فيزياء 110

[Basma algHamdi]

السلام عليكم ورجمة الله وبركاته
كيفكم !

انا طالبة سنة تحضيري خطة أ
لكن توهه ينزل جدولي يوم الخميس اللي فآت

و انصدمت بالكميةه الكبيرهه اللي أخذوهآ بالفيزياء
الدكتورهه اللي ادرس عندهآ ههي : ألاء يحي امام محمود
قالت مايحتاج نشتري كتآب نعتمد فقط ع السلايدات بتاعها
ولما شفت السلايدات حقت المادهه كآنت كلهآ انقلش
و بصراحةه مصطلحاتي الفيزيائية بالانقلش مرا مييح


اللي سمعته الاختبار هنا بالانقلش بما انه الدراسه انقلش
لكن يَ ترى كمان كتابة الاسئلة ماتكون من نفس دكتورهه المادهه !

فَ حسب خبرتكم لو سمحتم
سآعدوني كيف اذاكر الفيزياء !

[L I G H T]

-


وعليكم السلام ورحمة الله وبركاته ^^

أول حاجة مرة لا تخافي حاسة فيكي ومريت بظرف زي ظرفك والأمور حتعدي بسهالة إن شاء الله فلا تقلقي ،

بالنسبة لإنو المادة إنقلش فأنا بقولك هيا مرة لا تخافي من ناحية اللغة لأنو حتتعودي
سواءًا فيزياء أو رياضيات أو كيمياء المهم هو إنك تفهمي المادة العلمية ،
المصطلحات الدكتورة عادة تترجمها وهيا تتكلم والشرح غالبًا عربي ، واللي ماتترجمه إنتي ترجميه لمن تذاكري

بالنسبة لإنو دكتورتكم ماشية بالسلايدز ف دا رحمة من رب العالمين لانك لو شفتي شكل الكتاب حتبطلي تدرسي xD
أنا مرة يعجبني نظام السلايدز لأنو يكونوا طلعوا الزبد بدل لا إنتي تحوسي ف الكتاب تشوفي ايش مهم وايش لأ

بالنسبة للي فاتك فعندك عدة حلول :
- يا إنك تحملي فيديوهات الأستاذ يوسف زويل، شارح فيها المنهج كامل بالتفصيل، إبحثي بإسمه حتلقي الفيديوهات .
- يا إنك تمسكي السلايدز لحالك وتحاولي تفهمي وتشوفي ملخصات لأساتذة خصوصيين زي زويل أو أشرف بركات تلقيها ف المكتبات وف النت كمان .
- يا إنك تشوفي لو تعرفي زميلات يساعدوكِ ف وقت الفراغ لو حتى يفهموكِ رؤوس أقلام .

صح كمان شوفي لو اكتشفتي إنك مو لحالك وفيه مجموعة معاكِ نازلة جداولهم متأخر فدا شي كويس لأنو بعض
الدكتورات يكونوا متعاونات وتحدد لكم محاضرة إضافية ف وقت تكونوا انتوا وهيا فاضيين وتعيد لكم كل اللي فات

شخصيًا أرشح لك الحل الأول وربنا ييسر أمرك

[SamuraiQ]

أختي اول شي
بالنسبة للمصطلحات لا تخافي ابدًا حتثبت مع الوقت سواء في اي مادة
اذا شفتي نفسك ما تقدر تفهمي او تركزي على سلايدات الدكتورة انصحك تلحقي على نفسك وتشتري ملخص كويس وتذاكريه لانه لازم تنتبهي على هذي الأشياء

[Basma algHamdi]

