قرارات مهمة صدرت من مجلس الجامعة

[الطريق الجديد]

صدقت يا استاذ راكان كفيت ووفيت,,حسيت انه بيجيني ضغط من كثر ماأرد على اللي يتكلمون عن الواسطات والظلم,, بالنسبة للي يشتكون من الجامعة أحب أقولكم محد جابركم على التقديم فيها,, ياعالم احنا في مجتمع اسلامي وكمان منبع الإسلام يعني أكيد فيه ناس تخاف ربها, مافيه مجتمع كامل يتفق على الظلم

[Miss-Perfect]

7
7
7
مداخلة بسيطة وأرجو أنك ماتزعلي ياقمر....لاني حاسة بشعورك بس على الناس العكس (ودحين مااخص الجامعة)
العرب حبيبتي والمسلمين للأسف ...وين دحين تلقي الي يخافون ربهم منهم.......
(ليه الحسد والغيرة و"حالات رقع العين" في المجتمعاات العربية اكثر من اي مكان ثاني؟؟!!)
(ليه الغشش في البيع والشراء وكلن يغني على ليلاه والتهريب و"تقليد البضائع" الي صرنا ماعاد نعرف الاصلي من التعبان..في البلاد العربية اكثر من برا؟؟!!) اصلن ليه مانشتري الا صناعات اجنبية !!!! لانها هيا الي تكرف معاك!
الدليل على ذلك (الماركات المقلدة- عدم احترام حقوق الطبع او النشر او المؤلف وانتهاكها) واقربها انه لو تسافري ولاب توبك فيه برامج مزيفة وملطوشة من النت ومايكروسوفت مزيف في الشغلة سجن وتنحرمي من الدراسة برا وتنحطي بالقائمة السوداء)
الغشش و المطففين "الذين اذا اكتالوا على الناس يستوفون" ليه في دول العربية او دول "العالم الثالث" كثيره!!!
اقربهاا انه الوالد مايشتري سيارات الا من براا وانا معاه بصفة انه انا الي اراسلهم وبالتحديد امريكاا لو تشوفي كيف صور السيارات الي يبغوا يبعوهاا
كل شي يصوروه حتى "الخدشة البسيطه" يصوروهاا لكي او "ادا جاتها صدمة من اي جهه"
وربي اكااد اجزم لو السيارة حقت اغلب العرب اتحدى يصورلك الصدمات والخدوش وعيوب السيارة ..مايحطلك الا الصور المرتبة والخالية من العيوب هادا ادا ماعدلها بالفوتوشوب!!!!!

لللاسف احناا مسلمين بس اسلام مدري كيف قايل بعيد كل البعد عن تعاليم الاسلام السامية!! الي نقوله غير والي نطبقة ونسويه شي ثاني؟!!!

[never hide]

المشاركة الأصلية كتبت بواسطة rakan السلام عليكم وفرص اكمال التعليم كثيرة .. منها البعثات وجامعات المملكة الاخرى والابتعاث الداخلي للجامعات الاهلية والخ الخ اما انه لازم اكمل في جامعة الملك عبدالعزيز بس؟ ليش؟ مافي غيرها يعني؟ اما حكاية الواسطات ومالواسطات .. صحيح الواسطات موجودة في كل مكان ... لكن ماهي كل شي فلانخليها عذرنا الدائم يعني انا لي زملاء كثيرين وكثيرين الان بيكملوا ماستر في الجامعة بدون واسطات ... يعني مو كل المتقدمين بالواسطات وايضا ليست الغالبية واسطات ... واللي عنده ادلة على كلامه يعطيني احصائية دقيقة .. مو يقلي اناا اعرف فلانة دخلت بواسطة ولا مدري ايش .. ولا يقل انا اعرف كذا وحدة دخلت بواسطة .. لانه برضه ماهي مقياس واللي ما انقبلت السنة الفاتت وانقبلت دي السنة .. ماترجع الموضوع للواسطة .. بل ربما كان بسبب اعداد المتقدمين .. ففي سنة يكونوا كثيرين فيكون التفاضل بالمعدل .. وتكون السنة اللي بعدها المتقدمين قليلين والخ وفي النهاية دي وجهات نظر ... وكل شي مقدر ومكتوب ولازم كل واحد يرضى بقضاء الله وقدره .. لانه لو ربنا شاء انه فلان ماينقبل بجامعة .. لو جاب واسطات الدنيا وربنا ما أراد .. ماراح ينقبل ودي وجهة نظري الشخصية .. وشكرا

