لننتصر على الكيمياء

[joojah]

المشاركة الأصلية كتبت بواسطة υикиσωи هع هع .. اول شي نحط المعادلة عشان ما فيا انحول واشوف ع الكتاب واللاب .. N2f4(g)= 2nf2 (g ادنا كمية الحرارة ..8h = 38.5 يعني مداما الاشارة موجبة ..يعني تفاعل ماص للحرارة .. طيب نبدأ في الأشياء اللي طالبينها ..بسم الله a)يقولك لو سخنو التفاعل ... يعني ادولو حرارة بما انو ماص فعلى طول حنقول حيتجه من الياسر لليمين ...وطبعا حينها الــnf2 حيزدااد انو نواتج والــn2f4 حيقل عشانو متفاعلات .. << عشان النواتج بتقل والمفاعلات بتزيد .. فأكيد kc حيزيد .. لانو زي منتي عارفة يا حلوة الــkc=[nf2]\[n2f4 b) يقولك ازا سحبنا من الــn2f4 ..ايش حيسير ...! بما انها في المتفاعلات ..واحنا قلنا التركيز ... اذن حتتجه المعادلة من اليمين لليسار ... عشان تعوض قيمة النقص ... وتخليها تتزن .. بسس حيكون الــkc ثابت ... C) يقولك الضغط قللناه على المعادلة .. من يوم ما تسمعي ضغط ..روحي على المولات ..بما انو قللنا الضغط ..يعني حتمشي المعادلة من اللي مولاتو اقل للاكتر ..نروح نشوف المعادلة من فيها اقل ..حنلاقي الــn2f4 مولاتها اقل بالتالي حيتجه التفاعل من اليسار لليمين بسس زي ما قلنا الضغط والحجم والتركيز حيجلس فيلو الــkc ثابتة d) يقولك المادة الحافزة ضافوها ..ايش حيسير ...! بسس حتزيد سرعة التفاعل ..يعني بسرعة حيسير التفاعل ..وحيحتاج طاقة اقل عشان يتم .. بسس الاتجاه ما حيتغير ... ولا الــkc ما حيتغير

مررررره شكرن الحمد لله فهمتـ

يعطيكي العاافيه انووني ماقصرتي ان شاء الله بوكره تجيبي فل مااركــ والله تستاهليها على تعبكـ معاناا

وأدعولي ياجمااعه أمي ذابحتني مسويه عندنا عزومه لخيلاني وانا عندي امتحان جالسه اذاكر والبيت مقلوب فووق تحتــ

نفسي أطلع السطوح ازاكر

من جد محتاجه دعاويكمـ ~> تحزن محد مهتم اذا عندها اختبار او لاء

[υикиσωи]

المشاركة الأصلية كتبت بواسطة joojah مررررره شكرن الحمد لله فهمتـ يعطيكي العاافيه انووني ماقصرتي ان شاء الله بوكره تجيبي فل مااركــ والله تستاهليها على تعبكـ معاناا وأدعولي ياجمااعه أمي ذابحتني مسويه عندنا عزومه لخيلاني وانا عندي امتحان جالسه اذاكر والبيت مقلوب فووق تحتــ نفسي أطلع السطوح ازاكر من جد محتاجه دعاويكمـ ~> تحزن محد مهتم اذا عندها اختبار او لاء

انا منك اقلب الدنيا حريقة ..
قوليلها لو عيالك التانين اللي في المدارس كا عندهم اختبارات ..شوفي كيف ..ودحينا كيف ...!

وسيبي الضيوف ..لا تنززلي ولا حتى تسلمي ..
واللهي حالة ضيوف اخر زمن ..في ايام الاختبارات ...هع هع


ربي يوفقك يا شيخة ويفتح عليكي ... ويخليكي تشوفي الاجابة وانتي مغمضة ...والاجابة الخطأ تتعمي عيونك عنها يا رب ... ويخليكي تفهم بسرعة وتخلصي بسرعة ...
يااااا رب وكل بنات وأولاد الملمين يااااااااااااااااااااااااااااااااااااااااااااااااا ااااااااااااااااااا رب ...