المشاركة الأصلية كتبت بواسطة l i g h t - وعليكم السلام ورحمة الله وبركاته ^^ أول حاجة مرة لا تخافي حاسة فيكي ومريت بظرف زي ظرفك والأمور حتعدي بسهالة إن شاء الله فلا تقلقي ، بالنسبة لإنو المادة إنقلش فأنا بقولك هيا مرة لا تخافي من ناحية اللغة لأنو حتتعودي سواءًا فيزياء أو رياضيات أو كيمياء المهم هو إنك تفهمي المادة العلمية ، المصطلحات الدكتورة عادة تترجمها وهيا تتكلم والشرح غالبًا عربي ، واللي ماتترجمه إنتي ترجميه لمن تذاكري بالنسبة لإنو دكتورتكم ماشية بالسلايدز ف دا رحمة من رب العالمين لانك لو شفتي شكل الكتاب حتبطلي تدرسي xd أنا مرة يعجبني نظام السلايدز لأنو يكونوا طلعوا الزبد بدل لا إنتي تحوسي ف الكتاب تشوفي ايش مهم وايش لأ بالنسبة للي فاتك فعندك عدة حلول : - يا إنك تحملي فيديوهات الأستاذ يوسف زويل، شارح فيها المنهج كامل بالتفصيل، إبحثي بإسمه حتلقي الفيديوهات . - يا إنك تمسكي السلايدز لحالك وتحاولي تفهمي وتشوفي ملخصات لأساتذة خصوصيين زي زويل أو أشرف بركات تلقيها ف المكتبات وف النت كمان . - يا إنك تشوفي لو تعرفي زميلات يساعدوكِ ف وقت الفراغ لو حتى يفهموكِ رؤوس أقلام . صح كمان شوفي لو اكتشفتي إنك مو لحالك وفيه مجموعة معاكِ نازلة جداولهم متأخر فدا شي كويس لأنو بعض الدكتورات يكونوا متعاونات وتحدد لكم محاضرة إضافية ف وقت تكونوا انتوا وهيا فاضيين وتعيد لكم كل اللي فات شخصيًا أرشح لك الحل الأول وربنا ييسر أمرك

ربي يسعدكِ دُنيآ وَ أخرهه إن شآء الله ()"
اوك حَ احمل فيديوهات زويل وَ ربي يسهل
تسلمي لي عَ الرد طمنتيني الله يوفقكِ

المشاركة الأصلية كتبت بواسطة samuraiq أختي اول شي بالنسبة للمصطلحات لا تخافي ابدًا حتثبت مع الوقت سواء في اي مادة اذا شفتي نفسك ما تقدر تفهمي او تركزي على سلايدات الدكتورة انصحك تلحقي على نفسك وتشتري ملخص كويس وتذاكريه لانه لازم تنتبهي على هذي الأشياء

ربي يرزقك السعادهه دُنيآ وَ أخرهه
بصراحهه الدكتورهه السلايدات بتاعها شويات معقدههَ
وَ خاصةه إنهاا ماتشرح للإسف ح اعتمد إن شآء الله
عَ فيديوهآت زويل وَ بعض نماذج اختبارات السنوآت الماضيةه
و الله ييسر لي وَ للجميع
شُكراُ عَ الرد ()"

[Basma Mahin]

السلام عليكم :)
شوفي حبيبتي هو في البداية صح بتحسي بالفرق في اللغة في الاسلوب في طريقة الشرح وكله
لكن ما حياخدك اسبوع الا تتعودي
ونصيحتي لك قبل ما تجي المحاضرة اقري الدرس وخدي فكرة عامة عنه يصير حتى لو جيتي والاستاذة قالت مصطلح ما عرفتيه ممكن تربطيه باللي حضرتيله
ممكن كمان عن طريق المعادلات تعرفي هي الاستاذة بتتكلم عن السرع ولا التسارع والا القوة وكدا
وطبعا زي ما قالوا الباقين، مافي أحسن الا انك تطلبي مساعدة من البنات اللي معاك وتخليهم يشرحولك اللي فاتك
او انك تروحي لاستاذتك في ساعاتها المكتبية وتشرحيلها وضعك وتشوفي ممكن تساعدك او تشرحلك اللي فاتك بطريقة مختصرة

