معامل ارتباط سيبرمان!!!

[بسمة ملاك..!]

السلام عليكم

لو سمحتو ابا احد يفهمني معامل الارتباط سيبر مان


من جد مرا مو فاهمته اعرف اطلع ال xوy بس رتبها لا

ياليت احد يوضح لي

وششكراا

[Ahmed Saleh H]

معامل إرتباط سبيرمان يا أختي تجيبي فيه قيمة d , و مجموع قيمة d أول شي تسوي جدول فيه 6 أعمدة والصفوف على حسب المطلوب في المثال أول عمود قيم X والثاني قيم y والثالث رتب x والرابع رتب y والخامس d والسادس d تربيع : مثال لو جبلك جدول فيه هاذي القيم x: 55,54,56,61,62,63,67 وكمان هاذي البيانات y:21960,22027,23008,23020,23125,23120 إيش تسوي (تدي الرقم الأصغر فيهم رقم 1 والرقم الأكبر منه 2 ألخ ) يعني حيكون رقم 54 رقمه 1 و الرقم 55 رقمه 2 والرقم 56 رقمه 3 وهكذا مع بقية الأرقام وحطي الأرقام حقت 1.2.3.4.5 في عمود (رتب x) نفس الكلام فيلي تحت حيكون 21960 رقمه 1 و 22027 رقمه 2 و 23008 رقمه 3 و 23020 رقمه 4 و 23120 رقمه 5 وهكذا مع بقية الأرقام. طبعا الأرقام اللي هي 1,2,3,4 وطبعا حتكون في عمود (رتب y) بعد كذا تنقصي (رتب x - رتب y) يعني تنقصي x من y وتكرري العملية مع باقي الصفوف وتحطي النواتج في العمود (d) بعدين تربعي نواتج كل صف في عمود d وتحطي النواتج في عمود d تربيع - يعني مثال( -1تربيع = 1 ) بعدين آخر خطوة تسوي خانة تحت أساميهم ( سوي علامة سيجما d) وحطيها تحت العمود d , وعملي خانة إسمها (سيجما d تربيع ) وحطيها تحت العمود (d تربيع) بعدين _____ النواتج اللي سويناها في عمود d أجمميعهم ولازم الناتج يكون معاكي 0 والعمود الثاني d تربيع تربعي كل قيمة بعدين تجمعيهم ويطلعلك الناتج __ آخر تجيبي القانون وتعوضي بيه (ملحوظة) : الn هي المفردات .
أتمنى إني أكون وضحت ...

[AHakami]

ادخلي ع اليوتيوب واكتبي شرح الاحصاء للاستاد عبدالله الغامدي
شرح حلووو واسلوبه مرررا سهل

اتوقع راح يفيدك كتييير