تجمع دفعة 16 تحضيري علمي طلاب وطالبات حياكم

[BODUR]

المشاركة الأصلية كتبت بواسطة نواف فيصل السلام عليكم اخواني , زي ماتعرفو ان السنة التحضيرية رعب و كابوس لكل طالب "جديد " و انا تراني شايل همها بقوة ! و لغتي بالانقلش سيئة , و هذا الي خايف منه لاجل كذا عندي كم استفسار ,تكفون جاوبو عنه :( 1 : هل للسنة التحضيرية الفرع الرئيسي لها مبنى خاص يشمل كل المواد و الشعب ؟ 2:انا الان نزل جدولي خطة ' ب' ,هل هي اصعب بالفعل و كيف طريقة تخطيها ؟ 3:المواد من فين اذاكر ها ,سمعت انه في شيء سايلادات مدري ايش ,و الموقع التفاعلي ,هل اذاكر منها كل الاختبارات؟ 4:في قسم هنا بالموقع للملخصات , خايف اذاكر منها و مايجي شيء منها في الاختبارات , و هل هي لفرع السليمانية و لا لا ؟ 5:هل الاختبار يختلف من دكتور لدكتور , او لفرع لاخر , او يختلف من ملخصات البنات عن الاولاد, و من هم افضل دكاترة السليمانية ؟ هذي هي الاسئلة الي خوفتني من يوم ماسجلت بالجامعة , تكفوون تكفوون للي عنده خبرة و مجرب و واثق يجاوبني الله يدخله الجنة ')

__

وعليكم السلام ورحمه الله وبركاته.
أول حاجه التحضيري مو بعبع بالعكس سهلة لكن يبغالها شويّة جهد وتحمل مسؤولية، ومادام كثير أتفوقوا فيها ف أكيد اللي عنده الرغبة حيتوفق بإذن الله .

1. الفرع الرئيسي بالنسبة لنا احنا البنات ( شطر الطالبات ) طبعا ما يكون مبنى واحد، عبارة عن مباني جنب بعض و كافتيريات وكذا ، أنا كل محاضرة كانت في مبنى وكل مبنى بعيد عن الثاني يعني مشي وشمس تصقع بس كله باجره ان شاء الله

2. ما أقدر أحكم على صعوبة المواد حقتكم، لأن مساري أدبي، بس خطة ( ب ) غالباً تكون أخف لأن المواد أقل .

3. الكتاب هو الأساس للمذاكرة، بس عندكم مادة الأحياء تتذاكر من السلايدات وهي شرايح عرض بوربوينت يحطها الاستاذ على صفحته في موقع الجامعة أو يقول لكم من فين تجيبوها، وكمان اختبار مادة الحاسب العملي نفس الشيء يتذاكر من السلايدات.

4. الملخصات انا اعتبرها مراجعة للي ذاكرته، بعد ما أذاكر اروح أطّلع عليها وعلى كيفية الاسئلة. لكنها ابدًا مو شيء اساسي وممكن تستغني عنها وأهم شيء عندك هو الكتاب، وتكون لجميع الفروع لان المناهج موحّدة.

5. الاختبارات في السنة التحضيرية ماتعتمد على الدكتور، ياخذوها من بنك الاسئلة اللي يمكن فيه فوق ال 1000 سؤال ، والاختبارات تكون على الحاسب الآلي ف الاسئلة تكون عشوائية من بنك الاسئلة، بخصوص الدكاتره صعب تلاقي اسماء لأن دكاتره التحضيري مرة كثيرين مو زي التخصص معروفين نوعًا ما، واصلا اذا نزل الجدول تلقائيا بتنزل معاه اسم الشعبة و اسم الدكتور يعني مو حاجه اختياريه.

أي استفسار ثاني احنا حاضرين، وبالتوفيق.