ساعدوا اخوي الله يسعدكم

[{مهاوي}]

السلام عليكم ورحمة الله
قدمت لاخوي في جامعة الملك عبدالعزيز الكتروني وللاسف ماقبل الا فالتحضيري علمي موازي بالرغم من ان نسبته 99.68
وبعد القدرات والتحصيلي صارت نسبته 85
والموازي مافيه مكافأه شهريه وهو محتاجها زي كل الطلاب
وش الحل هل لو الغيت الطلب الالكتروني يسحب ملفه نهائي ولايقدر يسجل مره ثانيه فالجامعه
اتمنى تفيدوني واكون شاكره وممتنه لكم

[إنتظــآر]

إذا ما أكدتي الطلب في الفترة المحدودة راح على أخوك مقعدة
نصيحة أكدوا ع الرغبة اللي رشحوكم لها ع أمل تنزل النسب وينقبل انتظام غير موازي

و ترا الموازي سنة وحدة فقط و بعدها بإذن الله انتظام صباحي

بالتوفيق له

[{مهاوي}]

هل صحيح ان الموازي سنه وحدة بس

ياليت تأكدون لي الله يخليكم

[Raneeny]

شكلو الشهادة من برا جدة

المهم ماعلينا .. كلها سنة وحده ويرجع انتظام صباحي بمكافأة زيو زي غيرو بعد المفاضلة في التخصصات وتقريبا كلها انتظام ماعدا اتوقع الطب الهندسة والحاسب في منها الأساسي والموازي وكل ذا على حسب التخصص الي يختاره بعد التحضيري وينحط فيه بعدين

[TAYF]

المشاركة الأصلية كتبت بواسطة {مهاوي} هل صحيح ان الموازي سنه وحدة بس ياليت تأكدون لي الله يخليكم

في السنة التحضيرية حيكون موازي وبعدين حيتسكّن على حسب رغباته - وبإذن الله حتنزل النسب في الفرز الثاني وإحتمال كبير يصبح انتظام

أتوكلوا على ربنا وأكدوا الطلب وبالتوفيق

[fuadbo5]

اختي ممكن تصوريلي جدول النسب؟ وشكرا

[Reem Mohammed~]

كلها سنه ،، يصبر وربنا يسهله الكليه اللي يبغاها وباذن الله بمكافاة

الله يوفقه يااارب

[wafa al7arbi]

لايسحب ملفو ،، زي ماقالو كلها سنه وتعدي ..
بعدين ع حسب التخصص اللي يبغاه وترتيبه للرغبات وقت الترتيب يحط الموازي تحت ولايشيل همو

موفقين .

[zelme]

هنا ما تبحثين عنه يا اختي
الخبر الصحيح من موقع الجامعة
http://reqfounyear.kau.edu.sa/Pages-...ظام-موازي.aspx

وسيكون وضعه هذا في السنة التحضيرية فقط (هذا بالنسبة للدوام)
اما بالنسبة للمكافئة فتاكدي من عمادة القبول

وهنا ايضا اسئلة متكررة ابحثي عن سؤالك وستجدين الجواب
http://reqfounyear.kau.edu.sa/faq_vi...=210101&Lng=AR

وما شاء الله نسبته ممتازة جدا والمفترض انه يدخل انتظام لكن اعتقد انكم من بررة جدة.. صحيح!!