ان شاء الله أفدتك
الله يسهل عليك يا رب وعلينا :)

[wafa al7arbi]

أنا زيك خطة أ .
والفيزياء الحمدلله ممرا ماشي معايا مع اني اكره دي المادة
والمصطلحات مع الأيام تتعودي عليها مرا وسهلة رح تكون يعني لا تخافي
و مداكرتي من (الكتاب+ملخصات أشرف بركات+ملخصات هناء فرحان) وكمان أحيانا أرجع لفيديوهات يوسف زويل .
الكتاب أنا ناسبني مع إني أحس العالم كلها تكرهو ممكن عشان دكتورتنا تحدد معانا وأنا محددة باقلام ملونة وكدا ولا هوا مصور يعني ابيض اسود
بس حاولي تفهمي اللي راح ف الاجازة دي بعدين امشي مع الدكتورة أول بأول وان شاء الله نتوفق قلبي

[malk alghamdi]

الله يعينك انك تاخرتي لكن بالنسبه لمادة الفيزيا ابدا لاتشيلين همها من اسهل المواد في السنة التحضيرية
الجامعه كلها انقلش مدام دخلتي علمي لكن ابدا عمرو ماكان الانقلش عائق بالعكس جدا سهل
بالنسبة للمذاكره ،
امسكي سلايدات الدكتوره ترجمي المكتوب فيها وحاولي تفهمي شوية شوية
بعد كدا روحي للملخصات لانه فات عليكي الوقت
بس شوفي الملخصات عشان تلحقي باللي فاتك وينشرحلك المختصر
انصحك تشوفي ملخص طلعت سالم علشانه مرا يشرح بترتيب ويلخص بشكل مفييد موجود بالمنتدى ابحثي عنه
و امسسكي ملخص اشرف بركات جامع كمية كبيرة من الاختبارات والتمارين اللي حتساعدك عالفهم وكمان تلاقيها بالمنتدى
و اخر شيء ، شوفي نماذج اختبارات مهم مهم مهمم
حتلقيها اما بالمكتبات المقابلة لكلية الهندسة طلاب بالجامعة
او كمان تلقينها هنبالمنتدى شوفي قسم الملخصات
او كمان تلقين في اساتذه منزلين نماذج في موقعهم

[malk alghamdi]

شوفي دا شابتر ون فيزيا طلعت سالم
لكن باقي الشابترز موجودة هنا بالمنتدى ابحثي بقوقل بتلقينها
http://www.skaau.com/vb/showthread.php?t=716769

[Basma algHamdi]

المشاركة الأصلية كتبت بواسطة basma mahin السلام عليكم :) شوفي حبيبتي هو في البداية صح بتحسي بالفرق في اللغة في الاسلوب في طريقة الشرح وكله لكن ما حياخدك اسبوع الا تتعودي ونصيحتي لك قبل ما تجي المحاضرة اقري الدرس وخدي فكرة عامة عنه يصير حتى لو جيتي والاستاذة قالت مصطلح ما عرفتيه ممكن تربطيه باللي حضرتيله ممكن كمان عن طريق المعادلات تعرفي هي الاستاذة بتتكلم عن السرع ولا التسارع والا القوة وكدا وطبعا زي ما قالوا الباقين، مافي أحسن الا انك تطلبي مساعدة من البنات اللي معاك وتخليهم يشرحولك اللي فاتك او انك تروحي لاستاذتك في ساعاتها المكتبية وتشرحيلها وضعك وتشوفي ممكن تساعدك او تشرحلك اللي فاتك بطريقة مختصرة ان شاء الله أفدتك الله يسهل عليك يا رب وعلينا :)

مشكورههَ حبيبتي عَ ردك ()"
إن شآء الله إذا صعب عليَ شيء
حَ اشوفف البنآت
ربيَ يوفقكِ

