شوركم في التحويل

[Bari55]

السلام عليكم ورحمة الله وبركاته

انا خطة ب وماعندي انقلش المهم
عندي احياء بس احد وربوع
وحاب احولها مع الاحصاء والكيمياء لقيت شعبة في نفس الايام ونفس الدكتور
يعني يصير عندي 3 ايام اوف

بس اللي خايف منه انو بعد الحج يوم ينزل الانقليزي يتعارض مع الاحياء

مساعدتكم ياللي تخصصوا قيد احد صارت معاه شي

[أُنـثــﮯ مـــلآئـكيـة]

نفس الشيء تقريبا صار معي
اذا حولت الاحياء بعدين لما تجي تدرس انقلش ليفل4 راح تتعارض اكيد وانت عارف الانجليزي يوميا راح تاخذه
انا بصراحة شفت مافي حل غير اني اصبر لحد ما يخلص الترم و عشان ما اضيع وقتي كنت اخذ محاضرات اضافية وقت فراغي زي الاحصاء (كنت احضر مع استاذتي وكمان استاذة ثانية شرحها افضل)
يعني ممكن لو استاذك في الاحصاء مو مره كويس شرحه يصير تدور كلاسات ثانية بيوم الي عليك فيه احياء و تحضر عادي زي طالب وبكذا تستفيد
او كيمياء برضو
بتكسب وقت وجهد لما تجي تذاكر وكمان فهم
............
هذا الي انا سويته اما قصة التحويل مارح تزبط معك في الاخير :(
بعدين كلها سنة ان شاء الله وتخلص وتتخصص برغبتك الاولى وقتها مارح تواجه مشاكل زي التحضيري الان فمالك الا تتحمل وتخلي وقت الفراغ في صالحك بدل مايضيع من يدك
موفق ان شاء الله

[Mirinoxd]

أنا كمان نفس الشي صار معايا بس انا اختبرت ايلتس وحذفت الانقلش فحولت عادي
شوف دام انو نفس الدكتور ماعليك, يعني حيكون اسمك عندو في كشف الشعبتين كلها
انا افتكر في الاحياء أول اسبوعين كنت مرات احضر شعبة الساعه 10 ومرات شعبة الساعه 1 لنفس الدكتورة وعادي الدكتورة وافقت
بصراحة ما اشوف اي سبب يمنع, لو دكتور تاني ايوا صح حيكون بهدلة وحيتضايقو الدكاترة بس نفس الدكتور توقيع حضورك حيكون معاه سواء ف الشعبة الاولى ولا التانية
كلم الدكتور أول شي! اساسا يمكن يطلع ما يهتم بالتحضير

[Bari55]

يعطيكم العافية جميعآآ ماقصرتوا

بشوف بسأله بقوله الوضع كامل
وافق وافق ماوافق الشكوى لله
اروح عشان الاحياء بس