||طُـمـوحـات و همم تُعانق سماء المجد♥ :كُل ما يخص المعدل الجامعي:

[نــورهـ]

المشاركة الأصلية كتبت بواسطة ايمان 2014 الله يسعدك د.نورة مشكوووورة ان شاء الله متوكله على الله وراح اعمل بوصيتك وربي يبلغني مبتغاي باذن الله ردك اعطني امل اني اقدر باذن الله اوصل لهدفي ربي يجعل تعاونك معانا وردك علينا في ميزان حسناتك ويكتب لك الاجر ويهون لك كل صعب ويحفظ لك كل غالي يارب مشكووورة

- آآآمين و إياكِ يا رب , العفوو :) ..

- ان شاء الله تقدري توصلي لهدفك توكلي ع الله و استعيني به فلا معين و لا مؤنس سوى الرحمن سبحانه ..

- آمين آمين آمين جزاكِ الله خير ع دعواتك أسعدتيني و لكِ بالمثل يا رب ..

- بشرينا عنك و عن هدفك و الله يوفقك و يسعد قلبك ..

المشاركة الأصلية كتبت بواسطة أنجليكا صباحكم ورود ونجاح لأبعد مدى بإذن الله ، كنت داخله أسأل سؤال بس لما شفت الناس حاطين تجاربهم تحمست وقلت بشارك تجربتي انا كمان :d انا بكلية الإقتصاد والإداره إنتساب تو خلصت سنه رابعه ، تخرجت من الثانوي بنسبة 98% وكنت ناويه أدخل كلية عمليه ، لكن شاء القدر إني ما أدخلها وتحطمت ونفسيتي صارت في الأرض ودخلت الكليه هذي بـ دَفْ من أهلي وبالغصب كنت أمسك الكتاب لإني كارهه الكليه وكرهت الجامعه كلها ، مرت 3 سنين وأنا ماأعرف أحد بالجامعه ولا عمري ذاكرت إلا قبل الإمتحان بيومين وكمان كنت اذاكر من الملخصات مو من الكتب > متعيجزه :d وما كنت أفهم إيش يعني معدل ولا أهتم أشوفه ، وبدأت سنه رابعه وربي حط في طريقي أشياء كثير خلتني أوعى للوضع إلي أنا فيه أصدقاء و مواقف وتجارب وكتب ، خلوني أنتبه وسألت نفسي إيش فايدتي في الحياه ؟ بس أتخرج بنسبه معفنه وأجلس في البيت أبكي على حالي ؟ وين طموحات زمان بالشغل والسفر والدراسه لأخر لحظه في حياتي ؟ وإذا يعني ما دخلت الكليه إلي أحبها إنتهت الدنيا ؟ عادي راح أدخلها بعد ما أخلص هذه الكليه ، بس بدل ما أضيع عمري وأنا جالسه أتندم ومصاريف ووقت رايح ع الفاضي خليني ع الأقل أطلع بفايده ، وقمت فتحت الأودس وشفت نسبتي كانت في أول ترم 4 وشوي والحين قربت توصل لـ 2 :( > الكلام دا سنه ثالثه وكل المواد يا إنها d يا c وكمان فيه ماده انجليزي اخذتها وجلست استخف فيها ورسبت لأول مره في حياتي أرسب بماده :( المهم قررت أتغير ونزلت الـ 6 مواد تبع الترم الأول وبدأت أذاكر من الكتاب وأخطط وأكتب وسمعت المحاضرات لأول مره > كنت اسمع عن السنترا بس ماعمري دخلته وخلصت سنه رابعه وفوجئت من درجاتي ، جبت a و b بعد المقبول والضعيف ونسبتي إرتفعت صارت 3.36 ولسا باقيلي 8 مواد منها مادة البحث والتدريب ومواد حره وإن شاء الله يارب أقدر أوصل لنسبة جيد جدا 3.75 تتوقعي يا د.نوره راح أقدر أوصل لها النسبه في الترم الجاي ولا مستحيل :( ؟ الموقع هذا : http://www.qu.edu.sa/gpa.aspx# طلعلي إنه حتى لو جبت في كل المواد A أو B نسبتي هتظل على ماهي عليه جيد .. زعلت مره لكن ان شاء الله مو صح حسابه تعقيب : ساعات المعدل 120 والساعات المجتازه 117 المعدل 3.36 عدد ساعات الترم 24 من ضمنها البحث والتدريب

- يا هلا حياكِ الله أنجليكا صباح السعادة :) ..

- ماشاء الله تبارك الله , جميل تفكيرك و إن الآنسان إذا فقد شيء مو معناته يوقف و لا يكمل بالعكس يواصل و يحاول مرة ثانية مستعين بالله و يكون على يقين أن أقدار الله خير و حكمة قد لا ندركها ..

- أهنيك أختي ع طموحك و إصرارك و سعيك لرفع معدلك و دائمًا الفشل هو الطريق إلى النجاح..

- بخصوص المعدل الـ 8 مواد كل مادة كم ساعة؟ هل المواد الحرة داخلة مع الثمانية مواد؟..

- الله يوفقك و يبلغك ما تتمني و يعوضك خير و يقدرك ع دراسة التخصص اللي تبغيه بعد التخرج ..

- تم إضافة تجربتك في أول الموضوع لتحفيز الآخرين و بث الآمل لهم ..

- كل الشكر و التقدير لكِ يَ جميلة نورتي الموضوع ..