استشارة عاجلة لا اهل الخبرة والمتخرجين رأيكم يهمني

[خفايا نفس]

هلا كفو وجاد

الله ييسر امرك وانا اخوك وتتخرج

انا باقي لي مثلك 24 ساعة على التخرج بس ماخذها على راحه على ترمين

اذا تبي نصيحتي مثل ما قالك أبو بندر النظام السياسي السعودي مره سهله وتعتمد على اسئلة السنوات الماضيه وما فيها شيء صعب حتى اخذت فيها 100% الترم الماضي

ومادة منظمة التجاره ممله ومعلوماتها كثيره وراح تطفش وانت تقراء فيها انا اخذتها الترك الماضي لانها في الخطة عندي وفيها اكثر من اتفاقيه وتواريخ واماكن وروموز وجولة الارجواي وجولة استراليا وقلق مو طبيعي

واما بحوث العمليات الله يعينك عليها من جد صعبه واخذتها الترم الماضي بالقوه عديتها على الحفه 60 وربك ستر

وبخصوص المادة الحره انا مثلك جالس ادور مادتين سهله لاني ما اخذت ولا مادة حره من بداية الجامعة

بالتوفيق والله يكتب لك اللي فيه الخير