استفسار عن تعديل الحالة الدراسية "معتذر " ؟ (عنوان مخالف تم تعديله)

[نايف ...]

اعضاء منتديات طلاب وطالبات جامعة الملك عبدالعزيز

السلام عليكم ورحمة الله وبركاته

ملاحظه: اتمنى من المشرفين عدم مسح الموووضوع

من العنوان قد يفهم الجميع ما قد يدور بين سطور موووضوعي

اخواني / اخواتي
هل يعقل ان جامعة لها مكانتها بين جامعات المملكة العربية السعودية بهذا الشكل من الفوضويه

الى متى وهي كذلك..

قد يستغرب البعض طريقة طرحي او يتسأل لماذا انا متحامل على الجامعة الى هذا الحد..؟
طبعا راح اطرح لكم الاسباب وبالتأكيد الاغلبيه يؤيد كلامي اذ لم يكن الكل ..

اليكم قصتي وبختصااااار:

في البدايه انا طبعا بالترم الماضي كنت مسدد الرسوم لكن حصلت لي ضرووف وقمت بحذف الترم
طبعا لايخفى على الجميع نظام ترحيل الرسوم عند حذف الترم او الاعتذار عنه
عموما في مثل وضعي هذا كان من المفترض ترحيل الرسوم الى الترم هذا .. وهذا ما حدث انهم ماقصرو قاموا بترحيل المبلغ بالبدايه وشاهدت جدولي وكانت كل الامور على مايرام الى يوم الثلاثاء ما قبل الماضي بتاريخ 11/4/1430 لما دخلت موقع الجامعة ودخلت على الادويس الا وا اشاهد ان كل شي تغير من طالب مسدد الرسوم الى طالب غير مسدد قد يقول البعض هذا خطأ ويحدث وعادي وانا اقول صحيح قد يكون خطأ
لكن ما هو اعظم من ذالك انني ومن ذالك اليوم والي يومي هذا الخميس 20/4/1430 لم اجد رقم تليفون من ارقام الجامعه الا ودقيت عليه ولا احد يرد عليك .. الوحيد الذي يرد هو السنترال واذا رد وقمت تتناقش معاه وتبي رقم مكتب يرد عليك قال ما ادري وان طال الحوار قفل بوجهك<<لاحظ واين المسؤولين..
تلفونات ولا حصلت .. قلت ابي اروح ادور فاكس يمكن اجد حل وهذا ما حصل ارسل فاكسات الى كذا رقم ولا اي اعتبار ولا اي تغير
قلت ابي اشوف لي حل اخر اخذت الايميلات وارسلت لهم ولا احد وربي رد في اي شي وللعلم كذا اي ايميل ارسلت ..

