لكي تكون جامعة عادلة !!!!((خطة جوهرية))

[M!ss Mojy]

احم احم لاداعي لا داعي

<<<<< كبر راسها

[Dr.SoOoMa]

المشاركة الأصلية كتبت بواسطة bo0ozy أنا بصراااحة من أول وأنا بقووول كدا ،، لانو فعلا ً ،،، احنا مختلفين في الخطة ،، صح نفس المواد ،،، لكن هل نفس طريقة التدريٍس ؟؟ وهل نفس المستوى ؟؟؟ يعني من باب العدل انو يخلو الفرص متساوية أمام الخطتين ،، أ و ب ،،، والله يوفق الجميع عفوا ً اختي موجي ،، خلينا نفصفص كلامك حبتين ونشوف بعدين ايش رأيك ،، طيب ولو افترضنا انو في واحدة في خطة ب ،، جايبة معدلها مررررة فوق واعلى وحدة في خطة ب ،،، بس للأسف النظام والوضع اللي حصل وسوء التنظيم خلاها تجيب مقارنة بطالبات الخطة أ معدل طايح ،،، فبالتالي هل يعقل انو يكون كل طالبات الطب مثلا من الخطة أ ؟؟؟ نفس الشي احنا السنة التحضيرية لو يبغو للطب فقط 200 وكنا مجموعة واحدة ،، فاكيد انهم حياخدو اعلى ميتين معدل ،، لكن للأسف احنا سنة تحضيرية نعم ولكننا قسمين ،، فبالتالي العدل انو ياخدو مية من كل خطة ،، وبالتالي يكون التنافس قوي وشديد ،، ويستحق المنافسة ،،، عشان لا احد يجي يحتج ويقول لو كنت في خطة أ كنت دخلت طب ،، او العكس ،، اتمنى يكون كلامي واضح تتوقعي انك لمن تدخلي اختبار احياء مذاكرة من نفس محاضرات الدكتورة ،، وفجأة تلاقي درجتك تحت العشرين ،، حيكون هادا نفس كلامك ؟؟؟ انا ما بقول هادا الكلام حسدا ً فيكم لا والله الهي ان شاء الله كلكم تجيبوو فل مارك والله يعلم انكم زي اخواني كلكم ،، بس انا اقصد انو في ظلم ،، لمن اتنين يدرسو نفس المادة ،، بس واحد عندو الاسئلة والتاني ضايع في بحر الاحياء ،،،، نفس المواد نعم ،، ولكن مو نفس الطريقة ،،، يعني مثلا انتو في الكيميا دخلتو الاختبار الاول بخمسة فصول ،، على الرغم من انو احنا دخلناه بتلاتة فصول ،، فايش رايك في عدل ؟؟ وكلنا بندرس نفس الشي ؟؟ يعني قصدك لمن انا ادرس احياء واجيب 70 وانتي تدرسيه وتجيبي 100 ،، ووالفيزيا انا اجيب 100 وانتي تجيبي 70 ,,, دا يمسى عدل ؟؟؟ انا حسيبك انتي تجاوبي على نفسك ، يمكن ما كانت واضحة الامور بالنسبالك ،، بس انا رأيي ،، عشان لا احد يتحجج بالخطط ،،، العدل انو ياخدو من كل خطة نفس العدد احنا بندرس زي بعض في نفس المواد ،، الاسماء فقط ،، ولكن الطريقة تختلف ،، يعني لمن تدخلي اختبار احياء وعندك الاسئلة غير لمن تدخليه وماعندك ولا شي وبتذاكريه لحالك ،،، ونفس الشي لمن انا ادخل الكيميا بتلاتة فصول وانتي تدخليه بخمسة ؟؟ انا ما بتكلم عن انو انتو احسن مننا او احنا احسن منكم ،، انا بتكلم انو مافي عدل كدا ،، لانو الطريقة مختلفة ،،، وبيني وبينك ،، انتي ايش شايفة اصعب ،، الترم هادا ولا الترم الماضي ؟؟؟ ترا احنا درسنا المواد الصعبة في اول ترم في الجامعة ،، دا برضو يفرق ،، صح في النهاية نفس المواد ،، بس في فرق لمن تكون في عندك تجارب قبلك ،، ولمن تكون انتا اول تجربة ،، حتقوليلي انكم درستو الفيزيا والرياضيات اول مرة كمان ،، حقولك تتوقعي المعلومات اللي في الرياضيات والفيزيا زي اللي في الاحياء اللي كلو معلومات بالانجليش وحفظ ،، او زي الاحصاء اللي اول مرة ندرسو في حياتنا ؟؟ على الاقل الرياضيات والفيزيا كلها معلومات عامة ، درسناها من قبل بس مجرد بالانجليش ،،، وبالنسبة للي جايبين معدلات كاملة ،،، احنا ناخد بالغالبية يا اناون ،، لانو في كل مكان عباقرة ،،، وبقولك شي ،، ترا احنا رفعووونا في الاحصاء ،، وانا اقدر اضمنلك انو مافي ولا احد جاب 5 بالورق ،،، لكن الرفعة خلتهم يجيبو خمسة << والمسؤولية على دكتور الاحصاء لانو هوا اللي قلي بنفسو ترا مافي احد جاب فل مارك ،،، بس هما رفعو ،، لانو لازم يكونو في ناس فل مارك مو معقول يعني ،،، لكن برضو انتي شوفي العامية ،، الرسوووب في خطة ب أكتر بكتير من الخطة أ ،،، لكن الله يستر بنهاية الترم هادا لا نصير متساويين !! اعيد واكرر ،، انا ما اقول انو احنا بنحسدكم او احنا حاقدين عليكم او انتو انانيين وما تحبو الا نفسكم ،، انا بس بقووول انو ماكان في عدل وصح نفس المواد بس في اختلااااف كبير في الطريقة حقت التدريس ،،، سواء خطة أ او خطة ب عشان كدا انا اشوف الحل المقترح ،، فعلا ً فكرة جوهرية ،، وبصراحة عين العدل ،،، والله يوفق الجميع ،،، واعتذر من الجميع لو اسأت لأحد وانا ما ادري ،،، وارجو انو يكون بيننا نقاش ،، وليس قتال وبالتوفيق جميعا ً ،،،

