رجة المنتدى هنا <<المطلوب في التخصصات

[The~Dark~Side]

إيييييييييييه يالهندسة حلم حياتي إني أدخل هندسة
بس طااااارت الطيور بأرزااااااااااااااقها
لكن أملي بالله قوووووووووووووي
وإذا ما دخلت هندسة راح أدخل رياضيات إذا كان له تخصص مستقل عن كلية العلوم

[نهوله]

والله الموضوع مرررررره جيد
لكن انا كان حلم من احلامي اني ادخل تمريض او علاج طبيعي لكن للأسف بعد السنه التحطيميه والاسلوب الاكثر من رائع اشك اني راح ادخل شي فاللي كاتبوا ربي ليا راح ارضى وخلاص هادا شي مو بيدنا بيد الجامعه.
وسالفة التسكين ياليت احد يشرحلي هيا ومتى بالظبط لاني مادري عنها شي.

[Bo0oZy]

سالفة التسكين يا اخوان في عليها مووضوع بالكامل هنا في هادا الرابط ،،،

http://www.skaau.com/vb/showthread.php?t=56515


وبالنسبة ليا أنا ،،،

صراحة ً .. انا قلت الخيرة فيما اختاره الله ،،،


حستخير .. واستخير .. واستخير .. واخش اختار تلاتة اختيارات ،،،

واللي ربنا كاتبو احنا راضين بيه ,,,

وفي النهاية كل واحد حياخد نصيبه ،،،،،



ومرررررة شكرا ً على الموضوع هادا ،، لانو انا بستغل هدي الفرصة عشان اقولكم ،،

ياخوان كلنا دخلنا هنا بطموووحات وأحلام ،،،

لكن خلووونا نعيش الواقع ،، اذا الدنيا ادتك ضهرها ,, ادي ضهرك للدنيا (( هكووونا متاتا )) << مع نفسك كككك


يعني لا تقعدو تحزنو وتشيلو في خاطركم وتحطو اللوم كلو على الجامعة وانهم ما يبغو احد يتخصص وانهم وانهم وانهم ،،،

لكن استغلو هدا الوقت اللي حتضيعوووه في الحزن والزعل على انكم تفكرو في حل بديل ،،،

دائما الانسان اذا يبغا يمشي في حياتو يحط خطط بديلة .. لانو في شي اسمو تخطيط وهدف .. وفي شي اسمو قَدر ،،


مو كل شي نخططلو وكل هدف نرسمو .. القدر يساعدنا اننا نوصلو .. يمكن الخير يكون في شي احنا ما ندري عنه ،،،





.. مو شرط عشان ابويا قلي صير دكتور اصير دكتور .. ولا صير مهندس اصير مهندس .. ممكن انا اكون مبدع في مجال الكمبيوتر .. فاخش طب عشان ابويا يبغا كدا ؟؟




وبعدين في حل تاني .. صح هوا مو مناسب كتير بس يعتبر حل ،،

في كليات تانية تقبل طب .. خاصة او ممكن جامعات حكومية بس في بلدان تانية ,, صح انها صعبة وتقيلة وكدا .. بس اللي يبغا الشي .. ان شاء الله يوصلووو





انا اتكلمت عن الطب هنا عشان هوا اعلى متطلبات ،،، لكن انتو قيسوا على ذلك ...




اخر شي ابغا اقولو ،،

سووو اللي عليكم ... واستنو الخير من ربنا



ومن يتوكل على الله فهو حسبه


وبالتوفيق جميعا ،،،

وسامحوني اذا كلامي خطأ او فيه نقص او عيب ،، هدا رأيي شخصي

واختلاف الآراء لا يفسد للود قضية ،،




بالمناسبة هدي المشاركة 300 ليا خخخخ .. يعني صرت بوووزي نجمة كككك عقبال ما أكمل الصف كلوووو << طموحو على قدو كككك

سؤاااال :~ لو واحد خلصت نجومه .. يجيه صقر وسيفين ونخلة وحركات زي حقين العسكرية ؟؟ <<< اطلع برااااااااااا



have a nice weekend

^_^

[υикиσωи]

أول شي ثااانكس ع الموضوع ...


