التحليل الاحصائي مسوي لي ازمه >_<

[manar7000]

السلام عليكم ورحمة الله وبركاته

هاي شباب & صبايا << لا تفوتكم الـ & ترى متعوب عليها

كيفكم إن شاء الله بخير

امممممممم

ابغى اعرف التحليل الاحصائي من فين لفين .. وايش اللي معانا واللي محزوف ؟



وبث

[manar7000]

ياهووووووو

يا عالم

يا ناس

عبروني

[nabeeeeel_ms]

عند الطلاب معانا المنهج كامل باستثناء الباب الثامن محذوف.
أما بالنسبة للطالبات ما عندي فكرة!!!!!

[بحر الحرية]

هلا منار:
أنا من يوم شفت العيون في العنوان داخلة في بعض حسيت بالمأساة وقعدت أبكي لكن لا تخافي منه ترى كله وربي كلام فاضي ، دخل سالم خرج سالم ، لكن مدري صاير حكيم على آخر زماني ، إنشا الله تستفيدي من دي الحكم وتروح الأزمة:

الباب الأول والتاني زي الباب التاني والقسم التاني من الباب الخامس في الإحصاء ، يعني يبقى بس الجزء النظري.

الباب الثالث:حديكي هذي المعلومة ، ويارب تختصر عليكي كثير ، يعني يبقى تركزي على الجزء النظري برضو من دا الباب:


* معدل النمو الكلي ومعدل النمو السنوي البسيط ، تعوضي تعويض مباشر في القانون المطلوب إما TG أو AG حسب المطلوب.

* التنبؤ باستخدام المتوسط الحسابي:

1- تحسبي متوسط استهلاك الفرد من السلعة للسنة المعطاه= الاستهلاك الكلي / عدد الأفراد
2- توجدي الاستهلاك العام لباقي السنوات= المتوسط اللي أوجدتيه من خطوة واحد x عدد السكان

* التنبؤ بطريقة المتوسطات النصفية:

أ- إذا كان عدد السنوات فردي:
1- نقسمي السلسلة لنصفين متساويين.
2- تحذفي ا لسنة اللي في النص.
3- تحسبي متوسط كل نصف سلسة زمنية وتحطيه تحت السنة اللي في النص من السلسلة اللي تتعاملي معاها.
4- قيمة الاتجاه العام لسنة من السنوات = متوسط النص الواقعة فيه السنة + [ ( الفرق بين المتوسطين / عدد السنوات لأي نصف سلسلة ) x موقع السنة في النص الموجودة فيه ]

ب- إذا كان عدد السنوات زوجي:
مو قادر أشرحها لكي ، حاولت أوضحها لكن ما عرفت كيف ، على العموم إذا مو فاهماها ححاول باللي أقدر عليه.

الباب الرابع زي الباب الرابع في الإحصاء ، معامل بيرسون وسبيرمان الرتبي ، أهم شي في سبيرمان تكوني تعرفي ترتبي لو صار عندك مكرر ، وإذا مو فاهماها قولي وراح أشرحها لكي.وكمان برضوو تابعي الجزء النظري.


الباب الخامس: افهمي مسألة وحدة من مسائل الدوال ، وبقية الدوال زيها ، يعني يبقالك الجزء النظري تقريبا.

حنقز للباب السابع: أنا ما حضرته ما الدكتور ، لكن شكلو مرة سهل وقصير كمان ، يعني إنشا الله ما منه خوف

الباب التامن: بالنسبة لنا الطلاب محذوف ، بس بالنيبة لكم أخاف أقلك إنكم زينا ويطلع العكس ، عشان كذا حاولي تتأكدي.

نرجع للباب السادس: الوقت الباقي معاكي حطيه في دا الباب ، تراه سهل مرة بس يبغاله شوية تركيز.

على العموم ، كلامي وشرحي إذا ما فهمتيه لا تاخدي شي منه ، وامشي على اللي انتي فاهماه، وربي يوفقك إنشا الله وتجيبي الفل مارك.

دعوااااتك؛؛

بايووو

:)

[منص2005]

لو سمحتوا الباب السادس والسابع والثامن احس فيها صعوبة شويه ممكن تذكروا لي الاشياء المهمة فيها
خصوصا تبع zاحس اني حايسة فيه ومو فاهمة ولا شيءالله لايهينكم بتعبكم شوي لانه ما ابغى احملها زي غيرها

[منص2005]

الو ردوا علي عشان ابى اذاكر ياجماعة

[MEMO10]

السلام عليكم
تحليل الاحصاء من الباب الاول الى السادس
والسابع محذوف
والثامن معانا ما عدا ادرس الخرائط

[Mi$$ Pinky]

بحر الحريه مرررررره تسلم

والله استفدت كتيرر من كلامك وشرحك ياااارب الفل ماااارك تجيبهااا

بالتوفيق شباب وصباياا

:)

[اسامة كردي]

شباب

الي معانا من الباب الاول الى السابع اما التامن محزوف

اما بالنسبة للبنات الله اعلم ايش المحزوف

[manar7000]

بــحر الحريه

الله يوفقك يا رب دونيا وآخره

وييسر لك كل صعب

ويدخلك التخصص اللي تبغاه

قول آمين

^_^