بخصوص نتائج الفرز الأول

[عاشقة ماما]

السلام عليكم ورحمة الله

يا جماعة أبغى أحد يفهمني لما تطلع نتائج الفرز الأول يحسبوها كيف يعني

مثلا اللي طلع له القبول علشان معدله عالي وقدراته ولا علشان ملفاته كاملة اللي ارسلها

واللي ما طلع له قبول ليش ايش اللي يكون ناقص علشان ماانقبل

وكمان احنا بكلية العلوم فقط المطلوب المعدل يعني يقبلونا على أعلى معدل ولا كيف

ومتى يكون الاختبار التحريري لنا وأيش طريقته

الله يكتب لنا مافيه خير

[om-mesho]

اهلن وعليكم السلام

على حسب كل قسم وله شروطه .. بس بالغالب الافضل سواء بالقدرات او معدل لهم الاولوية بالقبول
وبالنسبه للاقسام الي لها اختبار مفاضله برضو الاولوية لاعلى معدل+درجات الاختبار كل ماكانت اعلى تزيد فرصة القبول ..

وبالتوفيق يارب

[بوجاتي]

مثلا البرنامج من 90% قدرات ومعدل جامعي المتبقي 10% قرب التخصص والدورات .يكون الفرز كتالي .
نفرض شخص اخذ 70 من 90 وشخص ثاني 59من 90.راح يستعبد لسبب لو نفرض اخذ العشره كامله بيكون 69 والشخص الاول اعلئ منه اخذ 70 من غير اضافه العشره .كذا من بدري مايقبلونه

[بوجاتي]

نفس الخطوات لو كان في اختبار تحريري بدل 10%

[عضوة جديدة]

اليوم مفروض يعلنوا الفرز الاول مين جاله قبول ؟ انا الى الان ماجاني شيء

[بيدا]

الدكتور محمد دماس كتب موضوع
انه راح يمتد الفرز من 9 إلى 13 ربيع الأول (الخميس)
على أعصابي الله يجعل القبول من نصيبنا
ولحد الآن ما وصلني شي

[رهيم]

الله يختار لنا ولكم الخير كلة

[عضوة جديدة]

المشاركة الأصلية كتبت بواسطة بيدا الدكتور محمد دماس كتب موضوع انه راح يمتد الفرز من 9 إلى 13 ربيع الأول (الخميس) على أعصابي الله يجعل القبول من نصيبنا ولحد الآن ما وصلني شي

بيدا انا الموضوع ماهو مخوفني حق الفرز الاول لانه قرات انه كل من جاله انه مستوفي الشروط حينقبل
المخيف هو القبول النهائي لانه حيكون المطلوب عدد معين وقتها الخوف ان المعدل يوقف على معدل معين مايكون معدلنا

[بيدا]

[right]

المشاركة الأصلية كتبت بواسطة عضوة جديدة بيدا انا الموضوع ماهو مخوفني حق الفرز الاول لانه قرات انه كل من جاله انه مستوفي الشروط حينقبل المخيف هو القبول النهائي لانه حيكون المطلوب عدد معين وقتها الخوف ان المعدل يوقف على معدل معين مايكون معدلنا

امس قرأت عن الفرز للسنوات الماضية لقيت كثير استبعدوهم من الفرز الأولي ):
حتى يخفف عنهم بالنهائي، ان شاء الله نسلم من الفرز الأولي يارب
ويبدأ الخوف الحقيقي على قولتك، لعب بالأعصاب لمدة شهرين ونص تقريباً ):
الله ييسر أمرنا ويكتب لنا التوفيق والقبول النهائي يااااارب

[prin]

الان قبل الفرز كانو حاسبين النسبة الموزونة من 100 في تخصص اللغويات وبعد الفرز حسبوها من 90 طيب فين ذهبت ال 10%
علما انه من شروط تخصص اللغويات
40% على اختبار القدرات
60% على المعدل الجامعي