النسبة الموزونة لغير السعوديين !

[Pro.Konan]

السلام عليكم ورحمة الله وبركاته .. كيفكم ؟

أنا طالب غير سعودي ، وأبغى أدخل جامعة الملك عبد العزيز " انتظام "

في الثانوية نسبتي 95.5 .. القدرات 90 .. التحصيلي بكرة اختباري

هل النسبة الموزونة لغير السعوديين هي نفسها للسعودين 80% ؟

[د/ندى]

لااا طبعن ااعلى
واللي شهادتو (الثانوية ) مو من جدة برضو لازم تكون موزونتو اعلى من حقون جدددة
ودي

[Pro.Konan]

أنا من جدة .. بس إذا أعلى تقريبًا كم ؟؟

90% ؟ وهل هي تتغير من سنة لأخرى ، وكم كانت السنة الماضية

[sereeno]

وعليكم السلام ورحمة الله وبركاته

أولا ماشاء الله تبارك الله نسبك عالييية

والنسبة المطلوبة هي أن لا تقل عن 90%

وأتوقع تجيبها بالراحة بإذن الله

لآن مجموع نسبك بدون التحصيلي 74.75

باقيلك التحصيلي حسبتلك أقل درجة ممكن تجيبها فالتحصيلي وهي 77 وتصبح موزونتك 90 .. و أعتقد إنك تقدر تجيب أعلى منها بالراحة إن شاء الله
لانو اسهل من القدرات بالاضافة إنو انصحك تذاكر أسئلة التحصيلي للسنوات السابقة لان معظم الاسئلة تجي نفسها ..

فالاخر توككل على الله ولن يضيع لك تعب وبتدخل الجامعة بإذن الله

وأي استفسار أو سؤال هنا تجمع للطلبة الغير سعودين حيفيدك جدا بإذن الله

بالتوفيق ..

[SoJustMe]

90 وفوق بتدخل علمي
واقل من كدا بيحطوك ادبي

وعلى حسب درجاتك هذه لازم اقل شيء تجيب 80 تحصيلي

عندك طريقتين

ادا انت يمني تقدم على بقشان ادخل موقع المؤوسسة الخيرية للطلبة المتفوقين
وكمان تقدر تقدم على طول مباشرة زي السعودين بس ماراح يقبلوك الا على 90 وفوق

وخذ في بالك انه لازم يأخروك على الاقل ترم واحد مثلنا .. أو سنة مثل اللي قبلنا

وكمان بقشان فيه بعثات لو تبي خارج المملكة !!

عاد انت ادرى بمصلحتك وطبعا للحين الطب ومشتقاته مافيه لغير السعوديين

والله يوفقك يارب

[mo7essi10]

اذا امك سعودية فتعامل معاملة سعودي، ، والطب مو بس للسعودين يا سو جست مي، ، حتى الاجانب الي امهاتهم سعودية يقدروا يدخلوا.

[Pro.Konan]

اانا مو ناوي طب ، تقريبا ادارة اعمال - محاسبة

إذا إنه حيأخروني ترم فلازم أشوف بقشان .. وبالنسبة للي حسب نسبتي ، مشكور والله وأنا قد حسبتها ^^

يعطيكم العافية جميعًا

[بنت عز ما تنهز..]

اولا ما شاء الله تبارك الله درجاتك مرة حلوة

بس يكفي لو جبت في اختبار التحصيلي 77 وفوقها


وثانيا ترى ما تفرق لو تبدأ الترم الاول او الثاني في الجامعة
احنا كنا زعلانين ومتضايقين اننا بدأنا الترم الثاني
بس لما بدأنا كان عندنا فكرة كاملة عن السنة التحضيرية واستفدنا من تجارب صحباتنا وعرفنا نقاط الضعف وطريقة المذاكرة لكل مادة
والحمدلله دحين خلصنا الترم الاول لنا وعرفنا انو الخيرة لنا اننا نبدأ الترم الثاني


وكمان انت دام هدفك كلية ادارة الاعمال مرة كويس

ربي يوفقكم وييسر لكم الخير

[بنت عز ما تنهز..]

اتوقع منح بقشان اتاخرت وجاتهم الموافقة على بداية الترم الثاني

اسال واتاكد+لا تسلمهم شهادتك الاصل

[Pro.Konan]

الله يعطيكم العافية .. هههههه التحصيلي صح خبصت فيه لكن الحمدلله جبت 78 طلعت نسبتي الموزونة 90.33

مشكووورين 3>