لننتصر على الكيمياء

[زهرة الثلج]

اذا سمحتوا عندي أسئلة ابغاكم تفهموني هيااا : الله يخليكم ابغا الرد بسرعة لأني مابنتقل للجزء الثاني الا بعد ماافهم واتأكد من دي الأشياء ....
1) ايش هو الفرق بين المطلوب في تمرين 1-5 و2-5 في صـ 174 مهو كله مطلوب الضغط ..لكن في تغير ..

2) شرح مبسط في آخر صـ174 الي هو انواع الـ manometers ...

3) القانون الي بالوردي الثاني في صـ 180 قانون شنو ...

4)اعرف انو سؤال غبي بس ابغا اتاكد ...ايش هو الفرق بين atm و atom ...

5) اي واحد فيه القانون العام للغازات الي في آخر صـ181 أو الي في صـ183 ...طيب ايش هو القانون الي في صــ184 ...

6) آخر حاجه ابغا شرح لتمرين 4-5 صـ 183 وابغا اعرف من فين جا 22.41 ...

[υикиσωи]

المشاركة الأصلية كتبت بواسطة زهرة الثلج اذا سمحتوا عندي أسئلة ابغاكم تفهموني هيااا : الله يخليكم ابغا الرد بسرعة لأني مابنتقل للجزء الثاني الا بعد ماافهم واتأكد من دي الأشياء .... 1) ايش هو الفرق بين المطلوب في تمرين 1-5 و2-5 في صـ 174 مهو كله مطلوب الضغط ..لكن في تغير ..

السؤال الأول كان يبغاه بالضغط الجوي ..atmosphere
والطريقة انك تحولي من ملم عمود ظئبق لــضغط جوي بانك تقسميه على 760

أما السؤال التاني ... فانك توجديه بالكيلو باسكل ...
فأول شي تحوليه لضغط جوي بانك تقسمي على 760
بعدين تحولي من ضغط جوي لـــ كيلو باسكال ... بانك تضربيه في 1.01325 × 10^2

<<وانتبهي هوا يطلب منك باكسال ولا كيلو باسكال ..

[υикиσωи]

المشاركة الأصلية كتبت بواسطة زهرة الثلج 2) شرح مبسط في آخر صـ174 الي هو انواع الـ manometers ... .

الفرق بينهم a مغلق من الطرف اليمين ... ويستخدم لقياس شغط الغازات اللي ضغطها اقل من الضغط الجوي

المانوميتر اللي في b مفتوح من الطررف الأيمن .. فيكون فيلو ضغط جوي... بالتالي يقيس شغط الغازات اللي ضغطها يساوي او اكبر منا لضغط الجوي

المشاركة الأصلية كتبت بواسطة زهرة الثلج 3) القانون الي بالوردي الثاني في صـ 180 قانون شنو ... .

دولي حقون تشارلز ...
الاول يدرس العلاقة بين الحجم ودرجة الحرارة ..
اما التاني فيدرس العلاقة بين الضغط ودرجة الحرارة ...

[υикиσωи]

المشاركة الأصلية كتبت بواسطة زهرة الثلج 4)اعرف انو سؤال غبي بس ابغا اتاكد ...ايش هو الفرق بين atm و atom ...

لا مو غبي ...بالعكس ..
atom يعني ذرة
atm يعني atmospheric pressure

ترا مراا نبهتيني لدي النقطة ..
شكرا يا عسل ...
لحين انا اكتب الضغطا لجوي زي الذرة ...

المشاركة الأصلية كتبت بواسطة زهرة الثلج 5) اي واحد فيه القانون العام للغازات الي في آخر صـ181 أو الي في صـ183 ...طيب ايش هو القانون الي في صــ184 ...

الأول هوا الحق الضغط الجوي

التاني بعد التعديل ...

يعني ازا مسلا نبا نقارن بين شييين ... وكل دي الاشياء متغيرة فيهم ( اللي هيا الضغط ودرجة الحراراة ....الخ )
فنستخدم دي العبارة ...

هما استنتجوها من انو ..الــR في الاتنين نفسها فدمجوها ..
شوفي السطر اللي قبل البوكس البنكي ... حتفهمي ان شالله .. انو بما انو R=R
ازن .. P1V1\n1T1= P2V2\n2T2
يعني عشان الطرف الايمين متساوي في دوليكا المعادلتين ... يعني شووور حيكون الطرف التاني برضو متساوي

[dalo90]

ليش مارديتوا على سؤالي؟؟؟

وين شرح شابتر 8 ؟؟؟
طيب انا عندي سؤال
وين مكان الفلزات واشباه الفلزات واللافلزات في الجدول الدوري؟؟

[υикиσωи]

المشاركة الأصلية كتبت بواسطة dalo90 ليش مارديتوا على سؤالي؟؟؟ وين شرح شابتر 8 ؟؟؟ طيب انا عندي سؤال وين مكان الفلزات واشباه الفلزات واللافلزات في الجدول الدوري؟؟

ص 3 و ص 4

فين مكانهم ..!.!.!.
افتحي الجدول الدوري اللي في غلاف الكتاب ...اول صفحة يعني..
تلاقي ع اليمين اللي باللون الازرق دي اللافلزات ... وهيا دائما تميل لفقد الكترونات ...
ع اليسار الفلزات ... تميل لاكتساب الكترونات ..اللي بالون الاخضر

اماا اشباه الفلزات ..باللون الي ما ادري ايش اسمو .. يمكن موف ..

[υикиσωи]

المشاركة الأصلية كتبت بواسطة زهرة الثلج ا 6) آخر حاجه ابغا شرح لتمرين 4-5 صـ 183 وابغا اعرف من فين جا 22.41 ...

هادا شي ثابت ... في الــظرروف المعيارية ...STP
<< ولا تلخبطي بين الظروف العايدية واالظروف المعيارية ...

المهم الظروف المعيارية ... يكون الضغط الجوي 1 ..ودرجة الحرارة 0 درجة مؤوية يعني 273 كالفن ..
حينها حيكون عندنا الواحد مول يدينا 22.41 لتر <<< دا شي ثااابت في الظروف المعيارية ..

حأحللك هيا بطريقة غير عن اللي في الكتاب ... لان حطط دا القانون بعدين ما دري ايش عامل...


المهم نجيب عدد المولات من القانون اللي نعرفو ..
n=m/M
n=7.40\17.03
<< طبعا السبعة هوا ادانا هيا ... اماا السبعطش هادي الكتلة الجزيئية اللي نجيبها من الجدول الدوري

n=0.435

طيب عندنا ..
ا مول --------------> 22.41
0.435 -------------> ؟
وسطين في طرفين ..
v= 9.737 L