تجمع لأصحاب التعهدات وإللي ماأختبروا توفل !!

[Miss-Perfect]

بنااات ان كااان بديل التوفل الي في مركز التطوير في عزوز وزيووه انصحكم تشتروو الكتاااب الي فوق دا والله نفس طريقة الاسئلة
ونفس الوقت والتقسيم..لاني اختبرته بعزوز
يعني تدخلي الاختباار وانتي فاهمة ايش المطلوب ماتتنحي

واحلى مافيه انه صغير مو كبيييير يسد النفس يعني يمديكم بالراحة تخلصو ابوه اصلن اكثر من نص الكتااب تدريب على لاسئلة والباقي مرااجعة رؤؤس اقلام عن كل القاعداات الي يجبوهااا في اختبار التوفل
وانا انصحكم مداام انكم بتدرسوا هناا انكم تختبرو بديل التوف مو التوفل
بديل التوفل موهو زي التوفل العالمي مافيه كتاابه ومحاادثة
يعني الاختبار عباره عن 3 اقساام
اول قسم ليسننق استمااع مقسم ل3 اجزاء هوا الثاني
وثاني قسم عن القاعدات مقسم لجزئين الجزء الاول اختيااري والجزء الثاني جمل محطوط على بعض كلماتهااا خط تطلعي الاجاابة الخاطئه منهااا يعني يجبلك جمله شبه صحيحة التركيب ماعداا فيها شي خطأ هوا الي مايخليهاا صحيحه ميه في الميه وانتي تختاري

القسم الثالث قطع الاستيعاب الريدنغ
مقسم جزئين اول جزئية عبارة عن جمل وكل جملة فيها كلمة وتحتها خط يبغاكي تختاري معنى الكلمة من الاختيارات
والجزء الثاني قطع وتحتهاا اخاسئله واختيااراات
طبعن دا الجزء الاخير يبغاله سرعة وتكنيكااات عشاان يكفيك الوقت

وبالتوفيق ياارب

[Miss-Perfect]

المشاركة الأصلية كتبت بواسطة bnms ميس بيرفكت والله ما قصرتي وان شاء اللح احاول اجيب الكتاب رغم انى رحت لجرير بس ما لقيت غير لونج مان بس انا المشكله عندي في الليسيننق بس من جد شكرا والله يوفقك يارب ويطمنك على نتيجتك

مع الكتاب يجي ياسيدي ياا اشرطه
مررررررررره نفس طريقه بديل التوفل في عزوز
حتى نفس الاجزاء والوقت
^_^
يعني لو تدربتي عليه رااح يسااعدك ان شاء الله

[بنت فهد]

أنا الحمدلله اختبرت التوفل في المجلس الثقافي السعودي وألف حمد وشكر عديت الدرجة المطلوبة :) وعقبال القبول

أنت بس ادخلي الموقع حق التوفل وسجلي بياناتك وبيطلعلك أماكن الاختبار الموجودة زي المجلس السعودي وجامعة cba ودار الفكر وفي غيرهم

[caramella]

ننقبل اول ويسير خير

[دانيا]

يعطيكم الف عافيه يا اخوات ..حابه استفسر عن الاقسام العلميه هل نفس النظام اللي بتتكلموا عنه يعني لابد من تأجيل الماستر ألين نجتاز البديل علما بأنه إحنا بنات الاقسام العلميه كان تعهدنا أنه نختبر بديل التوفل داخل الجامعه فقط ويكون خلال الفصل الدراسي الأول يعني أثناء دراسة الماستر هذا اللي فهمته من التعهد ..لكن ايش السالفه والله ماعاد أعرف بالضبط؟؟ ياليت تنورونا وياليت ياميس بيرفكت تقولين لنا فين نلاقي الكتاب؟؟(((وعلى فكره أنا عضوه جديده في المنتدى..رحبوااااااا فيني...الله يحييني..الله يبقيكم.)))

[دلوعه غير]

المشاركة الأصلية كتبت بواسطة bnms بنات انا وقت المقابلة قالولى مركز التطوير الشامل عنده امتحانات بد يل التوفل كل شهر مرة والأسبوع الجاي ان شاء الله اجبلكم الجدول ومتى الإمتحانات واللى حابه تتاكد المركز في الجامعة وبالله ادعولي يابنات ان شاء الله اجيب الدرجة المطلوبة

hiii bnms

حبيت اسالك هوا دا المركز مدام في الجامعه
بيعمل بديل توفل خلال الايام الجايه يعني قبل الترم الأول؟؟
لانو الي اعرفو انو بديل التوفل حق الجامعه ما يسوي قبل الفصل الاول

وياااااريت اذا عندك اي معلومه عنو تدينا خبر...
او حتى رقمهم .. :)

وربي يكتبلنا كلنا القبول والنجاااااااااح

[دلوعه غير]

بنات عندي سؤال :)

دحين انا لو انقبلت ان شاء الله
وطلبوا مني اودي اصول الاوراق وانا لسا ماعندي التوفل
وقتها حسوي تاجيل لترم صح؟؟
اذا جبت التوفل قبل الترم الأول يمديني وقتها اغير حالتي وابدأ دراسه؟

[دلوعه غير]

مس بيرفكت :)
معليش حتعبك معايا ... :)

بس كنت بسالك الكتاب الي قلتلي عنوو
فيه نماذج اسئلة ؟
والا بس قاعدات ...

[المحامية]

ياليت الاستاذ فيصل يفيدنا بالتفصيل في هذ الامر

[Miss-Perfect]

بالنسبة للحلوات الي يسألوني عن الكتاااب
تلاقوه في جرير او العبيكاااان ...رخيص باربعين وحااجة
والكتاااب يادلوعة غير فيه مرااجعة عن القاعدات كلهااااا رؤووس اقلااام يعني الزبدة
و5 نمااذج اسئلة زي نظام الاسئلة بعزوز
وكاتبينلك الوقت وفيه حل الاسئلة ورااا