آآآآخر تجمعاتنا للكيمياء ..:(

[فييري وسيدورف]

اش معنى تهجين بالانجليزي وياريت احد يديني تعريف بسيط عنوه

[υикиσωи]

المشاركة الأصلية كتبت بواسطة فييري وسيدورف اش معنى تهجين بالانجليزي وياريت احد يديني تعريف بسيط عنوه

تهجين ... كيميا ...!.!...

خيووو فين دا الشي اللي بتتكلم عنوو ..في صفحة كم ..شابتر كم ..!!؟

ما اتزكر عندنا شي اسمو تهجين في الكيميا ...!

[LucKy LAD]

المشاركة الأصلية كتبت بواسطة υикиσωи تهجين ... كيميا ...!.!... خيووو فين دا الشي اللي بتتكلم عنوو ..في صفحة كم ..شابتر كم ..!!؟ ما اتزكر عندنا شي اسمو تهجين في الكيميا ...!

هههههههههههه

لا ما شاء الله مزاكرين كويس

طيب انا خطه ب

بس حبيت اكتب رد من باب المساعده لانو ردك حطمني ^^


التهجين موجود في باب كامل

والفكره فيه تحديد نوع التداخل في المدارات الالكترونيه سواء كانت sp3 . sp2 .sp1 .sp3d . sp3d2


طريقة تحديد النوع لا تحضرني الان لكن افتكر انها كانت اسهل من ان نسال عليها

بس انفجعت لمن شفتك تقولي مو موجوده اصلا

الله يوفق الجميع وسامحوني ازا المعلومه ناقصه بس هذا الي افتكرو


L U C k Y L A D

[υикиσωи]

المشاركة الأصلية كتبت بواسطة فييري وسيدورف اش معنى تهجين بالانجليزي وياريت احد يديني تعريف بسيط عنوه

بدري عليا ارد ...لووول
المهم ما اتزركلنا اي شنو عنوفي المحاضرات ..بسس شفت في الكتاب عند الالكان والألكين ذاركينلنا نوع التهجين ..

المهم ..
التهجين حيحصل دمج ما بين المدارات ... عند حصول تفاعل ..
في ذرة الكربون حيحصل برضو تهجين ... وليلو تلاتة أنواع ..اللي هيا




أول نوع : التهجين في الألكانات ..
لو كتبنا التوزيع الالكتروني لذرة الكربون ... ورسمنا المدارات ..حتكون عندنا بالشكل التالي ..

طيب احنا عارفين انو الألكان يتصل بــ 4 ذرات أو مجموعات بكوين رايطة تساهمية ..
لو شفنا لشكل اللي فوق ..حنحصل انو فيلو بسس الكترونين حرين يقدرو يعملو الرابطة ...
فايش حنعمل ..!؟
حنسوي عملية التهجين دي ... بانو ندمج المدار 2S مع 2P ..
وحيسير بدا الشكل ..


بكدا سار عدا 4 الكترونات ...ممكن ترتبط مع التانين .. وطبعا كل دولي الأربعة حيرتبطو .يعني حنستخدمها كل الالكترونات اللي في الغرف ... فحيكون نوع التهجين ..SP3
<< الــS ..عشان الكترون اللي في s .. و3p عشاننا استخدمنا التلاتة الالكتروناتا لموجودة في الغرف التلاتة في الــP




تاني نوع : التهجين في الالكينات ..
نفس الحكاية ...احنا نبا 3 الكترونات ...
فنعمل دمج للمدارات ..

وحتسير بالشكل التالي ..


حنتسخدم بسس 3 الكترونات ... واحد من الــs واتنين من الــP
فحيكون نوع الرابطة ..SP2
والالكترون المسكين الباقي ... هوا اللي حيعمل الرابطة باي ..





تالت نوع : التهجين في الألكاينات ..
نفس الحكاية .. حيسير التهجين بالشكل التالي ..



الكترونيني بسس اللي حيكونو الروابط ... واحد من الـs وواحد من الـp
فحيسير نوع التهجين ..SP
والالكترونين الباقية حتعمل رابطتين لباي ..

<< حتسأل ليش طيب هنا عملنا تهجين ...مع انو كان في الكترونين عندنا ...
عشان دا شي يخص شكل المركب ...انو شكلو مستقيم وزي كدا ...