الى كل من يرد الماسترخارج المملكة ( بعثة )

[بنت الزهور]

الــســــــلام عليكم ورحمه الله وبركاته


حابه افتح الموضوع اشان تعم الفائده لجميع

بنسبه المتخرجين من جامعه الملك عزوز بكالوريوس انتظام و يبغو يكملو دراسه الماجستير خارج المملكه (بعثة لـ امريكيا مثلا )
ايش مطلوب منهم من ناحيه اختبار توفل او ايلتس
وايش هي المعاهد الي ساعدتهم ف اجتياز الاختبار ( الجواب من مجرب لو سمحتو )

[Reflection]

و عليكي السلام ورحمة الله وبركاته

سواء من جامعة عبدالعزيز او غيره ،، شروط الابتعاث واضحة و تنطبق على الجميع و موجودة على موقع وزارة التعليم + التخصصات المتاح لها الابتعاث و هي محدودة ،،
ماهو مطلوب درجة توفل او ايلتس للابتعاث للماستر ،، مطلوب فقط لطلاب الثانوي اللي طالعين بعثه بكالوريوس ،،

طلاب الماستر مطلوب منهم قبول معهد لغة و هذا ما يتطلب اي درجة لغة ،،،

اما بخصوص التقديم للجامعات بأمريكا فهذا يختلف بعض الجامعات تطلب مثلا 6.5 بالايلتس و البعض يطلب 6 و البعض 7 ،، و التوفل كذلك يختلف البعض يطلب 80 و البعض 90 و البعض اعلى او بينها ،،

درجة التوفل او الايلتس ،، يحددها التخصص المراد دراسته فالماستر + شروط الجامعة و القسم ،،

تلاقي جامعة امريكية فيها تخصص ادارة يطلبو 6 مثلا بينما تخصص حاسب يطلب 6.5 او طب يطلب 7 و هكذا و كلها بنفس الجامعة ،،

لكن نقدر نقول ان متوسط الجامعات الامريكية للماستر بين 6-7 بخصوص الايلتس .. و 80-100 التوفل ،، و الايلتس طبعا درجته العليا 9 و التوفل 120..

بخصوص المعاهد ،، امريكا فيها اكثر من 10 الاف معهد لغة و الملحقية معترفة بمعاهد كثيررر جدا حسب الولاية او المدينة راح يفيدك هالشي ،،
بعض المعاهد تعطي دورات ايلتس او توفل وبعضها لا ،، و بالاول و الاخير هذا يعتمد بكل صراحة على الطالب و تحضيره ع الاختبار ،،
اعرف طلاب كثير اعتماهم بنسبة كبيرة على كتب و CDs و مقاطع يوتيوب بخصوص التوفل و الحمدلله مشت الامور معاهم و يدرسو الان ماستر ،،


و الله اعلم :)