لكي تكون جامعة عادلة !!!!((خطة جوهرية))

[Bo0oZy]

المشاركة الأصلية كتبت بواسطة monfana والله من يومين كنت ابي أنزل هالموضوع بعد.. تبون الصدق؟؟ خطه أ تعودوا عالترم الأول دلع وبونس وأسئلة سهله وكل فل مارك ثمن يوم جو للترم هذا شافو جزء من اللي شفناه قاموا سوو ذي الزحمه..! بخصوص الفكره أنا أول المؤيدين لهالفكره صراحة أو اذا مب عاجبهم خلاص يسوون عدل بانهم يزودون خطه ب كلللهم 3 درجات كمستري عالترم الاول والاختبار الفزكس الجاي يكون من عند البنات وفيه بونس وخطة أ يختبرون اختبارهم الجاي من برا البنك زينا الترم الاول وشو وش فيكم؟! موب تبون العدل؟ انا هذا العدل برأيي والاسهل هي فكرة الففتي ففتي لكل خطة.. بوزي مشكور كفيت ووفيت..

اهلين مونفانا ولكم والله ،،،

بس والله يا مونفاانا لازم نكون أحنا حقانين ،، هما صح الترم الاول اعطوهم بوونس ،، والاحياء عندهم البنك من أول ،، بس في المقابل احنا ترا عارفين كيف حيجي الاختبار ،، وعارفين ايش الصعووبات اللي واجهتهم ،، ولا تنسي انو كلنا مظلومين ،، يعني خاصتن في الكيميا ،، انا اتوقع لو الاختبار الاول كان خمسة شباتر ،، كان مررررة رحنا فيها ،،،
وبعدين التلاتة الدرجات هدي عشان خطأ من الكلية نفسها ،، مو عشان سواد عيونهم ،،،

والله انا مني عارف ليش انتو كدا حاقدين على بعض ،، ترا والله كلنا في مركب واحد ،، بس اللهم في ناس في الدور الارضي وفي ناس في الدور الاول ،، ناس حتغرق أول وناس حتغرق بعدين ،، لكن في النهاية كلنا حنغرق ،،، لكن لو اتعاونا مع بعض ،، حنقدر نسد الثقووب حقت المركب ،، ونقدر نوصل لبر الامااااان ان شاء الله ،،،

بليييييز بلاشي عنصرية في الخطط ،،، خلاص في كل شي عنصرية ،، حتى في الخطط الدراسية ؟؟؟

المشاركة الأصلية كتبت بواسطة nono_88 يلا نبي نسوي تجمع للبنات وللاولاد خطه ب طبعا ونسوي مسؤوله من عند البنات تكلم بنات المنتدى وكل وحده تكلم بنات كلاسها وطبعا تنكتب اسماء الكلاسات ونجمع اكبر عدد من التواقيع مؤيدا بكلام الأخ بوزي عشان طريقته في التعبير جدااا مقنعه ومسؤول عن جمع التواقيع للاولاد طبعا ويصير الموضوع منظم احسن من الاعتراضات اللي ماتودي وتجيب اتمنى التفاعل عشانه موضوع يرتبط بمستقبلنا مو ذنبنا اننا خطه ب احنا جينا بمعدلات موزونه عاليه جداا الأخ بوزي ياريت ترتب الموضوع ذا أنا احس مافي رأسي أفكار

أهلين نونو ،،، والله يشرفني انك تحطيني في هادا المكان ،، بس والله يا نونو احنا حاولنا قبل كدا كتير ،، حكاية التواقيع هدي ما تجيب نتيجة ،، ممكن لو كزا واحد كدا راحو للعميد بصفة شخصية واتكلمو معاه ممكن تجيب نتيجة ،، احنا رحنا الترم الاول واتكلمنا معاه بخصوص جدول الاختبارات ،، واهو غيروه واعتقد انو الجدول الجديد احسن من القديم اللي فيه الانجليزي تلاتة ايام تذاكرها والباقي يوم واحد فقط !!!
انا هدي فكرتي ،، ايش رأيكم ؟؟

المشاركة الأصلية كتبت بواسطة nono_88 اقول درجتين تسوي ياشيخه قال بس درجتين وثاني حاجه الموضوع لخطه ب بطلوا لقافه براااااااااااااااااااااااااااا حاقدين وانانين وبس يبغوا الخير لنفسهم

نونو ،، مرة مووو أسلووووب !!
كلنا اخوان وكلنا مع بعض زي ما قلت سابقا ً ،، المركب هوا هوا ،،
انا اعتذر بالنيابة عن نونو ،، بليز بلاشي كلام جارح زي كدا