أييد هذا الكلام نوعا ما بالذات السطرين الاخيرين

و ما نقدر ننكر وجود الواو حتى لو بنسبة واحد في المية

لكن بدي اقول انو بالنسبة لي فرصتي الوحيده هي جامعة الملك عبد العزيز

ظروفي لا تسمح لي بالسفر حتى لو داخل المملكة ابدا

و لو لم اقبل ستكون خيبة أمل كبيره بالنسبة لي

و اتمنى التوفيق للجميع من الطموحين و الطامحات

وكلت أمري لله و آمنت بما يقدره الله لي حتى لو جاء عكس ما أريد

في الأخير هي ارزاق و مقدره و مكتوبة

[Miss-Perfect]

7
7
مي تو أصلن لو عندي امل لو 1% اكمل براا ماقدمت هناك من أساسه..

[نجاة الفرسي]

بعثات خارجيه
بعثات داخليه للبكالريوس فقط
جامعات في انحاء المملكه

هذي للبنات اللي باستطاعتهم يسافروا واهاليهم يرضوا لهم يروحوا ا
ذا ما نقدر نروح حتى جامعة مكه اكيد حتكون جامعة عزوز هي منقذنا الوحيد صدقني لو القى الي يروح معايه برا اروح وما استنى لاني من يوم كنت بالثانوي وانا احلم بالماستر والدكتوراه

راح عمري وانا انتظر الفرصه زمان عقدونا بالتوفل واتخرجنا وقعدنا من معهد لمعهد عشانه ودحين اتلغى بكل بساطه
ولانه اساسا ماكان التوفل شرط قبول من اصله مجرد تعجيز..

ولانك رجال بتقول هذا الكلام ...
عندكم الجامعات كثيرة تشغل سيارتك وتستأجر شقة وتلتحق بأي جامعه تبغاها امااا احنااااااااااااااا!!!!!!!!!!!!!!!!!! مالنا الا المدينه اللي احنا فيها وبس لان ماعندنا محرم يروح معانا

وع فكرة اذا ما كنت تشوف بعينك هذي مشكلتك
صدقني لو لي احد بالجامعه ما عاملوني بالطريقه اللي اتعاملت فيهاااا

انا جايه اقدم دراسات علياااا عمري فوق ال25 عندي خبرات في الحياة والتطوير الذاتي وبكل مجال حتى بتخصصي
لي كيان ومكانه المفروض اللي عشانهااا تعاملني رئيسة القسم بشوية احترام اقلهااا ترد السلام بطريقه حلوة وبابتسامه مو من تحت النظارة تناظرني بنص عين وتقولي ليه جايه ؟؟؟
مافي مقابله شخصيه مافي اختبار مافي شي اي حاجه راح ننزلها في الموقع لاتجي ...............

انت تتكلم من فرآآآآآآآآآآآآآآآآآغ

ماشفت الاساتذه قدام عينك يشيلو طالب من ع الارض شيل لمجرد ان له احد كبير او صغير بالجامعه
قبل سنه رحت اقدم للكليه .. ايش كان رد المئوله .. مافي تقديم ولما قلت لهاا لا في تقديم قالت انتي مين ؟؟ ايش اسمك اديني اسمك!! اقسم بربي قلت لهااا انا ولا احد انا جايه بدون مرسول جايه كدا مجرد انو وصلني خبر قفت عني وقالت مافي تقديم
اذا انت انحطيت بهالموقف ايش راح تقول وللا كيف راح تفكر
احنا هنا ننفس عن اللي بيصير لنااا وعارفين انو ماراح نستفيد حاجه لانه الوضع راح يبقى على ماهو عليه

المفروض ما تنقهر مننا المفروض تنقهر عليناااا ولو لك صوت هناك توصله بدالنااااااااااااا
هنا بنحكي تجارب حقيقيه
لو اتحرق قلبك لازم يتحرق عليناااا اعتبرناا اخواتك .. اعتبرناا امهاتك اعتبرنا اي حاجه بس اوقف معانا وقفة جديه
تعال هناااا استفسر ليه احنا بنحكي هالكلام بنتبلى او انه من شي شفناه بعينناااااااااا
ساعدناااا وساعد كل بنت يصير لهاا موقف مثل المواقف اللي بنتعرض لها
صحح اخطاء موجوده او ساعد بتصحيحهااا

لا تجي وتقول ظالمين احنااا مظلومين........



