درستوا خطة ب الترم الأول ؟ تعالوا ساعدوني :)

[Somaiah Yousef]

آقصد يعني ,, كل استاذة حاسب واتصال تلاقيها تدرس كذا شعبة

شعبة يوم الاثنين والربوع
وشعبة يوم الاحد والثلوث والخميس

عاد انتو لما ينزل جدولكم ,, كلمو الاستاذة تنقلكم للوقت اللي يناسبكم

مافي لخبطة عادي ,, فيه بنات كانو يحضرو معانا في الاتصال من شعبة ثانية لكنهم نفس استاذتنا :)

ان شاء الله تكوني فهمتي عليا

[Jasmin_]

المشاركة الأصلية كتبت بواسطة x3bade ممكن تنصحوني مين افضل دكاترة لمواد خطة b ؟؟

د حنان الشاذلية للأحياء
كيمياء د ليلى الحربي و د ابتسام والاحصاء كل الاستاذات كويسات

[Yasmina95]

المشاركة الأصلية كتبت بواسطة فيونكـه آقصد يعني ,, كل استاذة حاسب واتصال تلاقيها تدرس كذا شعبة شعبة يوم الاثنين والربوع وشعبة يوم الاحد والثلوث والخميس عاد انتو لما ينزل جدولكم ,, كلمو الاستاذة تنقلكم للوقت اللي يناسبكم مافي لخبطة عادي ,, فيه بنات كانو يحضرو معانا في الاتصال من شعبة ثانية لكنهم نفس استاذتنا :) ان شاء الله تكوني فهمتي عليا

ايوه فهمت عليكي
بس تقصدي ما اقدر احول الى أستاذة تانية صح؟
لازم نفس استاذتي الأصلية ؟؟؟؟

خسارة :(

[M!ss so0so0]

راح اكتب تجربتي في خطة (ب) :
المواد اللي فيها تحتاج جهد في المذاكره
الاحياء : بالنسبة لي حسيته جدااا سهل بس يحتاج ترجمة للكلمات الصعبة لكن الاختبار بشكل عام سهل نففس اللي بالشرايح بس يشيلو كلمة وهي المطلوبة مافي لف ودوران فيه
وفيه درجات اضافية في كل اختبار
بس لازم يتذاكر قبل الاختبار بوقت واي تقصير فيه على طول ياثر على درجتك
وانا كنت عند الدكتورة عائشة العيافي (نبات) واميمه نصير (حيوان) جدااااا ممتازات الله يسعدهم ويشرحوا تمااام بالذات الدكتورة عائشة تلفت انتباهنا على بعض الفقرات المهمة رغم ان الاحياء كان اصعب مادة عندي بالثانوي لكنه الان اسهل مادة الحمدلله (انا في الشرفيه)

الاحصاء: كنت عند الاستاذة دعاء ناظرة .. شرحها جداا رائع وتحاول تسهلها علينا ومررة اخلاق وتحل معانا الوورك شيت والتمارين اللي بالكتاب وموجودة في الساعات المكتبيه
برضو انصح فيها
بس بشكل عام حسيت ان الاحصاء وقت المذاكرة سهل بس وقت الاختبار صععب ماكنت اعرف احل بس الحمدلله نجحت ومشيت فيه
نصيحتي اعتمدوا عالكتاب اكتر من السلايدات + وذاكروا من الاسئلة القديمه موجودة بقرطاسية الفين +التمارين اللي في الكتاب
في الدوري الاول ذاكرت من ملخص جمال السعدي حسيت اني مررة مشتتة الاسئلة اللي في الملخص بسيطة وفي الاختبار جات معقدة وطريقة سرد المعلومات مشتتة ماعجبني ابدا وفي النهاية اسئلة الدوري الاول القديمة كانت موجودة في اخر الملخص بس بدون حلول باختصار ماانصحكم فيه
وباقي الاختبارات ذاكرت من ملخصات تانية والحمدلله مشي الحال
ايوه والوورك شيت تلاقوها محلوله صفحة الاستاذة جمانه درويش
لاتتهاونوا بالاحصاء