المشاركة الأصلية كتبت بواسطة *~m!ss mfa76a ...!!!!!!!!!!!!! استهدوا بالله و تعوذوا من الشيطآن .. -__________-''' .. نونو النتيجه حقة الشكوى معروفه سلفاً >>> جربوها كثيير .. ومآ فآدت بشيء <<< مع الأسف

مفحطا ،، والله كل يوم لمن اشوفلك رد تكبري في عيني اكتر واكتر ،، احسك انسانة عاقلة وواعية للوضع اللي احنا فيه ،،،

الله يوفقك يااارب

المشاركة الأصلية كتبت بواسطة كندربوينو طيب مثلا واحد في خطة أ جاب 4 وواحد في خطة ب جاب 3.75 ياخذو الي من خطة ب ويخلو الي من خطة أ ؟؟ لو انت مكانو راح ترضي ؟؟

كندر عزيزي ،،، انا معاك انو راح يحس انو انظلم ،،،
بس انتا فكر فيها من هدي الناحية ،،،
السنة التحضيرية مقسومة لقسمين ،، القسمين ما بتطبق عليهم نفس القرارات ،،
واكبر دليل اختبار الكيميا اللي اختبرتوه في خمسة شباتر واحنا في تلاتة ،،،
واختبار الاحياء اللي اختبرتوه من التست بانك واحنا من السلايدات ،،،

فلمن ما يكون الخطتين يدرسو نفس محتوى المواد ،، أي عدل حيكون موجود لمن انتا تحكم بينهم بنفس الطريقة ؟؟

يعني انا لمن اعطيك منهج وتذاكرو وتجي تختبر فيه ،، نفس الشي لمن اجي اعطيك اختبار من خارج المنهج اللي اعطيتك هوا ؟؟؟

انا كل اللي بطالب بيه هنا ،، انو بما انهم من البداية فصلو في التعامل معانا ،،،
وخلونا صحيح خطتين ،، بس كل خطة بتتدرس بطريقة غير عن الخطة الأخرى ،،

انا بصراحة اطالب انو يكون في فصل في التسكين كمان ،،
يعني كل خطة تتعامل بطريقة غير عن الخطة التانية ،،،

والله الخطة أ عندهم معدلات عالية ،،،
والخطة ب عندهم معدلات نازلة ،،،
انا اخد في الطب اعلى معدلات في الخطة أ ،،، واعلى معدلات في الخطة ب ،،، وبكدا اكون ارضيت جميع الاطراف ،،،

لاني من البداية اخطأت وما عاملتهم بشكل سواء ،، فلازم الحساب في النهاية يكون مو بشكل سواء

ان شاء الله تكون وصلت معلومتي لك ،،، وهادا رأيي ومو بالاكيد انو صح ،، مجرد اجتهاد شخصي ورؤية شخصية عن الموضوع ،،،

المشاركة الأصلية كتبت بواسطة lujee أناا معااك مرررة صح كلامك مررة مو عدل الحركة دي كماان لا تنسوو أنو أكيد في اختلاف في عدد الطلاب في كل خطة عشاان في طلاب كثييييير سحبوو و يمكن نحصل خطة سحبو منها طلاب أكثر من التاانية

انا ماني فاهم نقطتك ؟؟

ايش فيها لو طلاب سحبو من خطة وما سحبو من تانية ؟؟؟
فأيش حتفرق ؟؟

هما حياخدو اعلى 70 معدل ( لو قلنا انهم فصلو الخطط ) ،،، ايش حيأثر فيه لو سحبو من الخطة عدد من الطلاب ؟؟ حيأثر على اعلى 70 معدل ؟


اتمنى انك توضحي نقطتك عشان ممكن تكون حد فاصل في نقاااشنا ،،؟؟



وانا بصراحة احب النقاش البناء ،، اللي كل طرف فيه مستعد يقتنع برأي الطرف الاخر ،، لكن بليز بدون تجريحات وكلام مؤذي للمشاعر ،،، وكمان اذا اقتنعت برأي الطرف الآخر مو عيب انك تقول اقتنعت ،،،

وفي النهاية القرار للعمادة لاهوا لخطة أ ولا هوا لخطة ب ،،،

ونونو ممكن تراسليني على الخاص عشان نرتب موضوع الاسئلة ونتكلم فيه ،، عشان لا تصير حساسيات ،،،


أخوووكم
بوزي