كيف أحصل على تصنيف أخصائي نفسي ؟ (الخطوات )

[My days will come]

السلام عليكم ورحمة الله وبركاته ،،
صباحكم / مسائكم رحمات ورضا من الرحمن
إذا ممكن عندي كم سؤال :
- مكان الهيئة في جدة فين بالزبط ؟!.. وهل فيها قسم نسائي ؟!..
- فيه مركز وايز الطبي تدريبهم يقولوا معتمد !! هل فيه احد تدرب فيه ؟!..
- دورة الانعاش القلبي الرئوي فيه اماكن تعملها مجانا في جدة ؟!..
واكون لكم شاكرة

[Loveless]

المشاركة الأصلية كتبت بواسطة my days will come السلام عليكم ورحمة الله وبركاته ،، صباحكم / مسائكم رحمات ورضا من الرحمن إذا ممكن عندي كم سؤال : - مكان الهيئة في جدة فين بالزبط ؟!.. وهل فيها قسم نسائي ؟!.. - فيه مركز وايز الطبي تدريبهم يقولوا معتمد !! هل فيه احد تدرب فيه ؟!.. - دورة الانعاش القلبي الرئوي فيه اماكن تعملها مجانا في جدة ؟!.. واكون لكم شاكرة

و عليكم السلام و رحمة الله و بركاته، أهلاً و سهلاً.. و صباحك سعادة ^ـ^

شوفي حبيبتي، مكان الهيئة في شارع التحلية الي فيلو دلة، قدامو سكن الحرس..مافيلو قسم نسائي هوا كلو مع بعض، تدخلي جوا اعتقد الدور التاني او التالت انتي اسألي في الرسبشن و في اتنين موظفين بينهم فاصل واحد يستقبل النساء و واحد يستقبل الرجال..
بالنسبة لمركز وايز ما قد سمعت عنو ابداً، أنا اتدربت في مستشفى عرفان.. و اللي اعرفو المراكز المعتمدة الي يتدربو فيها البنات هي مستشفى عرفان + مركز الدكتورة نسرين يعقوب + مركز السكينة..
و بالنسبة لدورة الانعاش القلبي الرئوي اخدتها في المركز الطبي الدولي ب ٣٥٠ مع رسوم تسجيل الموقع ، و ما اعتقد انو في احد يسويها مجانًا دي الايام بس لو في ان شاء الله الاخوان و الاخوات يفيدوكي..

بالتوفيييق ^ـ^

[حبل المودة]

السلام عليكم ابغئ استفسر بخصوص التدريب اذا كان المشرف علئ التدريب اخصائي اول هل يقبل تدريبي لدئ الهيئة؟!؟
واقدر ادخل اختبار الهيئة بدون تدريب والا شرط التدريب للاختبار؟!

[سقراط الغريب]

المشاركة الأصلية كتبت بواسطة حآلي الذوق الحمدلله تجاونا اختبار الهيئه من اول محاوله .. كانت مراجعي في المذاكره .. علم النفس الاكلينيكي جاء منه اسئله كثير عن المقاييس والامراض علم النفس التربوي كثير اسئله عن نظريات التعلم والتعلم علم النفس الفسيولوجي كثير اسئله عن الدماغ والفصوص علم النفس المعرفي اسئله عن الذاكره علم نفس النمو التوجيه والارشاد النفسي اسئله عن فنيات المقابله والتشخيص علم نفس الشخصيه وكل الشكر والتقدير للقائمين على هذا الموضوع واتمنى التوفيق للجميع

الف مبروووك تجتوز الاختبار والحصول على التصنيف عقبال الوظيفة ....

المشاركة الأصلية كتبت بواسطة حبل المودة السلام عليكم ابغئ استفسر بخصوص التدريب اذا كان المشرف علئ التدريب اخصائي اول هل يقبل تدريبي لدئ الهيئة؟!؟ واقدر ادخل اختبار الهيئة بدون تدريب والا شرط التدريب للاختبار؟!

وعليكم السلام ورحمة الله وبركاته ..

نعم يقبل التدريب مع أخصائي أول شرط أن يكون في مستشفىى حكومي ولابد من التدريب ثم الدخول في الاختبار هذا شرط أساسي ...

كل الامنيات لكم بالتوفيق ..