قرارات مهمة صدرت من مجلس الجامعة

[الطريق الجديد]

و لو كل انسان اتعرض ظلم و قدم شكوى على من ظلمه كان اتحسن الوضع لكن نظل في الآخرين شاطرين في الكلام و البكاء ، ظلموني و قهروني الله يقهرهم وين الإدارة و المسؤولين ، ليش ما نتوجه لهم مباشرة و نقول فلان من قسمكم من إدارتكم ظلمني أو ما عاملني بطريقة جيدة

كلام راااااااااااااااااااااااااااااااااااااااااائع

[نجاة الفرسي]

طيب كلام سليم
جربوهااا ولو مشيت معاكم علمونااا هووون عشان نعتمد الطريقه

[(x,y,z)]

من جد ربي يسعدها الأستاذة حنان باطرفي ..
قبل الإختبار كان عندي استفسار بسيط عشان الهوية ,
وأرسلت تقريباً 15 إيميل ع اللي حسيت إنهم حـ يفيدوني , طبعاً أخذت عناوين الإيميلات من دليل منسوبي الجامعه ..
لكن ماوصلتني إلا يمكن خمسه أو ستة إيميلات ردود وكلها فيها اتصلي بقسمك , والا شوفي موقع الجامعة فيه كل حاجه ..
إلا الأستاذه حنان باطرفي الله يسعدها ويرزقها الجنة على إخلاصها , أرسلت لي رد كااافي لإستفساري ..
أنا طبعاً مو من الجامعة , وأول مره أدخلها لما رحت أختبر ,
وتمنييييييت بشكل او بآخر إني أشوف الأستاذه حنان عشان أشكرها ..
وكمان الأستاذه اللي راقبت علينا كانت توب في أخلاقها ماشاء الله وعاملتنا كأننا اخوات فاهمات وواعيات وهذا هو المفروض , وربي جلست ادعي لها من قلبي على أخلاقها وذوقها , لأني من جد ماقابلت زيها في أخلاقها من الأستاذات اللي درست عندهم إلا في النااااااادر , وتمنيت لو أعرف إسمها عشان أدعي لها بالإسم , وعرفت فيما بعد إنها الأستاذه / هاله الجوهري , ربي يحفظها من كل مكروه ويجازيها الجنه على خلقها الراقي ..
الأستاذه هاله والأستاذه حنان , ذكرتهم هنا كنماذج مشرفة ومشرقة للمسؤولات في الجامعة ..
وهذا مايعني إنو مافيه نماذج سيئة !
يكفي مشرفة الأمن اللي عند البوابة , واللي ماخلتني أطلع إلا لما أجيب لها الإثبات الأصل , أو ورقة الترشيح , وأنا نسيتهم في فايل والفايل كان مع أختي كانت لسا خشت اختبارها لأن اختبارها بدأ ع الساعه 1 وأنا خلصت ع 12ونص , وربي ماخلتني المشرفة أطلع وقالت لي انسي انك حـ تخرجي من البوابة إلا لما تجيبي الإثبات الأصل أو ورقة رقم الترشيح , وكنت أقولها وأحلف لها إنو مع أختي وهي في الإختبار وصعب أخش لجنة الإختبار , لكن في الأخير استسلمت ورجعت مشوااااار لورا ورحت القاعه اللي فيها أختي وناديت الأستاذه المراقبه برا وشرحت لها الموضوع وسمحت لي أخش جزاها الله خير ..
طبعاً انتو عارفين الجامعة ومشاويرها , عاد اتخيلوا بس إني أول مررره أدخلها وعانيت من جد حتى وصلت للمبنى والقاعات ..
ولما رجعت للبوابة مالقيت المشرفة نفسها , لقيت وحده ثانيه , وكنت واقفه قدامها وأنا أقلب بين أوراق الفايل وكأنها مستغربه شويه اش أبغى قدامها , ولما طلعت رقم الترشيح قالت عادي حبيبتي مو شرط اطلعي إذا سيارتك برا !!!!
وقتها من جد تمنيت لو ألقى المشرفة الأولى عشان أطلع قهري فيها بس الله يسامحها , وأصلاً عذرتها وقلت أكيد كذا القوانين أو إنو قابلت كذا موقف وخلاها تصر إني أجيب الإثبات الأصل أو رقم الترشيح ..

يعني فيه خير وفيه شر , بس الشر يعم , واحنا لما ننتقد نجلس نقول نقول الجامعة والجامعة والجامعة بس مانكون قاصدين كل اللي فيها ^^

[يمامة سلام]

المشاركة الأصلية كتبت بواسطة (x,y,z) من جد ربي يسعدها الأستاذة حنان باطرفي .. ^^

شهادة حق..

بعث لها ما يقارب خمسة رسائل كلها استفسارات في اوقات متفرقة..
كان ردها يأتي في صباح اليوم الثاني وبطريقه مرتبة..

أكرمها الإله..

[جديدة في جامعتكم]

الله يجزاها الخير وييسرلها ماتتمنى انا كمان ارسلت لها وجاوبتني برد واسلوب رائع وفقها الله

[نسمة امل]

الله يوفقكم لكل خير جميعا والله ما اجملها من دعوات عندما ادعو لاخي المسلم بظهر الغيب , لاتنسونا من دعواتكم الطيبة
(يارب من استوصانا بالدعاء لهم ومن دعاء لنا بظهر الغيب فيسر اللهم امورهم وحقق مبتغاهم واجزيهم عنا خير الجزاء,اللهم من بذل لنا معروفا فجزيه عنا فأنت خير من يجزيه )لاتنسون ساعات الاستجابه الثلث الاخير من الليل - السجود -بين الاذان والاقامة - دعوة المسافر- دعوة الوالدين - دعوتك لاخي المسلم بظهر الغيب..............

[بوليمر®]

الطريق الجديد ،، والدمية الفاتنة

الموضوع ما يسوى كل مين يعقب على الثاني بهمز وغمز في كل موضوع

اتمنى لكم وللجميع القبول ،، وان الله مع الصابرين أذا صبروا

[نجاة الفرسي]

ههههههههههههههههه
ترى تعبت وانا اقول مو كل الجامعه والله خصصنا
المهم
الله يوفقكم بنات
كلهااا كم يوم وكم ساعه وكم ثانيه وكم جزء من الثانيه وتطلع النتايج
مو تحسون انهااا طويله راح تكون
الله يسهل والله دايم ادعي
الله يسهلها علينا