وغيرنا ولله الحمد قادرين بس غيرنا كثيييير مو قادرين وما قدرو يكملون الجامعة بسبب ها الشي مع انهم اذكى مني ومنك ومن ناس كثير في الجامعة ...
عموما اخوي هذي وجهة نظرك وانا احترمها ولك كل الحق فيها وانا وجهة نظري اني ما اعمم ظروفي وكل شخص له ظروفه و وضعه بس الي انا مقتنع فيه هو ان التعليم من حق الجميع مدام قادر ذهنيآ انه يتعلم
وتقبلو تحياتي