ماهي الشروط لأكمال دراسة الماجستير

[أنفال علي]

السلام عليكم جميعا ،،

اول مشاركه لي وابي القى رد على استفساري يارب ومحد يحذف موضوعي لاني محتاجته ،، انا متخرجه لي سنه وشوي من جامعه القصيم الحكوميه تخصص اداره اعمال وابي اكمل ماستر بجامعه الملك عبدالعزيز او ام القرى لان مافيه الا ذولي بجامعه القصيم الاهليه على حسب علمي ! ومعدلي 2.85 جيد واختبرت قدرات وطلعت لي 60 سيئه بس اقدر اعيده

سؤالي ابي اكمل واسجل بالماستر فيه مجال انقبل وكيف وايش هي الشروط لاني سمعت لازم اختبر توفل طيب اقدر اختبر بديل عنه كفايات اللغه الانجليزيه ياليت احد يقدر يفهمني بشكل مفصل للي زي حالتي لاني ماعرف شيء بالماستر وطريقته واكون شاكره له ...

الله يخليكم

[عماد الحسن]

حياكم الله أختي أنفال ،، نتشرف بكم في المنتدى وأسأل الله لك القبول

التوفل هو نفسه الكفايات ولازم تحضريه لأنه شرط للقبول.
ودرجة القدرات كما ذكرتي تحتاج اعادة الله يعينك ويوفقك
مطلوب أيضاً تجهيز ملفاتك والسيرة الذاتية مع دورات منوعة

بخصوص التقدير فهو جيد منخفض وهذا قد يمثل مشكلة في القبول
ولكن ما زلت أنصحك بالاستعداد والتقديم، ولو واجهتي مشكلة ممكن تغيري التخصص
دعواتي لكم بالخير والسداد.

[أنفال علي]

المشاركة الأصلية كتبت بواسطة عماد الحسن حياكم الله أختي أنفال ،، نتشرف بكم في المنتدى وأسأل الله لك القبول التوفل هو نفسه الكفايات ولازم تحضريه لأنه شرط للقبول. ودرجة القدرات كما ذكرتي تحتاج اعادة الله يعينك ويوفقك مطلوب أيضاً تجهيز ملفاتك والسيرة الذاتية مع دورات منوعة بخصوص التقدير فهو جيد منخفض وهذا قد يمثل مشكلة في القبول ولكن ما زلت أنصحك بالاستعداد والتقديم، ولو واجهتي مشكلة ممكن تغيري التخصص دعواتي لكم بالخير والسداد.

الله يعافيك ماقصرت اخوي عماد لكن بسألك ايش هي نصايحك لي اعملها ومتى يفتح التقديم اذا تعرف بخصوص هالجامعتين وايش التخصصات اللي تنفع لمعدلي عشان ادرسه

ومعليش عالازعاج احتاج اعرف اشياء كثيره بأسلتي لاني مو عارفه

واخر شيء بخصوص اختبار القدرات كم لازم اجيب اقصى درجه 70 واختبار الكفايات كم لازم بعد واسال الله لك التوفيق بالدنيا والاخره