أسئلة اختبار الإحصاء للدوري ثاني , الفل مارك بين أيديكم ؛)

[FaresM]

السلام عليكم و رحمة الله و بركاته ..
تحية طيبة للجميع خصوصاً للي عندهم اختبار إحصاء يوم الغد ;D

المهم جبت لكم ملفات وورد جداً رائع و مفيد لاختبار بكرة ! تبغون الزبدة ؟ جبتلكم أسئلة الإختبار !
طبعاً الأسئلة حتجي بنفس الفكرة بالزززبط بس اللهم مع تغيير الأرقام و كذا

أقدر أضمن إنه 90% من أسئلة الإختبار موجودة في الملفات اللي حارفعها لكم .. بس افهموها شويتين :)
الملف فيه 9 نماذج مختلفة من موقع التدريب التفاعلي .. و تعرفون اش يعني تدريب تفاعلي > الإختبار عبارة عن "اختبار الكتروني"

ما أطول عليكم .. تفضلوا الرابط
http://www.gulfup.com/?9fWIIb

[Capt. Mouath]

ياولد بسرعة قبل لا يفكشونا ،

بس لو معاها الإجابات كان أحسن d:

[FaresM]

^
الإجابات بديهية ما يبغالها :p
إلا على طاري الإجابات .. أذكرك قلت إن برمجة أسئلة اختبارات الجامعة ضعيفة و تقدر تطلع الإجابات بضغطة زر !
قد سويتها ؟ :d

[Capt. Mouath]

يب سويتها على أساس أني اجرب لكن زبطت معاية وما توقعت انها بتزبط ..
لكن طبعا قفلتها على طول لأنك حتنكشف بسرعة على بال ماتقراها من بين الأكواد وحتبان الشاشة من بعيد انك ناوي على بلى ،

أنا والله قمطت أم العافيه لولا الجدار اللي على يساري كنت حعيد الماده في الصيف .. عدد المراقبين الكثير يخوفوك :(

[abdulelah.20]

السلام عليكم كيف اطلع الاجابات بظغطت زر على قولتكم

[Modi_L]

probability distribution مب معنا ولا ؟؟

[faisal11176]

المشاركة الأصلية كتبت بواسطة modi_l probability distribution مب معنا ولا ؟؟

اي مو معنا

[Capt. Mouath]

المشاركة الأصلية كتبت بواسطة abdulelah.20 السلام عليكم كيف اطلع الاجابات بظغطت زر على قولتكم

سويتها اليوم وقفل عليا الإختبار فجأة ووبعد ثواني جاني error .. انا هنا جاتني جلطة معوية
الزوبد سويت اني بريئ وناديت المشرف قالي لا تسوي فيها خبير وعيد اختبارك وبس


شكلهم عرفوا الحركة وعدلوها ..


المهم كدا ولا كدا انا اصلا كنت جايب العيد ،







دحين بشرو كيف الإختبار اليوم ؟؟

انا تقريبا في 7 فقرات ما حليتها .. تدرو ليش ؟ .. عشان سبب غبي، انا اتأكدت اني كل يوم ازداد غباء،

مجموعة الأسئلة اللي فيها قوانين "معامل الإرتباط" وكل القانون فيه سيقما .. القوانين موجودة في ورقة اعطوها لنا وانا قلت خلاص الفل مارك .. لكن لما جيت بكتب القانون في الآلة الحاسبة ماعرفت كيف اجيب السيقما قلبت وفصفصت ام الآلة الين ما خربتها .. سألت 3 مشرفين قالولي مالك حق انك تعرف الا بعد الإختبار ..

الزوبد رجعت البيت وانا حزين ،


الله يصبرني،

[htoom]

المشاركة الأصلية كتبت بواسطة capt. Mouath سويتها اليوم وقفل عليا الإختبار فجأة ووبعد ثواني جاني error .. انا هنا جاتني جلطة معوية الزوبد سويت اني بريئ وناديت المشرف قالي لا تسوي فيها خبير وعيد اختبارك وبس شكلهم عرفوا الحركة وعدلوها .. المهم كدا ولا كدا انا اصلا كنت جايب العيد ، دحين بشرو كيف الإختبار اليوم ؟؟ انا تقريبا في 7 فقرات ما حليتها .. تدرو ليش ؟ .. عشان سبب غبي، انا اتأكدت اني كل يوم ازداد غباء، مجموعة الأسئلة اللي فيها قوانين "معامل الإرتباط" وكل القانون فيه سيقما .. القوانين موجودة في ورقة اعطوها لنا وانا قلت خلاص الفل مارك .. لكن لما جيت بكتب القانون في الآلة الحاسبة ماعرفت كيف اجيب السيقما قلبت وفصفصت ام الآلة الين ما خربتها .. سألت 3 مشرفين قالولي مالك حق انك تعرف الا بعد الإختبار .. الزوبد رجعت البيت وانا حزين ، الله يصبرني،

هو لازم علامة السيقما هههههههههههههههههههه

حليتها بدون السيقما بس ياخي طلعت موجوده الاجابات

ان شاء الله تكون صح لو غلط انكبنا )=

[Modi_L]

تقدر تجيب لنا اسئلة الاحياء , اختبار الاحياء كله من التدريب التفاعلي