لقااااء الطلاب ،، وشرح (( آلية التسكين )) ..!!

[كندربوينو]

انا ماشفتها بس شفت الحارة فرحانة قلت اكيد الاتحاد فاز

[dr.hope]

انا كنت هناك بس جيت متأخر عالساعة تسعة

ورحت لركن الطب وركن العلوم الطبية عشان أسأل عالعلاج الطبيعي

وبعدين قلت خليني اروح المسرح اشوف اذا في شي

حصلت ان في تقريبا 20 طالب ومعاهم مسؤولين من كلية طب الاسنان

والوكيل حق الكلية كان يشرح عرض وبعدين بدأوو بالاسئلة

بس بصراحة انا ما جلست ولا شفت شي

لكن انا اشوف ان المجهود كان طيب

صح تحس انو الوضع ملخبط بس والله اللي يبغا يستفيد حيستفيد وحيعرف راسه من رجله

طبعا من المسؤلين الكبار اللي كانوا موجودين

وكيل عمادة القبول والتسجيل وعميد شؤون الطلاب وكمان عميد كلية العلوم ووكيلها

ووكيل كلية طب الاسنان واظن العميد كمان كان موجود بس صراحة ما اعرف شكله

وفي غيرهم بس ما شفتهم

اما بالنسبة للمسؤلين حق الطب البشري

فأعتقد حيتواجدوا يوم الثلوث حسب الجدول اللي في الموضوع المثبت حق المشرف غير

وشكرا

[rayyan1444]

بوزي انت رحت اللقاء؟
اذا ايوه طيب قلي شنو فهمت عن القبول للطب؟؟

[Bo0oZy]

المشاركة الأصلية كتبت بواسطة υикиσωи << اماا فااز ...!؟ كم ..!؟

2 - 1 ،، والله سووووها النمووووور



انا ماليا في الكورة يا زهرة .. بس بحكم اني جداوي .. اتمنى الاتحاد يفووووز

المشاركة الأصلية كتبت بواسطة كندربوينو لا بس اكيد كدا لان التسكين او قراره راح يكون بعد الصيفي فكيف ماراح تكون لهم نفس الفرص ؟؟

انا هادا قصدي ،، انا اللي اقصدو انو لهم نفس الفرص ،، بس كلام ريان كان يخالفني فعشان كدا حبيت اتأكد ،، مرسي كندر بوينو على الرد ،، شكيت في معلوماتي كنت ككك

[Bo0oZy]

المشاركة الأصلية كتبت بواسطة rayyan1444 بوزي انت رحت اللقاء؟ اذا ايوه طيب قلي شنو فهمت عن القبول للطب؟؟

اللي فهمتو ،،

انو مطلوب انك تجيب في الاحياء والفيزيا والكيميا والانجليزي الاول والتاني b+

بعدين ساعتها على حسب المقاعد الشاغرة في الكلية حيشوفو يدخلوك ولا لاء ،،،

لكن لو كانت درجاتك كلها a بس عندك مادة وحدة تحت الـ b+ ساعتها ما حيقبلووو بيك ،،


لانو لازم كل المواد فوق b+ ،،،،


يعني حاجة هبلة والله ،، حسبي الله عليهم بس

[υикиσωи]

امممم زي ما قالنا واحد من المشرفين اتوقع تركي

المهم ..يعني لا تشيووو هم

انووو الكمبيوتر حيرتبا حسب معدلاتنا عندوووو ...
مسلا ... ابرار - عبير - اروى -رفيف
<< زي كدا حسب المعدلات الاعلى فالاقل
بعدين يشوف الرغبة الاولى لابرار ... ويسكنها
بعدين لعبير
بعدين اروى
بعدين رفيف
وزي كدااا
ازاا جات وحدةواكتفووو العدد حق الاسنان مسلا .. وهيا كانت حاطتو رغبة اولى
فحيوروحووو لرغبتها التانية


فخليكم متفااائلين ياهوو
انو ما حيقفلو الطب مسلاااا ازا ما اتوفرت الشروووط ..
حيكملووو لحد ما يكتفو بالعدد

[ultraviolet]

يا الله ايش التحطيم دا
يعني المفاضلة مو بالمعدل الموزون ؟
يعني المفاضلة ب a , b و الكلام دا ؟

بس الصراحة شكرا لبوزي و ريان
لانكم من جد خليتوني اضحك من قلبي لاول مرة في تاريخ السنة " الاحتضارية "
قال " رابع سنوي " قال
دا الناقص .. شكلنا حنجلس للابد في السنوي و التحضيري حقهم دا .. شكلو عمرنا ما راح نتخصص

[كندربوينو]

عفوا اخوي بوزي
اما الطب فزي ماقال بالزبط بس انو كمان على حسب الاكتفاء

[HaMo0oDy303]

اللي فهمتو ،، انو مطلوب انك تجيب في الاحياء والفيزيا والكيميا والانجليزي الاول والتاني b+ بعدين ساعتها على حسب المقاعد الشاغرة في الكلية حيشوفو يدخلوك ولا لاء ،،، لكن لو كانت درجاتك كلها a بس عندك مادة وحدة تحت الـ b+ ساعتها ما حيقبلووو بيك ،، لانو لازم كل المواد فوق b+ ،،،، يعني حاجة هبلة والله ،، حسبي الله عليهم بس

انا اشوفه كلام مره مو معقوووول كيف كلها a ووحدة بس تحت ال b+ مره ما يجي
والله انا احس اللقاء ذا مو ارشادي الا لقاء خذ ملفك وانقلع دام الشغلة تعجيييييييز Xتعجيييييز

[ROoOFaNA]

لاحول ولاقوة إلا بالله العلي العظيم
استغفر الله العظيم واتوب إليه



الله يختار لنا الطيب والصالح ياااااااااارب