تطليق الزوجه بداعي .... تكافؤ النسب .... أيش رايكم ؟؟

[عباطة]

northstar ........... هلا بتاج راسي ... ها.. ان شا ءالله جايبالي شي معك من السوق ؟؟

الحمد لله ماوصلت لحد الظاهره هيا قضيتين مو أكثر ... بس بجد شيبت راسي .... الله يسعدك

أسعدتيني بمرورك

[ميمي_غامد]

فتفوته سكر ومكتف النمله انا اقولكم يمكن اكتشف بعد الزواج انو فيها عرق من هنا ولاهنا وعباطه حلو الموضوع

[فتفوتة سكر]

المشاركة الأصلية كتبت بواسطة ميمي_غامد فتفوته سكر ومكتف النمله انا اقولكم يمكن اكتشف بعد الزواج انو فيها عرق من هنا ولاهنا وعباطه حلو الموضوع

أهـــــا لو هيك ممكن
انما يطلقوها اهلها بعد زواجها ؟ طيب ليه وافقو من الأول
ولا شربوهم مسكر لين ما يتم الزوااااج


تزكرت موضوع في الاخباريه
اجا الزوج عالشاشه يناشد ابوو الزوجه انو بدو زوجته
والاب رافض عشان النسب ..!!!!
توقعت اني مافهمت قضية البرنامج , لأنها مادخلت مزاجي الحكايه

[عباطة]

ميمي_غامد .... أشكرك بعنف أختي شرفتي ونورتي

[ام تالا]

مجتمع متخلف يبغالهم بف باف ,,
صارت لصديقتي بعد ماملكت اخوانها عرفوا ان زرجها خضيري(على قولت اهل الرياض) وغصبوها انها تتطلق وهي كانت تحبه وهو يحبها وقالولها حتى لو تزوجتيه القاضي حيطلقك بداعي عدم تكافؤ النسب وفي الاخير تطلقت

الحمدلله هالشي مو في عيلتنا

يعطيك العافيه عباطه

[عباطة]

ام تالا ...... والله اعلامنا الضعيف المتخلف لابد من وضع برامج تلفزيونيه توعويه وتثقيفيه....

لايرتقي اي مجتمع الا بأدوار الاعلام والتعليم

وللأسف الاثنين في مجتمعنا كل عام وانتم بخير يعني أدوارهم بعيده جدا

يسعدك أختي وأشكرك على اضافة بصمتك

[عاشقة الندى]

اكتر شي ينرفزني حكاية النسب دي والعنصرية القبلية ،،
ياويلي يرتفع الضغط عندي لما يجيبو سيرتها ،،
استغفر الله مابغى اغلط على احد لكن بجد عقول متحجرة ايش دا كلنا عيال تسعه وكلنا مخلوقين من نفس الطينة ،،

انت حضري انت بدوي انت صربي انت طرش انتو مدري ايش شكلو ايش دا التفكير المتخلف ،،

معليش ياخويا انفعلت شويه بس بجد الموضوع دا عندي حساسيه منو ،،
انا عارفة انو كل واحد يفتخر بنسبو وكلنا نفتخر بالشي دا لكن ماتوصل فينا اننا نهين بعض عشان كدا او انها تكون سبب تعاستنا ،،

[عباطة]

عاشقة الندى .. مشي حالك في اشياء كثيره في مجتمعنا يبغالها تزبيط

ولا تعصبي ولا شئ كبري راسك بس ..... ربنا يفرجها من عنده

[عــبدالعــزيز]

اعتقد انه المفروض على كل رجال انه ما يتخذ اي قرار بحياته الا بعد دراسه واقتناع لان المتضرر في الاول والاخير هي الانثى مع كل امنياتي

[عباطة]

عــبدالعــزيز

ليش يازيزو المتضرر الوحيد الأنثى ياراجل خليك محضر خير ...عموما شرفت ونورت يازيزو