بوزي حبيبي

من جد مااقدر ازود فوق كلامك لانه مزبوووووووووط 100 %

بالتوفيق

[Dr.SoOoMa]

بس على فكره ياعالم هذه مجرد فكره لاكثر ولا اقل

وان شاء الله يتخذوا اللازم بما فيه صلاح للخطتين ب و ا

والله سميع قريب مجيب الدعوات

[نونـــــا]

السلام عليكم
والله من جد ظلمونا احنا خطه ب
ياليت احد يحط دا الاقتراح في عين الاعتبار

[@naruto@]

يبويا والله انت ملك ....

جبتها في الصميم .....

لازم يشوفوا هرجتك دي ....

[NONO_88]

المشاركة الأصلية كتبت بواسطة Bo0oZy أهلين نونو ،،، والله يشرفني انك تحطيني في هادا المكان ،، بس والله يا نونو احنا حاولنا قبل كدا كتير ،، حكاية التواقيع هدي ما تجيب نتيجة ،، ممكن لو كزا واحد كدا راحو للعميد بصفة شخصية واتكلمو معاه ممكن تجيب نتيجة ،، احنا رحنا الترم الاول واتكلمنا معاه بخصوص جدول الاختبارات ،، واهو غيروه واعتقد انو الجدول الجديد احسن من القديم اللي فيه الانجليزي تلاتة ايام تذاكرها والباقي يوم واحد فقط !!! انا هدي فكرتي ،، ايش رأيكم ؟؟ والله فكره حلوه ارسلو رسائل للمدير ولوكيل القبول والتسجيل واذا في ناس يقدروا يقابلوهم خلهم يروحوا أهم حاه الفكره توصل لمسؤولين نونو ،، مرة مووو أسلووووب !! كلنا اخوان وكلنا مع بعض زي ما قلت سابقا ً ،، المركب هوا هوا ،، انا اعتذر بالنيابة عن نونو ،، بليز بلاشي كلام جارح زي كدا انسى الاسلووب كله لما اشوف كلام ينرفز لما الواحد عارف انو انحن مظلومين ليه يستهبلوا ويقولوا مافي فرق كلامي عادي ومهو جارح لاني قلت الحق

