يا شباب الصناعية شوفوا جدولي للترم الجاي وأعطوني رأيكم

[م/ المستقبل]

السلام عليكم أخواني المهندسين ,,
بس حبيت رأيكم ومشورتكم بخصوص جدولي والمواد الي منزلها الترم الجي
انا تخصصي هندسة صناعية فا بلييييييييز يا شباب قسمي محتاج مشورتكم بخصوص الجدول

انا كلمت المهندس عمار بخصوص المواد الي حنزلها الترم الجي ووافق عليها
بس بصراحة متخوف ومتوتر من الضغط الي ممكن حواجهه
المواد هيا :
إدارة هندسية ie 256 أو ie 351
أساسيات حاسب ie 321
دراسة العمل ie 341
إحصاء 2 ie 332
سي شارب ie 322

والمجموع الكلي 17 أو 18 ساعة

أتمنى من الي اخد بعض من هذه المواد انو يفيدني لو بالقليل
وشكرآ ليكم وأنتظر الردود يا غاليين

[صقرر]

هلا

ماعندي خلفية كثيرة عن مواد التخصص

لكن مادة مانجمينت ie 256 ماده ممتعة جدا

[rakan]

السلام عليكم

بصراحة ... انت ضاغط على نفسك ضغطططط

لكن اذا مستعد تتحمل ... فالله يعيينك

وعلى فكرة ... ما ابغى اخوفك ولكن بالنسبة لي ... مادة الاحصاء 2 من اصعب مواد القسم (طبعا من وجهة نظري الشخصية فقط) وطبعا هي من اهم مواد القسم لانها تفتحلك مواد كثيرة

[م/ المستقبل]

باش مهندس راكان تسلملي على تجاوبك .. بس عشان زي ما تعرف دي المواد مرره مهمة وتفتحلي مواد كثيرة خصوصآ زي ما ذكرت الإستات 2 و الفاوندمنتال 321

ومن ناحية الضغط ما بيدي أعمل شي لأني خلصت كل المواد العامة الحمد لله ما عدا البيسك وخلصت مادة مقررررفة بحوث وعمليات 1 وثيرمو داينمك
يعني انا من الترم الجي حبدأ ادرس مواد تخصص فعلية

فيعني من وجهة نظرك بما انك خريج واخذت دي المواد .. ايش اخلي وايش احذف
يا ريت تساعدني في تزبيط المواد خصوصآ انك ولد قسمي وخريج ما شاء الله عليك
أنتظر ردك يا غالي

[rakan]

المشاركة الأصلية كتبت بواسطة م/ المستقبل باش مهندس راكان تسلملي على تجاوبك .. بس عشان زي ما تعرف دي المواد مرره مهمة وتفتحلي مواد كثيرة خصوصآ زي ما ذكرت الإستات 2 و الفاوندمنتال 321 ومن ناحية الضغط ما بيدي أعمل شي لأني خلصت كل المواد العامة الحمد لله ما عدا البيسك وخلصت مادة مقررررفة بحوث وعمليات 1 وثيرمو داينمك يعني انا من الترم الجي حبدأ ادرس مواد تخصص فعلية فيعني من وجهة نظرك بما انك خريج واخذت دي المواد .. ايش اخلي وايش احذف يا ريت تساعدني في تزبيط المواد خصوصآ انك ولد قسمي وخريج ما شاء الله عليك أنتظر ردك يا غالي

هلا اخي م/المستقبل

الله يسلمك ياارب .. طبعا احب انوه الاول انه ليست لدي الخطة الجديدة للقسم ومتطلباتها السابقة .. لكن إن كانت ماتغيرت كثير عن القديم .. راح افتيلك بالقديم

أولا: الفندمنتال هي ليست متطلب لأي مادة من مواد القسم ماعدا بعض المواد الاختيارية ... ويبغالك تتأكد دا الشي من سكرتارية القسم اذا صارت متطلب لمادة معينه او لا

واذا فعلا ماكانت متطلب زي ماهي ... فأنصحك تأجل المادة لوقت اخر حتى تتفرغ لبقية المواد

وعموما .. انا ما انصح بالضغط في مواد القسم ... يعني تتخرج متأخر بمعدل عالي ولا تتخرج بدري بمعدل واطي (طبعا وجهة نظر شخصية)

اما مادة 351 الادارة الصناعية ...فالمتطلب السابق لها هي 256 الادارة الهندسية ... وبالتالي ما اتوقع تقدر تاخد اصلا 351 .. الا اذا تبغى حصلت تغييرات في الخطة

عشان كدا من وجهة نظري وطبعا الرأي لك في الاخير انك تحذف الفندمنتال لانها ب 4 ساعات وماتفتحلك اي مادة

وكمان تختار ال 256 ... ولو تقدر تاخد ال 351 .. خير وبركة .. لانها من المواد المهمة برضه

بالتوفيق ان شاء الله

[م/ المستقبل]

الله يحيك ويبقيك أخوي راكان وتسلم على جوابك وردودك
اولآ فعلا انا اتفق معاك من ناحية انو الواحد يتخرج متأخر وبمعدل عالي أحسن من بدري وبمعدل سيء

وبالنسبة للخطة جدآآآآ اتغيرت وسارت الفندمنتال متطلب مهم تفتح 3 مواد رئيسية في القسم و أنا محتار بينها وبين ال سي شارب لأني شايف انها مادة برمجة وأحسها اصعب رغم انهم نفس عدد الساعات
بس شكلي ححذف السي شارب و اخلي الفندمنتال

وبالنسبة ال351 صح كلامك لازم اخذ المتطلب الي هوا ال256
بس اعرف شباب كثير اخذوها مع بعض ومشي حالهم طبعآ الله يخلي الـ (و)

على العموم يعطيك العافية ياباش مهندس ولا حرمنا منك

[م/ المستقبل]

شباب الصناعية وينكم أحتاج أكثر من رأي ..

[فارس الشرق]

بصراحه انا ما اخذت مواد كثيره فالقسم
لكن جدولك مضغوط جدا و المواد
ترى مي سهله
و نصيحه لا تضغط نفسك و تغلط غلطتي
و شوف اذا يمديك تعدل شوي فالجدول
و شكرا.......