النسبه العامه و الخاصه

[منالH]

السلام عليكم
كثير اسمع عن النسبه الخاصه و العامه و احس بضياع ماني فاهمه سالفتهم
يا ليت احد يشرح لي اش هيا بالضبط و كيف اطلعها :(

[أمينه الجهني 5]

وعليكم السلام
والله مدري وان شاء الله احد يفيدك

[ياربي توفيقك]

باختصار شديد ... ادخل على صفحة الأوديس ومن القوائم العلوية اختر " السنة التحضيرية " ثم ادخل على " حساب المعدل التجريبي " وأدخل كل درجاتك في جميع المواد ثم اضغط على حساب .. وبيعطيك نتيجة النسبة الخاصة " لكل كلية نسبة خاصة " وهو الشرط الأول الواجب توفره قبل التسكين، ثم بيعطيك النسبة العامة " وهي النسبة الكلية لجميع المواد وهو الشرط الثاني قبل التسكين . اذا وافقت الشرطين تنقبل بإذن الله.

[mr.obadah]

النسبة العامة : هي النسبة الا من 5 : مثال لو نسبتك 4.2 من 5 فإن نسبتك العامة = 84 % لها حسابات عشان تطلع النسبة 84% ...اتوقع انك تقسمي 4.2 على 5 ضرب 100 تطلعلك 84%

النسبة الخاصة: نسبة شررط في الكلية للتفاضل مع الطلاب في دخول الكلية وهذه في بعض الكليات وليس في جميعها .........مثال كلية الطب شرطها ان يكون مجموعك في هذه المواد ( فيزياء-احياء-كيمياء-انجليزي) فوق ال 85 يعني افترضي انك جبتي في الفيزياء 85 وفي الكيمياء 88 وفي الاحياء 90 وفي الانجليزي 87 ...حانجمع ال85 + 88 +90 +87 ونقسمهم على عددهم الا هما 4 حايطلع الناتج 87.5 يعني انتي محققه شرط كلية الطب الخاص....وبعد ماحققتي الخاص ...حاتدخلي المفاضلة مع الطلاب الا محققين الشرط الخاص نفس الطريقة الا شرحتها ..وبعدها يرجعو الى نسبتك العامة من 5 الا هيا 84 % وتتنافسي بهذه النسبة على دخولك في كلية الطب ....

النسب الخاصة فقط في هذه الكليات ( الطب - طب الاسنان - الصيدلة - الهندسة - العلوم الطبية التطبيقية - تصاميم البيئة - الحاسبات - وغيرها ان وجد )

[رفّات حُلم]

باختصار شديد ؛
أول شي تقدري تحسبيها من الاودس .. علامة السنة التحضيرية .. حساب النسبة العامة
وتحطي درجاتك واذا مستوى ما اخذتيه متلًا من الانجلش تحطي معادلة المادة
وبعدها حساب !
حتطلعلك النسبة العامة
وتحت فيه النسبة الخاصة لبعض الكليات
يعني متلًا انتِ تبي طب.
حتشوفي النسبة الخاصة : "مجموع الدرجات لمواد معينة لبعض التخصصات "
وبعدين هما عندهم النسبة الخاصة متلًا 85
ازا جبتي 85 او اعلى في النسبة الخاصة فانتِ دخلتي في المفاضلة خلاص!!!
وخلاص انتهى دور النسبة الخاصة
وبعدها يشوفو أعلى الناس اللي جابو في النسبة العامة ويبو طب متلًا
الين ما تنتهي المقاعد =)
بس.

[منالH]

شككرا الله يسعدكم و يعطيكم العافيه

[منالH]

شكرا يعطيك العافيه
بس الانقلش 3 مستويات اجمع درجاتهم يعني و اقسمهم على 3؟

[حكاية ناي]

ﻻتتعبي نفسك بالحساب
سويها في الاودس زي ماقالوا الشباب وخﻻص

[رفّات حُلم]

المشاركة الأصلية كتبت بواسطة منالh شكرا يعطيك العافيه بس الانقلش 3 مستويات اجمع درجاتهم يعني و اقسمهم على 3؟

الانجلش لو مرّة تبي تحسبيها
درجة الليفل 2 * 2 + درجة الليفل التالت * 2 + درجة الليفل الرابع * 2 / 6