بليز احد يساعدني ؟ ضررروووري : مسألة فيزياء

[kingdedo]

السلام عليكم ورحمه الله وبركاته..

انا بحلها لكي..وان شاء الله يكون الحل...صح وتفهمي..مني..


اول مساله صفحه 90

هوا بيسال ايش الرسمه الصح اللي فيها ترتيب القوى وجمع القوى صحيح

الجواب بيكون فقره e

التفسير المنطقي..انو القوة F1و القوة F2 ينطلقو من نقطه الاصل..ومحصلتهم تكون طالعه من بينهم..للاعلى مو تكون داخله جوا زي رسمه f
((هذا السؤال الاول اتمنا انك فهمتيه..))


نجي للسؤال التاني..

بيقولك في جسم بتاثرعليه قوتين..في االاتجاه الافقي يعني مافيا زوايا.. وفي قوه ثالثه تاثر على الجسم وكمان افقيه..كم قيمتها وايش اتجاهها لما يكون الجسم في حاله ثبات وبيمشي في الاتجاه الايسر بسرعه ثابته مقدارها كميه معينه..

لما يقولك في السؤال انو السرعه ثابته بس بيكون لها قيمه طبعا..معناها مافي تسارع مافي acceleration
كيف نحلها سهله مرة

بما انو الجسم بيمشي..لليسار وعندنا قوتين متعاكستين في الاتجاه نطرحهم من بعض..
يعني 5-3=2 ,F3=2N
واتجاهها لليسار بما انو الجسم بيتحرك لليسار..

((اتمنا كمان تكوني فهمتي السؤال ده))

نجي للسؤال التالت..

اوكي سؤال تلاته يبغالو شرح شويا..
اول شي بيقولك انو القوه FN اكبرمن او اصغر من او مساويه لٍmg وطبعا mg=Fg

في حاله انو الجسم ده موجود داخل مصعد بيتحرك للاعلى لاحظي انو يتحرك للاعلى..

يبغا يعرف قيمه FNفي حاله انو السرعه ثابته..
ويبغا يعرف قيمه FN في حاله السرعه تتزايد يعني بيكون فيه تسارع..

الحاله الاولى...قيمه FN بتكون مساويه لقيمهFg اللي هيا mg يعني equal لييييش..؟؟

لانو الجسم سرعتو ثابته مابتتاثر القوة بالسرعه لانو مافي تسارع

الحاله التانيه بيقولك انو بتتزايد السرعه..يعني بيكون في تسارع وقال انو بيتجه لاعلى upward
اذا في هذه الحاله قيمه FN بتكون اكبر من mg يعني greater لييييييييييييييش..؟؟
لانو فيه تسارع للجسم باتجاه الاعلى وهالشي ياثر على قيمه FNيخليها تكون اكبر من mg

وهذا جواب السؤال التالت اتمنا تكوني فهمتيه...

نجي للسؤال الرابع...


بيقولك انو في جسم وزنو مو كتلتو الوزن حقتو بيساوي 75N وبيقولك في قوة شد..تاثر على الجسم ده هوا يبغا يعرف القوة دي قيمتها قد ايش بتكون اكبرمن او اصغر من او تساوي 75N لما الجسم بيتحرك لاعلى..

وطلب اول شي..لما يكون الجسم بسرعه ثابته..
وتاني شي لما تكون السرعه في تزايد..
تالت شي لماا السرعه تتناقص..

اول شي قوه الشد بتكون مساويه لوزن الجسم..equal
تاني شي بما انو السرعه تتزايد..معناه حيكون فيه تسارع وطبعا التسارع ياثر على القوة..فحتكون greater
يعني قوة الشد اكبر من وزن الجسم..
تالت شي..السرعه تتناقص..يعني بيكون فيه تباطا والتباطا عكس التسارع...وده الشي ياثر على قوة الشد...فقيتمها بتكون اقل من وزن الجسم يعني less


اتمنا اكون افدتك...واذا مافهمتي شي قوليلي وسوري على الاطاله..

تحياتي

king dedo