موقع اختبارات المناطق(الرياض) للفصل الاول 1435هـ قصر الرياض للاحتفالات (صورة الموقع)

[asd997]

المشاركة الأصلية كتبت بواسطة ملك الصمت اي يوجد شقق قريبه وشقق حلوه يبعد عن المكان خمس دقايق بس ليش تبي مناطق وانت بجده؟ وسوال متى ينتهي تسجيل العالميه

لأني خريج ومنزل سبعة مواد وفي مواد اختبارها بنفس اليوم وبعضها وراء بعض

فنجبرت اختبر ثلاث مواد في المناطق وبقية المواد ان شاءالله في جدة

بالنسبة لأخر موعد للتسجيل في العالمية ( 25 او 30 / 1 / 1435هـ )

[ابوحنيـن]

اخر موعد لتسجيل في 5/2/1435هـ

اخوي اسد كيف اقدر اختبر بعض المواد في الرياض وبعضها في جدة ؟

لاني خريج باذن الله وعندي 8 مواد مضغوط

[Matro]

فيه شقق وفيه فندق صلاح الدين قريب منه

[manss-2010]

السلام عليكم ورحمة الله وبركاته
حبيت أستفسر يا اخوان
أنا جاي من الخرج ، أفضل طريق للموقع لاهنتم

[khalid_999]

المشاركة الأصلية كتبت بواسطة manss-2010 السلام عليكم ورحمة الله وبركاته حبيت أستفسر يا اخوان أنا جاي من الخرج ، أفضل طريق للموقع لاهنتم

مع الدائري الشرقي (طريق المطار ) إلى مخرج 11 ادخل مع الخدمه واطلع مع الكبري يروح فيك يسار إلى طريق العروبه امش سيده

لين يجيك طريق الملك عبدالعزيز ادخل معه يمين امش شوي يجيك الموقع عاليسار

[kbab30]

ابو ريتال اذا انت جاي من طريق الخرج الجديد 18 مخرج رووووح سيدا لمن مخرج11 ونزل مع طريق العروبه الجديد لين اول اشاره يجيك عاليسار

[manss-2010]

الله يعطيكم العافيه يا أخوي khalid_999 , و أخوي kbab30 على التوضيح

[العسلي 1]

المكان جدا ممتاز وبعيد عن الزحمة ولله الحمد
ايضاً المكان من الداخل يعوضكم عن سنة الثمامة ( رائع جداً )

[فهودي الدوسري]

الله يعطيكم العافية..

بالنسبة للي ساكن في جنوب الرياض اسهل طريق لموقع الاختبار..

وفق الله الجميع لكل خير.

[تشتاق]

المشكله في المواقف الثمامه وهي مواقف كبيره العالم توقف بعيد من كثر السيارات وشلون مكان في قلب الرياض

مفروض اكثر من مكان للاختباار وحده في الشمال ووحده جنوب ووحده شرق