وشكرا

[NONO_88]

المشاركة الأصلية كتبت بواسطة saqr89 انا عارف اني داخل عليكم دخلة غلط ومآآآآآآلي في الهرجة هذه كلها بس ابغا استفسر منكم استفسار صغنوون .. آآآد كدا المواد اللي يدرسوها خطة أ .. هل هي نفس المواد اللي بيدرسوها في خطة ب ..؟ ولابتختلف في مادة او في منهج ..؟ وكمان السؤال موجه لخطط البنات وسامحونا ع اللقافة هع

هيا نفس المناهج بس اختلفت طريقة التدريس وميزوا خطه أ باشياء كثيره اعطوهم بونس في الفيزيكس ونحن لأ
عندهم التيست بنك من البدايه ونحن مااخذناه الا قبل الاختبارات بشويه
يسهلو لهم الاسئله ونحن كنا نختبر باسئله مررا صعبه وزي كذا في فرق واضح بين الخطتين

مدري شكلنا خطه ب قتلنا لهم قتيل

[-.-Hawazen-.-]

لو نناقشش من هنا لبكره ماراح يصير شي لانوو كل شي مخططين له وخلاص الامر مقضي مالنا غير شدة الحيل
سواء كنا من خطه ( أ) أو من خطة (ب) بسس عارفين وش اللي سوى فروق كذا بين الخطتين اللي هو تسسهيل ع خطه (أ) اللي هم الحين يدرسوا مواد ب عشان أحنا خطة (ب) كنا بنعاني كثير ولكن هم لمآإ كانوا يدرسسوا (أ) ماكانوا بيعانوا من شي فآهملونآإ احنا بل وزادوها علينا صعوبه لانه قلبوا منهج الحاسسب بالانجلشش والاختبار عربي والشرح عربي بس المذاكره انجلشش بالله كيف تجي هذي ..؟ وياليت خذفولنا من مناهج الفيزياء :(
ولكن خظة (أ) اخذوا كل شي ع الجاهز واستفادوا من معاناتنا .. والله يوفق الجميع ..

[بيو كيميائية ^_^]

حتى أحنا في الحاسب مكنا عارفين
أنا عن نفسي ذاكرته بالعربي والإنجليزي
بعدين عرفنا الطريقة
وكل خطة راح تقول أنها تعبت أكثر من الثانية
وثانياً
أنتوا كم فقرة كنتوا في الإحصاء والأحياء والكيمياء
شوفوا كم بعدين تكلموا
وماله داعي هذا النقاش الهدام
كل واحد بياخذ على قدر تعبه الله مايضيع تعب أحد
وهذا مو غطنا احنا هذا غلط الجامعة أنهم ماعرفوا ينظموا

[SAQR89]

المشاركة الأصلية كتبت بواسطة NONO_88 هيا نفس المناهج بس اختلفت طريقة التدريس وميزوا خطه أ باشياء كثيره اعطوهم بونس في الفيزيكس ونحن لأ عندهم التيست بنك من البدايه ونحن مااخذناه الا قبل الاختبارات بشويه يسهلو لهم الاسئله ونحن كنا نختبر باسئله مررا صعبه وزي كذا في فرق واضح بين الخطتين مدري شكلنا خطه ب قتلنا لهم قتيل

يؤ يؤ يؤ يؤ

حسستيني انو المسؤولين طباخين

طيب ليش كدا ..؟

ايش الهبل دا .. المفروض اختباراتكم وحده .. البونس يكون واحد .. زي مايعملوا لـ أ يعملوا لـ ب

والله ان دل على شي .. دل على فشل المسؤولين

وعلى كدا المفروض يكون تسكين الكليات 50% من أ و50% من ب

او يخلوها على حسب المعدل من الخطتين بشرط يعدلوا بينكم .. يعطوكم بونس ويخلوا الاختبارات وحده .. ومستحيل كدا لأنو الاختبارات فاتت ورآآآآحت

يعني مالكم إلا الـ 50 % من كل خطة

يلا اعملوا مظاهرات في الجامعة

انا معاكم