شاركنا : ماهي اصعب مادة في السنة التحضيرية

[sarah_s]

الصعب و السهل مسألة تختلف من شخص لشخص
يعني شايفة اغلبكم تعب بالرياضيات و الاحصاء
اما انا تعبت في الكيمياء

حاتكلم عن مادة مادة

الفيزياء كان مذاكرته سهلة لكن النهائي فاجأني بأسئلته

الرياضيات كان حلو حبيته بعد ماخلصته

الحاسب و ما ادراك ما الحاسب كانت مادة تقيلة على النفس و جابتلي الكآبة كنت اكره محاضراتها و مذاكرتها لكن الحمدلله عدت على خير

مهارت الاتصال كانت من جد مادة ممتعة و انا اعتبرها مادة البونص يعني اللي ماضمن فيها a+ صراحة ماله حق كان يقدر يجيبها

الاحياء ما نختلف انه طويل و الكلام بالانجليزي لكن اكتر مادة استمتعت فيها وانا اذاكر للنهائي من جد كنت مبسوطة و انا اذاكرها حبيتها من كل قلبي

الاحصاء كله يعتمد على الفهم الحمدلله كان بالنسبالي جدا سهل وحبيته هو التاني لكن أسئلة النهائي كلها كانت نظرية تعتمد على الحفظ لكن مازال بالنسبالي شي جميل

نجي للكيمياء ماتدروا كيف كرهته اجي احل التست بانك يطلع غلط اجي اذاكر السلايدات ماني فاهمة من جد كان شي يحوس و يجيب المرض

اما الانجليزي كمادة و كلغة انا احبها لكن لمن درستها صرت اكرهها بسبب دوامها الطويل وفوق دا درجات نازلة لدرجة انقهرت من كل احد قاللي الانجليزي يرفع المعدل

طولت عليكم كتير بس مشوا حالكم
اهم شي عدت السنة دي على خير و درجاتنا حلوة و ان شاء نتوفق في التخصصات اللي نبغاها

[TM~GiVeNcHy]

اصعب مادة الاحصاء الله يسامح الغامدي والرياضيات ممل وطويل
اما الفيزياء والكيمياء فهم القوانين وتطبيق وكم سؤال نظري
الاحياء كنا نحفظ التست بانك ونيجي نختبر , اما باقي المواد عبارة عن زيادة معدل بغض النظر عن الانقلش