17 وظيفية اكاديمية نسائية بكلية العلوم للبنات بالفيصلية (من 17-5 إلى 14-7-1436هـ)

[strawberry18]

انا رحت اليوم ومرة جاتني صدمة ...لاني كنت محضرة كلام كثيييير اقوله وفي الاخير المقابلة اقل من 5 دقائق
سالت البنات وحدة قالتلها من هو وزير الداخلية او الخارجية مو فاكرة
ووحدة انسالت لو بنت غشت في الكلاس ايش حيكون ردة فعلك
ووحدة طاحو فيها اسئلة عن السياسة طول المقابلة
ووحدة انسالت عن منظمة نسكو اظن كدا اسمها وايش علاقتها بالسعودية وسالوهم عن منظمة اوابك opac اظن الاسبل كدا والجواب انها منظمة البترول
هذول اللي سالتهم جينوم ونبات
بالنسبة ليا انسالت اسئلة بسيطة
اول شي محد انسال عرفي عن نفسك ابدا (كانت الاسئلة انتي متخرجة من اي جامعة وماهو تقديرك وايش اخذتي دورات وبس)
سالوني هل اخذتي دورة بالانجلش او الاسعافات الاولية
سؤال متخرجة من سنتين ماقدمتي على وظيفة غيرها
وانسالت ايش التخصص الدقيق اللي حابة تكملي فيه ماجستير
مين ابرز الدكاترة اللي درسوكي في الجامعة وكيف تعاملهم معاك
ذكرت دكتورة معينة قالو حاليا هيا ايش عاملة قلت صارت رئيسة قسم الاحياء وقالو ايش تخصصها في الماستر وهل حابة تكملي معاها الماستر
وسالوني ايش المصدر اللي درستكي منه واسم المؤلف وايش لون الغلاف تبع الكتاب قلت اورانج قالت احنا كان لونه غير تعرفي لون الطبعة القديمة وتضحك
كانو يمزحو ويضحكو وبشوشين اتوقعت العكس
هل ذهبتي الى المكتبة المركزية وكيف استفدتي منها

سالوني عن ارشادات السلامة في المعمل وهل تنعطى في كل المعامل
لو سمعتي صوت انفجار في المعمل ايش حيكون ردة فعلك
ايش اخر اخبار الساحة ذكرت عاصفة الحزم ...قامو سالوني فيه زمان صارت حرب بين العراق والكويت اسمها عاصفة ايه? ...كانت عاصفة الصحراء وماعرفت
سالوني تتابعي اخبار بالتلفزيون العربية او الاخبارية سي ان ان

وبس والكل قال ان الدكاترة بشوسين ويبتسمو وانا كنت محضرة كلام اقوله عن انجازاتي بالجامعه حضرت بالعربي والانجلش اتكلم عن بحث التخرج او اتكلم عن نفسي واشرح دوراتي واخر التطورات العلمية لكن ولا شي هههههه حسيت طلعت وانا لسة ماخلصت كل الكلام اللي جواتي هههه

المهم نفس اللجنة يسالو كل بنت اسئلة مختلفة ولجنتي كانت استاذتين فقط

موفقين ودعواتكم