المشاركة الأصلية كتبت بواسطة wafa al7arbi أنا زيك خطة أ . والفيزياء الحمدلله ممرا ماشي معايا مع اني اكره دي المادة والمصطلحات مع الأيام تتعودي عليها مرا وسهلة رح تكون يعني لا تخافي و مداكرتي من (الكتاب+ملخصات أشرف بركات+ملخصات هناء فرحان) وكمان أحيانا أرجع لفيديوهات يوسف زويل . الكتاب أنا ناسبني مع إني أحس العالم كلها تكرهو ممكن عشان دكتورتنا تحدد معانا وأنا محددة باقلام ملونة وكدا ولا هوا مصور يعني ابيض اسود بس حاولي تفهمي اللي راح ف الاجازة دي بعدين امشي مع الدكتورة أول بأول وان شاء الله نتوفق قلبي

طمنتيني ()
اننا ما احب اذاكر بحاجهه مصورهه
لأني عارفهه نفسي ماحأفهم عَ أسود وَ أبيض
إيوا الحين خلصت الشابتر الأول الحمدلله مِن فيديوهآات زويل
لسآ قليل إن شآء الله وَ أبدأ بالموآد الثانيةه
يسلمو عَ ردكِ وَ ربي يوفقكِ إن شىء الله

المشاركة الأصلية كتبت بواسطة malk alghamdi الله يعينك انك تاخرتي لكن بالنسبه لمادة الفيزيا ابدا لاتشيلين همها من اسهل المواد في السنة التحضيرية الجامعه كلها انقلش مدام دخلتي علمي لكن ابدا عمرو ماكان الانقلش عائق بالعكس جدا سهل بالنسبة للمذاكره ، امسكي سلايدات الدكتوره ترجمي المكتوب فيها وحاولي تفهمي شوية شوية بعد كدا روحي للملخصات لانه فات عليكي الوقت بس شوفي الملخصات عشان تلحقي باللي فاتك وينشرحلك المختصر انصحك تشوفي ملخص طلعت سالم علشانه مرا يشرح بترتيب ويلخص بشكل مفييد موجود بالمنتدى ابحثي عنه و امسسكي ملخص اشرف بركات جامع كمية كبيرة من الاختبارات والتمارين اللي حتساعدك عالفهم وكمان تلاقيها بالمنتدى و اخر شيء ، شوفي نماذج اختبارات مهم مهم مهمم حتلقيها اما بالمكتبات المقابلة لكلية الهندسة طلاب بالجامعة او كمان تلقينها هنبالمنتدى شوفي قسم الملخصات او كمان تلقين في اساتذه منزلين نماذج في موقعهم

المشاركة الأصلية كتبت بواسطة malk alghamdi شوفي دا شابتر ون فيزيا طلعت سالم لكن باقي الشابترز موجودة هنا بالمنتدى ابحثي بقوقل بتلقينها http://www.skaau.com/vb/showthread.php?t=716769

إيوا والله اممين
سلايدات الدكتورهه ماعجبتني
عججبني ملخص طلعت سالم مرآ جمميل
حَ اذاكر منهه وَ إذا صعب شيء رجعت لِفيديوهآات زويل أو سألت البنآات
يب حملت نمآذج السنوآات الماضيةه لما أخلص مذاكرهه حَ أختبر نفسي فيهآ
عَ العموم تشكرولآر عَ ردك قلبي ..
و بِالتوفيق يآرب ()**

[wafa al7arbi]

طمنتيني ()
اننا ما احب اذاكر بحاجهه مصورهه
لأني عارفهه نفسي ماحأفهم عَ أسود وَ أبيض
إيوا الحين خلصت الشابتر الأول الحمدلله مِن فيديوهآات زويل
لسآ قليل إن شآء الله وَ أبدأ بالموآد الثانيةه
يسلمو عَ ردكِ وَ ربي يوفقكِ إن شىء الله



يسلمك قلبي ولو ماسوينا شي
ويااك , وان شاء ندخل التخصصات اللي نبغاها ادعيلي