الدراسات العليا والتعقيد ..الله موجود

[هدوٍء~]

الأخت بيو كيميائيه جيبي لي جامعه من جامعات امريكا مطلوب فيها شرط الخبره لتخصص ادارة الأعمال ؟؟؟؟

الخبره يطلبوها في تخصصات الهندسه وغيره ونادر كمان اما ادارة اعمال وخبره لا وشوف التعقيد لازم تكون الخبره بعد التخرج بثلاث سنوات طيب انا عندي خبره اثناء الدراسه ليه ماتنقبل ليه لازم بعد التخرج 3 سنوات ؟؟؟؟؟؟

ليه يعني هم يفكرو ان اللي في الكتب موجود على ارض الواقع اصلا عشان يقولو الخبره بعد التخرج عشان تطبقو اللي درستوه ؟؟؟

بالنسبه للمواد التكميليه اكيد فيه برا تكميلي لكن انا اتكلم عن العوائق بصفه عامه هيا لو جات بس على تكميلي كان يهون

الاخت اللي تقول جيمات وتوفل طيب احنا اختبرنا قدرات وستيب زي ماهما طلبو لو طلبو جيمات كان اختبرنا مافي مشاكل

زميلتي تخرجت معايا واقل من نسبتي وانقبلت في الابتعاث معدلها اقل من معدلي بكثير لغتها تقريبا معدومه قدرات ماختبرت وجابت قبول من احسن جامعه في امريكا في تخصص ادارة الاعمال الله يوفقها ماهو حسد بس توضيح

واللي يقولو برا زي هنا برا فيه 66 الف جامعه وتخصص الواحد عنده خيارات كثير عشان يكمل بالطول والعرض هنا الجامعات قليلة والتخصصات شبة معدومه

وكمان برا اللي تقولي يطلبو خبره مرات في تخصصات معينه ان كان معدلك منخفض زي جيد وعندك خبره بالعمل يقبلوك زي زوجي مهندس طائرات وقدم وتقديره سيئ وقالوله هات خطاب خبره ودورات ونتغاضى عن التقدير

ومرات لما يكون التقدير عالي والمعدل عالي يتغاضو عن الخبره

اما هنا كل شي اجباري مافي تغاضي خبره وقدرات وستيب ومجموع كل شي مطلوب ؟؟؟؟؟؟؟؟؟

لكن انا زي ماقلت الله موجود وحسبي الله ونعم الوكيل

[etame]

ناهيك عن الأدهى و الأمر ، و هو وضع الشروط بطريقة مفاجئة و كأن المراد منها سحق شهور الأحلام في انتظار التقديم


إن أردنا الاقتداء بما يحدث خارجًا ، فليكن في كل الأمور الجيدة لديهم

وليس فقط في وضع العراقيل


و كما قال الأستاذ calloahmad :

الشغلة شوفونا وش نسوي بس من الداخل انهيارات عقليه وبلاوي

[نبض]

شرط الخبرة 3 سنوات موجود في البرامج التنفيذية فقط و هذا شي طبيعي لانها مهنية بالمقام الاول اما البرامج العامه ( الاكاديمية ) ما فيها شرط خبرة 3 سنوات و اتوقع الجامعات اللي برا تعطي البرنامج الاكاديمي
لكن الغريب احتساب الخبرة بعد التخرج
فيه مدراء لهم 15 سنة و على دبلوم او ثانوية

[Miss.lulu]

الجامعات الامريكية في بعض التخصصات الادارية صح تشترط خبرة لكن لو ماعندك ممكن تجيبي درجة معينة في الجيمات او يكون المعدل عالي ويسقط شرط الخبرة. فالمفروض هنا نفس الشيء يشترطوا خبرة لكن ممكن تسقط لو الشخص اختبر جيمات او معدله عالي مثلا.