تاني شي ...اناا حلمي اكون طبيبة أسنان للأطفال ...
عشان في دكتورة سعودية كانت في فقيه ... حقت أسنان للبزورة ..مرااا يناااااااسوووو عليها ...
عجبني تخصصها ...وكيفية تعاملها ...
وان شالله اسر زيها او أحسن ... يعن انا حبيت دا القسم
بالاصافة انو من واناا صغيرة لحد دحين وعماني يقولولي يا دكتورة ...فخلاااص مسكت في راااسي

اممممم ... بسس ياااارب يتحقق حلمي ....

عموما حبيت اقولكم ..اعملووو استخااااارة كل رغبة تحطوها ....
<<<انا عني حأخلي ماما تسويلي ....عشاااان يا جيدة في داالشي ...لووول


وربي ان شالله يخققلنا اللي نبغاه ... ويختارلنا اللي فيلو الخيرة لينا ...

[LazoOord]

الخير فيما أختارة الله
أنا ماني محددة شيء
لحد الآن
مع أن ميولي فنية
وأنا يعني أجيد الرسم
بشكل ممتاز

بس إذا قلت بأدخل
أقتصاد منزلي
قالوا يا غبية أنتي علمي وو......

وبقية الاقسام العلمية
غير الرياضيات أحس أني
ما ني ناجحه فيها وأنا من أصلي
ما أبغى أتخرج عشان أشتغل
أستاذه


يا ربي اش أسوي ؟؟

[υикиσωи]

المشاركة الأصلية كتبت بواسطة lazooord الخير فيما أختارة الله أنا ماني محددة شيء لحد الآن مع أن ميولي فنية وأنا يعني أجيد الرسم بشكل ممتاز بس إذا قلت بأدخل أقتصاد منزلي قالوا يا غبية أنتي علمي وو...... وبقية الاقسام العلمية غير الرياضيات أحس أني ما ني ناجحه فيها وأنا من أصلي ما أبغى أتخرج عشان أشتغل أستاذه يا ربي اش أسوي ؟؟

حياتي ... ازا انتي من هواة الرسم
لا تسمعي كلام احد وخشي اللي تبيه
محد حيدرس غيرك ..صح ..!؟
دحين لو مسلا يبوكي تدخلي صيدلة مسلا مسلا وانتي ما تحبيها ..ما حتقدري تمشي فيها
يعني انتي اللي حتدرسي ...مو همااا
هما مالهم صلاااح فيكي

وازا انتي تحبي الرياضيات ...لا تفكري في الوطيفة بالدرجة الاولى ..فكري انو انتي تحبي دي المااادة ...

ربي يوفقك ..ويسهل عليكي

[Bo0oZy]

المشاركة الأصلية كتبت بواسطة υикиσωи أول شي ثااانكس ع الموضوع ... تاني شي ...اناا حلمي اكون طبيبة أسنان للأطفال ... عشان في دكتورة سعودية كانت في فقيه ... حقت أسنان للبزورة ..مرااا يناااااااسوووو عليها ... عجبني تخصصها ...وكيفية تعاملها ... وان شالله اسر زيها او أحسن ... يعن انا حبيت دا القسم بالاصافة انو من واناا صغيرة لحد دحين وعماني يقولولي يا دكتورة ...فخلاااص مسكت في راااسي اممممم ... بسس ياااارب يتحقق حلمي .... عموما حبيت اقولكم ..اعملووو استخااااارة كل رغبة تحطوها .... <<<انا عني حأخلي ماما تسويلي ....عشاااان يا جيدة في داالشي ...لووول وربي ان شالله يخققلنا اللي نبغاه ... ويختارلنا اللي فيلو الخيرة لينا ...

كلامك حلووو والله يوفقك ،، بس عندي تعليق بسيط ،،

اعتقد انك دحين انتي في الجامعة ,, وخلاص مسؤوولة عن نفسك

يعني اتوقع انو مافي مانع لو تشاركي امك الاستخارة .. لانو انتي اللي حتدرسي مو هيا !!

