بخصوص الكتب والملخصات

[Dr.Ray]

السلام عليكم ,,


ربنا يجعلها سنة خير ع الجميع وكل واحد يحقق الي يتمناه

بالنسبة للكتب والملخصات وكل شي متعلق بالمادة تكون ف المكتبة او اقدر الاقي نسخ الكترونية ؟؟؟؟

[أُنـثــﮯ مـــلآئـكيـة]

وعليكم السلام
انا شخصيا ما احتجت ملخصات بالنسبة لمواد خطة أ
رياضيات : الكتاب + وورك شوب حمزة ابو جبل + نماذج دوري اول وثاني وفاينل من موقع اي دكتور بالجامعة تلاقيها واذا مالقيت فهي موجودة بموقع ليندا الزبن
واعتقد كذا كان كافي بالنسبة لي والحمدلله جبت درجة كاملة في الرياضيات
بس اذا تحتاج ممكن تشوف دروس يوتيوب او تشتري ملخصات من مكاتب جمب الجامعة منها سليمانية 2000
فيزياء : فيديوهات يوسف زويل + ملخصات هناء فرحان + نماذج اختبارات محلولة لهناء فرحان برضو مهمة مهمة مهمة واذا حليت على الاقل نموذجين او ثلاثه تقدر تحط الاختبار بجيبك
لان اختبارت الفيزياء اغلبها من نماذج اختبارات سنوات الماضية وانا شخصيا جاني سؤال كوبي بيست بالارقام من اسئلة النماذج حقت هناء فرحان
مهارات اتصال وحاسب ما تحتاج غير مجهودك ووقتك
بالنسبة لملخصات الكترونية اكيد بتلاقي بس ما انصحك فيها اغلبها قديمة و فيها اشياء محذوفة و فيها زيادات احيانا وبرضو اغلاط
اذا تبغاها تلاقيها هنا في موضوعات بعضها قديمة دور على الي تبغاه وبتلقاه ان شاء الله من ملخصات او نماذج http://www.skaau.com/vb/forumdisplay.php?f=173
عموما لو سويت زيي مارح تحتاج ملخصات ان شاء الله.
بالتوفيق يارب
...
... بالتوفيق يارب

[sara amro]

الله يجزاك خير يارب