بخصوص معدل الترم الأول _ عنوان معدل

[أمـــــــــــــــل]

Dr.A ياعسل
والله سيم سيم فيلينق هع

انا كمان مو بس المعدل المطلوب مو جايبته لأ كمان مو جايبة في الأحياء والكيمياء b+

وانا خلاص ماينفع الندم لأنها مواد الترم الأول..

لكن اذا انت دحين تدرسيها جيبي فيها درجات كويسة فوق البي بلس

ولاتيأسي..وفي ترتيب الكليات حطي كل الكليات الصحية في البداية عشان اذا مانقبلتي طب..

تدخلي قسم من أقسام التقنية الطبية وشدي حيلك مررررة أول سنة وحولي طب ..

<< هذا اللي انا بسويه لأني ماتوقع انو حنقبل طب على طوول..

وصدقيني حطي في بالك انو ماراح ينفع اليأس ولاراح ينفع الحزن ..

لازم تعرفي انو انت شادة حيلك لنفسك .. حتى لو ضاع عليك الأمل في القبول في كلية الطب السنة الجاية

تأكدي انو فيه فرصة ثانية .. وكمان لاترضي لنفسك انو تجيبي درجات واطية بس عشانك مكتئبة ولا خلاص فقدتي الامل

بالعكس اثبتي لنفسك انك ممكن تجيبي أعلى الدرجات وترفعي معدلك لأقصى شي ممكن انو يترفع له ..

مو لـ شي بس عشان ترضي نفسك :)

اممم حاسة انو كلامي ملخبط ..

بس ان شاء الله تكون وصلتك الفكرة ..

ايوا وكمان تأكدي تماام انو كثيريييييييييييييييين زي حالتك وأنا منهم ^_^

بس مانقول غير الحمدلله على كل حال..

ويلا شدي حيلك مابقي لنا غير شهر على بداية الامتحانات..

وأشووفك دكتوورة معايا ياارب ..

لازم تقولي لي على أية كلية انقبلتي السنة الجاية اووكي..

والله يكتب لنا اللي فيه الخيييييير..