موظفه و ابي اكمل ماجستير و عندي سؤال

[فندام]

بالرابط تاالتالي تجدي شروط القبول بماجستير الإتصال والاعلام

http://www.kau.edu.sa/content.aspx?S...=AR&cid=228018

بالنسبة للنقطة الثانية وهي انك تكمليي دراستك بمدينة ثانية

طبعا لو انقبلتي ان شائ الله دراستك حتكون بجدة فالافضل في الحالة هذي انك تنتقلي للاقامة بجدة خلال مدة دراستك للماجستير لانو المحاضرات حتكون

اسبوعية فصعب جدا انك تفضلي رايحة جاية بين جدة والرياض المحاضرات حتكون بالفترة الصباحية من الاحد للخميس بس طبعا مو شرط يكون عندك

محاضرات طيلة ايام الاسبوع اتوقع المحاضرات حتكون ثلاثة ايام بالاسبوع فعندك حيكون ايجار شقة بالاضافة لتكلفة التذاكر

وبالنسبة لاختبار الانجليزي اعتقد انو اختبار كفايات الي ينظمه مركز قياس كافي لو حققتي الدرجة المطلوبه او اما مك خيار اخر وهو حضور الدورة البديلة للغة

الانجليزية بكلية الاداب والعلوم الانسانية وبعد اجتيازها حيتم قبولك في ماجستير الاتصال والاعلام طبعا الدورة برسوم مدفوعه اتوفع (2.000) ريال

ممكن تطلعي على شرط اللغة الانجليزية بشروط القبول الموضحة بالرابط اعلاه وبالتوفيق