دا رأيي بس حبيت اقولو

المشاركة الأصلية كتبت بواسطة lazooord الخير فيما أختارة الله أنا ماني محددة شيء لحد الآن مع أن ميولي فنية وأنا يعني أجيد الرسم بشكل ممتاز بس إذا قلت بأدخل أقتصاد منزلي قالوا يا غبية أنتي علمي وو...... وبقية الاقسام العلمية غير الرياضيات أحس أني ما ني ناجحه فيها وأنا من أصلي ما أبغى أتخرج عشان أشتغل أستاذه يا ربي اش أسوي ؟؟

عزيزتي الموضوع بيدك ،،،

انتي انسانة تحبي شي واهلك يحبو شي ثاني ..

بس في ناس يبدعو في اي شي ما شاء الله .. وفي ناس ما يعرفو يبدعو الا في اشياء معينة ...

في ناس دوافير من ربنا .. تحطيهم في هندسة يمشو حالهم .. تحطيهم في طب يمشو حالهم .. تحطيهم في ميكانيييييكا برضو يمشي حالهم تحطيهم جوة الارض برضو ما شاء الله تبارك الله.. من ربنا التوفيق ،،،

وفي ناس لو تعطيه موية مايعرف يشربها ... لكن تلاقيه خبرة وفااااهم في شي معين بس

زي الامريكان والشعب اللي برا .. فاهم في شي واحد ودلخ في الباقي << مع احترامي للجميع وانا اولهم ككككك


فانتي شوفي نفسك .. لو لقيتي انو انتي تقدري تمشي في رغبات اهلك ... ديك الساعة شوفي ايش المستقبل المهني الافضل ...

ولكن لو انتي عارفة نفسك انك ما تبدعي الا في الرسم .. فاتوقع تمسكك بالرسم حيخليكي تطلعي شي فظيييع ،،

يمكن نلاقيكي في يوم لزوورداسو << على وزن بيكاسو ككككك


وبعدين انتي بنت .. يعني المطلوب منك مو الوظيفة في المقام الاول.. المطلوب منك انك تكوني متعلمة ... وزوجك يتكفل بالباقي

واذا اشتغلتي كتر خيرك وخلاص هوا ياخد اجازة


معليش هرجي كتير ومو ناااايم ومني مجمع بس حبيت افيدك برأيي وارجو انك تتقبليه بصدر رحب وما ترميه في وجهي


اخوووكي بوزي

[BяȯỢ ™]

ممممممم موضـوع نـآإيـس ؛؛

أنــآإ بصرآإحـه مـرره نـفسـي أدخـل عـلـووم طبيـة تغـزيـة إكلينيكية :)

بس خــآإيفـه لأن القبـوول حيكـون حسب الأفضليـة .. و أخــآإف معدلي ينزل مـع موآد الترم دآإ الحلـوووه :(

يـــــــآآإرب لـوو القســـم دآإ فيـه خيـرر لـيــآآ يــآآإرب سهلي القبــووول فيـه أنـآإ و صحبـآإاتي

و مـررره مـآإني عـآإرفـه إش أحـط خيــآإرآت تآنيـه لأنـوو مآفي شئ عآجبني غير التغزيـة

والله بمعدلي الموزون كـنـت أقــدر أدخـل طب و من أوآئـل المقبولين في الطب في جآمعة أم القرى و غيرهــآآ

بس الحمـدلله ع كـل حـــــــآإل

..

[LazoOord]

لا بوزي أنا مو زي بيكاسو
اختصاصي أنمي
بس
شي على قدي
بيكاسو هذا خليه
في المستقبل

[υикиσωи]

المشاركة الأصلية كتبت بواسطة bo0ozy كلامك حلووو والله يوفقك ،، بس عندي تعليق بسيط ،، اعتقد انك دحين انتي في الجامعة ,, وخلاص مسؤوولة عن نفسك يعني اتوقع انو مافي مانع لو تشاركي امك الاستخارة .. لانو انتي اللي حتدرسي مو هيا !! دا رأيي بس حبيت اقولو

داااارية واللهي ..
بسس ماما ما شالله احس لما تعمل استخااارة مرااااا تنفع احس ...

بسس برضوو حاسوي ..هيا تقولي لازم انتي تسوي ....
بسس ما اعرف انااا ...


وثانكس ع النصيحة خيووو ..ربي يوفقك بوزي ..