هل الغش مشاركة وجدانية ولا حرام؟

[عاشقة الندى]

::.. السلام عليكم ورحمة الله وبركاتهـ ..::

موضوع مرة حلو وجا بوقتو .::
لأني بجد متعقدة من دي الحكاية .::
المشكلة لما تجيكي بنت وتقولك تقدري تغششيني ايش اقولها بالله دي .::
انا اكره الغش بالمرة .::
بس اللي يقهرني انو البنات يشوفو انو اللي ماتغشش او تغش هادي وحده شايفه نفسها او ماتحب الخير لأحد
وماتدري اني لو فكرت اغش او اغشش في لحظات راح نتمسكـ لأني اساسا فاشلة في دي الحكاية واخاف وعلى طول يبان عليّا .::
وبعدين مافي احلى من انو الانسان ينجح بتعبو .::
مو بالغش والطرق الملتوية أكيد ربي ماراح يوفقو ابدا .::
والله لو بعرف اني راح ارسب ماافكر اغش .::
اصلا دامني مذاكرة ماراح يصير شي زي كدا باءذن الله .::

أشكركـ يارنا عالموضوع .::
:)