>>> ارجو القراء هنا وبتمعن

في احد الفصول الدراسه كنت انا بجده وكانت عندي مراجعه في عمادة خدمة المجتمع

لاحظو ماذا حدث

رحت لهم ولما دخلت وجدت استقبال وسألت قلت وضعي كذا وكذا قال لي بالصاله اللي هنا وهو يشير بيده (طبعا انا كانت عندي نفس المشكله اللي انا واقع فيها الان)ورحت وشاهدت صاله كبيره ومُجزاءه الى مكاتب وبينها حواجز ذكروني في الافلام الامريكيه البوليسه عموما رحت وسألت اول مكتب وين حقين الماليه طبعا هوجالس على الكمبيوتروفاتح موقع بنك الراجحي جالس يشيك على الاسهم ورد علي قال ما ادري بس رح شوف هذاك واسأله رحت عند الثاني وربي لقيت الفوضويه من جد لقيته فاتح منتديات ورب البيت فاتح منتديات يعني هذا دليل ان ما عندهم شغل الا الدجه عموما قال لي روح شوف هذاك اخر مكتب هو المسؤول عن الشغلات ذي رحت طبعا لما جيت حصلت شخصين وكانوا يطالعون بشاشه الكمبيوتر يعني ما كانو يشوفون اللي يجيهم الزبده اني جيتهم وش تتوقون فاتحين عليه الاخوان والله لو تدرون راح تقولون الجامعه جالسه تتطور لا بالعكس راح تقولون اننا راح نوازي الجامعات العالميه وربي فوووضه ونبطي نوصل المواصيل هاذي دام حنا كذا عموما ورب البيت لقيتهم فاتحين على ترافيان
وربي ترافيان لا واحد يقول للثاني بالله علمني كيف اهجم <<الى متى ياجامعة الفوضى...؟
الزبده لما انتبهو لي ارتبكو شوي وانحرجو مني قلت لهم عادي كملو واذا خلصتو راح اعلمكم وش ابي قال واحد منهم لا عادي قول وش تبي قلت لهم موووضوعي قال خلاص يوم يومين بالكثير راح يزين كل شي ورب البيت مر اسبوع ولا صار شي الين جيته مره ثانيه وقلت له زينها الحين قدامي وزينها والله ما اخذت الشغله ثواني يعني لو ترك ترافيان وصلح معاملات العالم والا رد على التلفونات اللي تجيه كان ازين له

مشكلتي الكبيره الان :

هي اني الان كيف اقدر اوصل للجامعه اذا هم تليفونات ما يردون وفاكس ولا هم معبرينه وايميل لا حياة لمن تنادي
هل يعقل اني اروح من الرياض لجده على شان خطأ وهم المتسببين فيه او قصور منهم
فرضاً اني قلت ابي اروح لاحظوا معي
اول شي عناء السفر هذا اول شي
تذاكر من الرياض الى جده ذهاب وعوده 560
سياره ايجار لمده يوم واحد اقل شي 75
اجار شقه ليوم واحد اقل شي 200
مصاريف الغداء والعشاء والفطور اقول اقل شي 100
يعني لو نجمع المصاريف كامله تصبح 935
935 ريال سعودي
يعني هل يعقل ياجامعة الفوضى... اني اصرف المبلغ هذا كله على شان خمس دقايق وكان من المفترض انه يكون حلها عن طريق التليفون
وحل الكثير من مشاكل طلاب الانتساب

الى متى ونحن ندفع فلوس دون اعتبار

يااخوان نحن نبحث عن العلم بمستوى راقي لا ....<<لا استطيع ان اقولها

عموما اتمنى من الجميع مشاركتي واذا احد يقدر يخدمني ويكفيني عناء السفر وتكاليفه الله يجزاه خيره

تحيتي,,,

[الــــغــــلا]

الله يكون بعونك اخوووي

[][_ غــــــيــــــر _ ][]

السلام عليكم ورحمة الله وبركاته ..

اخوي الفصل ماقبل الماضي نفس موضوعك

احد الزملاء اعتذر ويبغى يعدل حالته الى طالب مستمر

طبعاً راسلتهم عشانه وللأسف لم أجد رد لكن بالاتصال على الـ رقم 026952000

وطلب عمادة خدمة المجتمع والتعليم المستمر تم تعديل الحالة الى طالب مسدد ولله الحمد ..

اضافة اخيرة : تأكد أخي الكريم أن المنتدى يرحب بالنقد البناء والهادف باسلوب أكاديمي يحدد المشكلة ويصف العلاج ، ولا نحذف الا المواضيع التى لا تحتوي على أي فائدة علميةوالمواضيع التى تنشر السلبية والاحباط بين صفوف الطلاب والطالبات ..

.. دمـــــــــــ ـ ت بــــــــــــــــ ـود ..

[البرنس 2010]

الله يكون بعونك
الترم اللي راح راجعت عمادة خدمة المجتمع وحصلت موظفين فاتحين اسكايب هذي جامعة ومؤسسة تربوية ومكان عمل مو مكان دردشة وألعاب . ويبون جامعاتنا تصير من أرقى جامعات العالم .
على العموم ارسل لهم معاملة الكترونية يمكن يردو عليك .

[alin1427]

الله يعينك
والله شي يقهر