الكيمياء : دكتورتنا ماكانت تشرح تمام بس هو يشبه ايام الثانوي بس متوسع اكتر يتكلم عن المولات والذرة والكيمياء العضويه والجدول الدوري بس سهل
نصيحتي : اعتمدوا عالسلايدات + فيديوهات يوسف زويل << جات فقرات كتير من اللي شرحها يوسف زويل
والدكتورة عائشة المباركي شرحها تمااام ماشاء الله حضرت لها مرة وحدة

بس الصراحه الخطة ممتعه والمواد قليله وجدولي الحمدلله حلو كنت اخلص 12 الظهر 3 ايام بالاسبوع ويومين اجلس للعصر
ماحسيت بتعب ولا شي الحمدلله وان شاء الله المواد الثانية تكون اسهل
وبالتووفيق

[Somaiah Yousef]

المشاركة الأصلية كتبت بواسطة yasmina95 ايوه فهمت عليكي بس تقصدي ما اقدر احول الى أستاذة تانية صح؟ لازم نفس استاذتي الأصلية ؟؟؟؟ خسارة :(

مآعندي علم عن التحويل من استاذة لاستاذة

[Bshbosh]

المشاركة الأصلية كتبت بواسطة فيونكـه الحوار استاذتي اعطتنا درجته بدون م نسوي شي والاستماع عادي كنا نكتب في ورقة اي معلومة تحسيها مهمة درجات يابلاش واحس اغلب الاستاذات يراعو في الدرجات ومايدققوا صح الحاسب دكتوراته الله المستعان بس ان شاءالله تكوني مع حليمة سمرا

لا ترى مو شرط على حسب الاستاذات انا الحوار شالتو بس حطيت درجاتو في العرض 5 وفي الالقاء وكلو 5 يعني حطت بدل الحوار على القاء للعرض
الاستماع كانت تسمعنا المقطع مرتين وبعدين تعطينا ورقتين ورقه انو اختياري على حسب ماسمعتي تجاوبي وبعدو صح وخطأ
يب الحاسب اختارو احسن الدكاتره لانو الدرجات ماكانت حلوه فنصيحه اختارو شيء كويس لانو جد انا دكتورتي مره ما كانت تساعد وفي بنات رسبو عندها وكانت تسحب الاوراق بالعملي وما كانا نكمل يعني مره مره اختارو وحده طيبه وكويسه

[Bshbosh]

المشاركة الأصلية كتبت بواسطة yasmina95 شكرا ليكم يا بنات بس دحين الحاسب 5 بونس زيادة والفيزياء و الرياضيات 10 بونس ، طيب والاتصال؟ والحاسب والاتصال حيكون الاختبار النظري الكتروني صح ؟ ونقش الشيء الاتصال يكون اختبار الدوري والنهائي الكتروني ؟

الحاسب 5 بونس تجيك اسئله 3 اسئله سهله ب5 درجات
الفيزياء مافيه بونس ولا انضاف يوم نزلت الدرجات للاسف
الرياضيات 5 مو 10 بونس
وزي ماقالت فيونكه كلو الكتروني مافي شيء ورق

[Somaiah Yousef]

حبيبتي مين قالك البونس حق الرياضيات والفيزياء ما انضاف !!

البونس كان في الاختبارات
الدوري الاول 33 سؤال ,, فيه 3 بونس !
والثاني نفس الشيء
والنهائي 44 سؤال ,, 4 منه بونس

10 درجات بونس اسئلة لو ماحليتيها تروح عليكي

[Bshbosh]

المشاركة الأصلية كتبت بواسطة فيونكـه حبيبتي مين قالك البونس حق الرياضيات والفيزياء ما انضاف !! البونس كان في الاختبارات الدوري الاول 33 سؤال ,, فيه 3 بونس ! والثاني نفس الشيء والنهائي 44 سؤال ,, 4 منه بونس 10 درجات بونس اسئلة لو ماحليتيها تروح عليكي

انا موقصدي بونس ياحلوه في الاختبار اقصد اللي بعد الاختبار

[لهيب الزهور]

هو يعطوكم بونس 10 في الاختبار وبعد كذا يعملوا كيرف أب كمان !!!

احنا بخطة ب واحد منهم بس ومايجوا الاثنين مع بعض