كيف أحصل على تصنيف أخصائي نفسي ؟ (الخطوات )

[الأخصائيه صمود]

السلام عليكم جميعاَ

سبق وكتبت لكم من خلال هذا الموضوع عن بداية تقديم أوراقي لهيئة التخصصات الصحيه
وتمت مقابلتي من قبل شخصين أظن اسم الدكتوره سميره ودكتور عزام
بدأت أتكلم عن نفسي
اسمي/تخصصي ومساري/ سألوني عن تدريبي أثناء دراستي الجامعيه ومن ثم
بدأ يسألوني عن المقاييس وعن كتاب الدليل التشخيصي الرابع هل إطلعت عليه أم لا والحمدالله إني قرأت فيه قبل مقابلتي
اممم بصراحه ماكانت فيه أسئله صعبه حسيت كل الأمر هو أخذ إنطباع عااام فقط
المقابله كانت مدتها ربع ساعه لاتقل بعد كذا أخبروني بأن الرد بيوصلني بعد أسبوعين تأخر الرد مثل ماإنتو عارفين ليما أتصلت أنا شخصيا وبعد ماطلعوا روووحي
وكااانت النتيجه ... إعادة التدريب 3شهووور عاااد أنا هنا وقفت وإنتابني شعور الإحباط نوعاَما لكن مازلت متوكله على الله ونعم بالله بعد كذا قلت خلوني أجرب حظي
وأقدم أوراقي بالشرقيه يمكن يحالفني الحظ لأني أعرف ناس شخصياَ رفضوا لكنهم حاولوا وقدموا بمدينه ثانيه رحت وقدمت وكانت هنا الصدمه المضحكه هههه ... أقولكم ليششش
قدمت أوراقي للموظف وبدأ يتصفح أوراقي وفجأني لما قال أنو أنا مستبعده عن التصنيف ودورات التدريب مو محسوبه عندهم
وش يمنع يالطيب ..؟ شهادتك تربويه ... قلت لا ياأستاذي مش تربوي فقط "تربوي مهني" قال لا مايسمح لك ومن هالكلام معليييش ...حسيت قوانينهم من موظفينهم لأني بالرياض
إستقبلوني وإستقبلوا ناس مثلي وإنتساب بعد وأخذوا التصنيف بكل بساااطه
وإلي ضحكني لما قالي إنو هذي قوانين الهيئه وش هالكذبه المكشوف وأنا مقدمه بالرياض العاصمه وماكان فيها هالشيء
بالنهايه بعد الكذبه المكشوفه قالي جيبي لي أحد مثل شهادتك أخذ التصنيف أسويلك معدله ومن هالكلام ...
ومن بعد هالسالفه وأنا عارفه إنو هالأمور بالمملكه لابد فيها تعقيدات ولابد إنها بحاجة فيتامينات ومن هالأمور
وهذا أنا أبحث عن مركز خاص معتمد غير مركز مطمئنه لأنو بصراحه شكلياَ ممتاز لكن كمضموون فاااشل جداَاَ همهم مادي فقط...
وهاأنا أريد منكم إفادتي بالمراكز المعتمده لتدريب بصرااحه نفسي أتدرب بالأمل لكن فترة القبول مطووله وإحتمال بعد سنه تجي الموافقه ..وممكن لو فيه
مستشفياات حكوميه بتقبل أتمنى أتدرب عندهم.
أفيدوني جزآكم الله كل خير

والمعذره على الإطاله..