وبالاخير بأدعي لكل المتقدمين والمتقدمات بالقبول دنيا واخرة

[Miss-Perfect]

7
7
7
اي لاااف يوو

[نجاة الفرسي]

مي تووو يا سكررررر

[never hide]

الدمية الفاتنة قالت كل اللي نفسي اقوله

نفس معاناتي و معاناة كل طموحة

أنا ما دخلت الجامعة الا عشان اكمل الدراسات العليا و هذا حلم حياتي

و لو ما كنت احب العلم كان اكتفيت بالثنوي و مازاحمت خلق الله

بس للأسف الكبت هو اللي يخلي الواحد ما يتكلم

ك ب ت في كل مكان

أقل حق من حقوقنا اننا نكمل تعليمنا

و معدلاتنا العالية تخلي اي جامعة تقبلنا <<<< لكن ما ردنا الا الظروف

العمر يجري و احنا نراوح في مكاننا و نستجدي القبول

هي الخيار الوحيد بالنسبة لنا

و إلا فعلى طموحي السلاااااااام و سأكبر عليه سبعا

و احتسب اجري عند الله

[rakan]

كانه يقولوا في ماجستير عن بعد ؟

وغير كدا ... كلية ادارة الاعمال فتحت ماجستير ادارة اعمال

وغير الماجستير المدفوع اللي عملتها الجامعة لتخصصات ومجالات مختلفه

اما اذا الاهالي ماهم راضيين يخرجوكم برا جدة .. يعني معليه مو ذنب الجامعة ... الجامعة لها مقاعد محدودة بحسب عدد الدكاترة المتفرغين (من رتبة استاذ مشارك فمافوق) .. ودي مو انظمة الجامعة .. دي انظمة وزارة التعليم العالي وتقدروا تراجعوا موقعهم

وفي بنات كثيرين طلعوا

وفي النهاية ترى والله كله نصييب

لاتقولوا ظلم وماظلم ... الله مقدر كل شي وكاتبها فوق سابع سما ... واللي يسخط من نصيبه كانه بيسخط من قضاء الله وقدره

وعلى فكرة اني احد المتقدمين للماجستير ... يعني زيي زيكم ولسا ما اعرف نتيجتي ... ولكن راح ارضى ان شاء الله بنصيبي مهما كانت نتيجة القبول وأتمنى مثلي مثل غيري بالقبول بالماجستير

وأشكر لكل من شارك بالموضوع وكتب بكل موضوعية ونقد بناء ... وأتمنى من بعض الاعضاء عدم الخروج عن الموضوع وتحويل الموضوع بشكل اخر .. وهم عارفين نفسهم

[never hide]

المشاركة الأصلية كتبت بواسطة rakan كانه يقولوا في ماجستير عن بعد ؟ وغير كدا ... كلية ادارة الاعمال فتحت ماجستير ادارة اعمال وغير الماجستير المدفوع اللي عملتها الجامعة لتخصصات ومجالات مختلفه اما اذا الاهالي ماهم راضيين يخرجوكم برا جدة .. يعني معليه مو ذنب الجامعة ... الجامعة لها مقاعد محدودة بحسب عدد الدكاترة المتفرغين (من رتبة استاذ مشارك فمافوق) .. ودي مو انظمة الجامعة .. دي انظمة وزارة التعليم العالي وتقدروا تراجعوا موقعهم وفي بنات كثيرين طلعوا وفي النهاية ترى والله كله نصييب لاتقولوا ظلم وماظلم ... الله مقدر كل شي وكاتبها فوق سابع سما ... واللي يسخط من نصيبه كانه بيسخط من قضاء الله وقدره

للأسف تخصصي ما ينفع فيه ماستر عن بعد ...

و معدلي الحمد لله فوق الاربعة و النص مع مرتبة شرف و دورات و تدريب و لغة

و على فكره ترا عندي ترشيح لبعثة و لكن ما بدي اعيد الموال .

يعني لو ما انقبلت ما راح اقول ظلم لكن راح اقول ؟؟؟؟؟؟؟؟؟؟؟؟

اكيد كلو نصيب و مقدر و مكتوب محد يقدر يقول غير كدا

و الحمد للذي لا يحمد على مكروه سواه ....