استفسار مهم كل آل التحضيري يدخلوا

[تخصص 13]

كيفكم يا حلوين

ابغاكم ترجعوا ذاكرتكم لورا شويتين

ليوم التسجيل في الجامعة

تفتكروا

اش عملنا بعد ما تقبلنا في الجامعه

من الفرحه

بس ندقق دق ع الناس ما خلينا احد ما عرف اانا اتقبلنا في الجامعه

وما سيبنا تنورة في السوق الا اشتريناها << زودتها حبتين

طبعا من الحماس الي فينا

وكنا نحسب ان الجامعه زي المدرسه

واننا نقدر نجيب 4.9 بشوية تعب زي ما كنا نجيب 98 في المدرسه

لكن عشنا وشفنا

\

/

عشنا وشفنا الكرف

وشفنا الهم

وشفنا الدرجات الي من جمالها وفخرنا فيها بس نبغى نصرخ ونقول للناس كم جبنا

وطبعا شفنا التحطيم

والله يكون فيعوننا ع الي حنشوفوا في شهر ونص الجاية

\

/

المهم نرجع للمهم

تفتكروا لمن طلبوا مننا نطبع الكشف الطبي ونسوي الكشف

انا هنا مشكلتي

جا يوم التسجيل حقي وانا مو مكملة بيانات الكشف

الا هي الاجزاء الي مكتوب فيها "لطالبات الكليات الصحية"

فراحوا ممراضات من نفس الجامعة غيرولي الورقه وعبولي البيانات لكن الاجزاء حقت الكليات الصحية طبعا ماسوها

ودحين انا خايفة يعملولي مشكلة لو<بإذن الله > إن قبلت في كلية صحية

فمني عارفه اش اعمل او عند مين اروح

انتوا اش رايكم وتنصحوني اعمل ايه

[rayyan1444]

انصحك انك تتبعي هذا المثل الشعبي

طنش تعش تنتعش

وبالتوفيق

[تخصص 13]

ياما طنشنا و تبهدلنا بعدين

مشكور
وربي يوفق الجميع

[M!ss Mojy]

لااااااااااااااااا صدقيني الجامعه ماراح تكون دقيقه لهاذي الدرجه

وبعدين انا اعتقد ان نموذج الكشف الطبي الي اعطونا هوا نموذج قديم يعني اول لمن كانو يتخصصوا علطول

يعني الي ماكانت تبغى كليات صحيه ماتسوي هذا الكشف

يعني بالله بيحطوا من شروط القبول في الكليات الصحيه اكمال الكشف الطبي هههههههههههه

مااعتقد ياعسل .... واصلا يوم التسجيل مره ماكنوا مهتمين بالكشف ولا طالعوا فيه اصلا

حطي رجلك بمويه باااارده هههههههههههههههه


ولا تقلقي نفسك بأشياء زي كذا بعدين انتي الي بتتعبي ...

[نصراويه]

لالالالالاياعسل موحطي رجلك في مويه باارده لافي ثلج تصدقي اناماسويت كشف طبي

[υикиσωи]

خخخخخخخخخخخخ ..
نونة قلبي لا تشيلي هم ..

ترااا واللهي مهم دارييين عن شي ...

[LPRocks]

لووووووووووووووول

شايله هم مشكله مالها داعي ابدا p:

[thats me..nasser]

ورقة الكشف الطبي اللي عبيناها كانت عامه يعني نفسها حقت السنوات الماضيه اللي هيا قبل سيستيم السنه التحضيريه ...


عشان كذا انتي شدي حيلك وما راح تدخلي الكليه بالكشف الطبي رح تدخليه بمعدلك ...



وادعولي لاني بكره بروح اسحب ملفي من جامعتنا العزيزه .. لاني انقبلت في مجال ثاني .. وبالتوفيق للجميع

[υикиσωи]

<< بالتوفيق ان شالله ...
ربي يسهل عليك ويوفقك ...:)

[تخصص 13]

يعني بالله بيحطوا من شروط القبول في الكليات الصحيه اكمال الكشف الطبي هههههههههههه مااعتقد ياعسل .... واصلا يوم التسجيل مره ماكنوا مهتمين بالكشف ولا طالعوا فيه اصلا حطي رجلك بمويه باااارده هههههههههههههههه ولا تقلقي نفسك بأشياء زي كذا بعدين انتي الي بتتعبي ...

بعد الي شفنا منهم سرت اتوقعه اي شي منهم

دحينا مايمديني احط رجولي في موية باردة ان شاء الله بعد الاختبارات نحطها في ثلج ولايهمك