ممكن سؤال

[عبدالعزيز السعود]

السلام عليكم ورحمه الله وبركاته انا قررت اني ماااواصال الدرسه انا درست ترم واحد انتساب وش المطلوب مني اسويه هل اسوي اخلاء طرف وشكرراا

[AL-AOLANI]

افا والله ياابو سعود

ماهي علومك

اذا عندك ظروف اجل ترم او ترمين
بس لاتوقف نصيحه لاترجع تندم بعدين
فكر زين وانا اخوك

[NIGHT WOLF]

فكر ياابن الحلا واستخير ربك


صدقني لو تكمل وتمشي مع زملائك هنا


ماتدري الا السنين خلصت


انا ورب المصحف ماكان عندي استعداد اكمل الترم الثاني لآخر لحظه


سبحان الله قبل ماينتهي موعد سداد الرسوم الدراسيه بااسبوع دفعت 3000

وقبل ماينتهي تسجيل اختبار المناطق بكم يوم دفعت 1000

ومابقى الا على الاختبار يومين ومافتحت شي من الكتب ابد ورب الكعبه

يوم الاربعاء بديت اذاكر وكان عندي يوم سبت اختبار رياضيات

ولله الحمد تسهلت ملخصات منى مذاكره بتركيز مناك

واخوووي نو كووومنت ماقصر بخصوص التحليل الكمي واخواننا ماقصرو بتجميع اسئلة السنوات اللي فاتت

ودعاء الوالدين والاقارب هم اللي خلووووني اتوفق بعد أذن الله سبحانه وتعالى

وطبعا حاليا خايف من مادتين فقط اللغه العربيه والانجليزي

شف كيف كان تفكيري بخصوص الدراسه وكيف صار الحين

وكله بسبة الـــDn اللي حصلت عليه في مادة التحليل الاحصاء اللي كنت متوقع اجيب فيه فوق الــ 90

وبعدين ضحكوا علي وعطوني درجة النجاح 60 ادري ظلم بس الله ماراح يترك حقي من غير مايرجعه لي

بااذن الله الله بيعوضني فيها بماده ثانيه




وانا ماقلتلك هالكلام هذا وماقلته لاحد قبلك الا اقولك على الاقل خلص السنه التحظيريه وريح بعدين


خذها نصيحه من اخوووك وانت كيفك