ابحث عن حل .....؟

[saad6316]

صباح الخير

أنا توهقت في بعض المواد شوفو المواد الباقيه عشان اتخرج والي عنده حل يقولي :

1-مبادىءالمحاسبة.
2- مبادىءالاقتصاد الجزئي
3-مبادىءالاقتصاد الكلي
4-المحاسبة الحكومية منظمات غ ربح
5-النقود والبنوك
6-إقتصاديات المالية العامة
7-البيئة والتنمية

السوال : هل أقدر أخذها كلها يعني في استثناء .

لان على الوضع هذا يبيلي 3 فصول عشان اخلص والدعوى 7 مواد .......

الى عنده حل لا يبخل علي ..... أخوكم سعد

[Xx-GodFather-xX]

اذا تبغى رايي نزل صيفي وخذ كل المواد المتاحة اللي تقدر تنزلها, عشان يخف عليك الظغط .. لأنه بكل أمانه حتى لو فزعولك فيها الجامعه ونزلوها لك كلها في ترم واحد انت اللي بتتضرر
كلها مواد دسمه ما عدا البيئة والتنمية ..

وعلى حد علمي اذا كنت خريج يرفعون لك سقف الساعات ( الحد الأقصى ) الى 24 ساعة, ولكن مدري انت تقدر تنزل كل هالمواد مع متطلباتها في نفس الترم والا لا ؟ أعرف كم واحد نزلو ( المحاسبة مع المحاسبة الحكومية ) وكذلك كثير اللي نزلو ( الاقتصاد الكلي والجزئي سوا في نفس الترم ) لكن حالتك انت شوي متشعبه ما شاء الله ..
يعني عندك المحاسبة الحكومية متطلبها مبادئ المحاسبة
وعندك الاقتصاد الكلي المتطلب حقها الاقتصاد الجزئي
والنقوم والبنوك واقتصاديات المالية العامة متطلبها ( الاقتصاد الكلي )

والزبده مثل ما قلت لك في البدايه حتى لو نزلوها لك في ترم واحد بتكون صعبه بكل أمانه, يعني حتى اللي تخصصه اقتصاد أو محاسبه ما يكون عنده في نفس الترم كل هالمواد الحسابية ..
عموما الله ييسر امرك ويسهل عليك
وان شاء الله يخدمونك الجماعه ^_^ بس عليك بالصيفي وانا اخوك لا تفوته ..

[الفهادي 911]

جدولك دسم مرره ومواد صعبه انصح تقسمها ترمين حتى لاتتضرر يعني تحط اقتصاد جزئي ونقود وبنوك ومحاسبه في فصل والمواد الباقيه فصل ثاني والحريه لك

[يوسف البلادي]

أخوي سعد

السلام عليكم ورحمة الله وبركاته

أتمنى انك تأخذ في الحسبان انه عندك مواد لها متطلبات في نفس الترم وهذا يصعب عليك الدراسة شوي

بس إسمع نصيحتي انا حطيت لك مواد انا درستها وشايف لك انه اصلح وأنفع

1-مبادئ المحاسبة
2-مبادئ الإقتصاد الجزئي
3- إقتصاديات المالية العامة
4- النقود والبنوك


والمادتين الأخيرة ترا خفايف ولذيذة يعني افهمها شوي صدقني بعد عون الله لك تجيب درجة حلوة فيها

الله يوفقك وييسر لك أمرك

وهذه نصيحة للطلبة المستجدين للي يقرون الموضوع

لا تغيرووون في خطتكم شي خليها زي ما هي موجود لا تحذف مواد ولا تضيف مواد

والسلام عليكم ورحمة الله وبركاته

[adel almohanad]

شف أخي انا مثلك الفصل الا راح نفس الشي .. يجب ان تعرف ان هناك مواد عملى ومواد نظري ..
العملي هو الاقتصاد الجزئي والكلي وطرق الكمية ومبادئ المحاسبة .
خذ اقتصاد جزئي ومبادي المحاسبة مع المحاسبة الحكومية والتنمية .
مجرد اقتراح حتى لا تصعب عليك لأن هناك مواد ما تقدر تنزلها متطلب . الله يوفقك ويوفق كل طالب

[saad6316]

مشكورين أخواني على المرور
بس انا الي فهمته من الخطه ...

أن متطلب المحاسبة الحكومية هو مبادئ المحاسبة يعني ما أقد أخذهم مع بعض
وثانيا:
أن متطلب الاقتصاد الكلي هو الاقتصاد الجزئي يعني ما اقدر أخذهم مع بعض
ثالثا :
أن متطلب إقتصاديات المالية العامة و مادة النقود والبنوك هو الاقتصاد الكلي يعني ماقدر أخذهم لين أخلص الاقتصاد الكلي


اذا هاذا الكلام صحيح فالحل راح يكون

مبادئ محاسبة + قتصاد جزئ في ترم
ثم
أقتصاد كلي في ترم الصيف
ثم
باقي المواد في ترم

أفيدوني أذا كلامي صحيح

[أبو خاالد]

تقدر تنزلها كلها في ترم واحد وإذا النظام ماقبل معك تقدر ترسل معاملة إلكترونية ويضيفوها لك خلال ساعات
نصيحتي نزل كل المواد المتبقية وشد حيلك وفي حال حملت مواد راح تختبرها الترم اللي بعده منت خسران شي
وإن شاء الله تعديها كلها يالذيب