قروب بحث وتدريب د.عبدالعظيم محمد شمسان pad 496 الفصل الدراسي الاول 1435 هـ

[العبدلي 777]

مساكم الله بالخير و السرور

اخواني و زملائي الطلاب في هذا القروب انا توني كلمت الدكتور و شكله كان مرررررررررره مضغوط و متنرفز لدرجة انه قالي كيف بتكون طريقة الاختبار و كيف بيكون طريقة تسليمه بالنسبة للطلاب اللي خارج مدينة جده و تاريخ التسليم من متى لمتى بطريقة حسيت اني زوتها معه و في الاخير سالني انا في اي شعبه و عن اسمي و هنا خفت طبعا فا على طول اعطيته شعبه غير شعبتي و اسم شخص يشتغل عندنا في العمل عليه بلاغ هروب هههههههههههههههههههههههههههههههههههههه تخطيط يا حبايبي تخطيط على العموم بسرد اللي قالي هو على شكل نقاط هي :

1- موضوع الاختبار مثل ما قلت لكم سابقا اختاروا اي مشكله ادارية في مقر عملكم او اي مشكله ادارية خارجه و تكلموا عنها
2- طريقة البحث هي مثل اي كتاب توضح فيه الفهرس و مقدمه للموضوع و نبذه عن المراجع و من ثم تفاصيل الموضوع المختار (هذا على حسب كلام الدكتور و قالها لي بطريقة سريعة و بعدين قالي عشان كذا انا ابيكم تنتظرون عشان اعطيكم الطريقة اللي هو يبي فيها البحث )
3- يتم ارسال البحث عن طريق اي خدمات توصيل للطلاب اللي برا جده عن طريق الـ (دي ايتش ال) او عن طريق (فيديكس) او عن طريق (يو بي اس) او عن طريق اي جهة ارسال موجوده في المملكه
4- تاريخ تسليم البحوث قالي من تاريخ بداية اختبارات المناطق 11/02/1435ه الى تاريخ اخر يوم في اختبارات جده 29/02/1435ه يعني في وقت ان شاء الله
5- البحث قالي الدكتور ما يزيد عن 20 ورقه ولا تقل عن 15 ورقه فقط
6- الدكتور قالي ايضا اذا الطلاب يبون الدرجه الكامله يطبقوا النقاط اللي يبيها الدكتور بحذافيرها نقطه نقطه و يحس انه تعب الطالب فيها مو انها نسخ و لصق و مكرره و جاهزه
7- الدكتور قالي طمن الطلاب باذن الاحد الصمد محد رايح يرسب عندي في البحث و خلي الطلاب ينسوا فكرة رسوب و كلمة الرسوب عندي حتى لو الطالب ما قدم شي يشفع له في البحث ناجح ناجح باذن الله

و في الاخير اتمنى لكم دوام التوفيق و النجاح